МУЛОҚОТ БО НОИБИ ПРЕЗИДЕНТИ БАТР

07-уми октябри соли 2025, шаҳри Душанбе. – Вазири энергетика ва захираҳои оби Ҷумҳурии Тоҷикистон Далер Ҷумъа бо ноиби президенти Бонки Аврупоии Таҷдид ва Рушд (БАТР) оид ба сиёсат ва шарикӣ Марк Бауман вохӯрӣ анҷом дод.

Зимни мулоқот ҷонибҳо ҳолати кунунии ҳамкориҳои мутақобилан судманд миёни Ҷумҳурии Тоҷикистон ва Бонки Аврупоии Таҷдид ва Рушдро дар соҳаи энергетика, махсусан татбиқи лоиҳаҳои «Таҷдиди НБО Қайроққум», «Кам намудани талафоти неру дар вилояти Хатлон», Лоиҳаи минтақавии интиқоли неруи барқи CASA-1000 ва Барномаи рушди соҳаи энергетика мавриди баррасӣ қарор доданд.

Ҳамсуҳбатон омодагии худро барои густариши ҳамкориҳои минбаъда дар доираи лоиҳаҳои мавҷуда ва ташаббусҳои нав иброз намуданд.

Муфассал
Подробнее

✅ @mewrtj

09-уми октябри соли 2025, Душанбе. – Муовини вазири энергетика ва захираҳои оби Ҷумҳурии Тоҷикистон Шарифа Худобахш дар ҷаласаи ҷамъбасти натиҷаҳои рушди иқтисодию иҷтимоии ноҳияи Роштқалъа дар нуҳмоҳаи соли ҷорӣ ба таври маҷозӣ иштирок намуд.

Тибқи рӯзнома, нахуст ҳисобот оид натиҷаҳои рушди иқтисодӣ ва иҷтимоии ноҳия дар ин давра ироа гардид.

Дар идома аз ҷониби роҳбарияти Вазорат, ки ҷиҳати иҷрои Нақшаи чорабиниҳои 35-солагии Истиқлоли давлатӣ ва омода намудани соҳаҳои иқтисодиёт ва иҷтимоиёти ноҳия барои фаъолияти мунтазам ва самарабахш дар давраи тирамоҳу зимистони солҳои 2025-2026 дастурҳои мушаххас дода шуд.

Иттилоъ дода шуд, ки тибқи нақшаи корҳои бунёдкориву ободонӣ ба истиқболи Ҷашни 35-солагии Истиқлоли давлатӣ дар ноҳияи Роштқалъа бунёду азнавсозии 206 иншооти истеҳсоливу иҷтимоӣ пешбинӣ гардидааст.

Ба ҳолати 1-уми октябри соли ҷорӣ 152 иҷро гардида, дар 25 банди дигар корҳо идома доранд, ки 86 дарсади нақшаро ташкил медиҳад.

✅ @mewrtj

🇹🇯 🇺🇳13-уми октябри соли 2025, Душанбе. – Вазири энергетика ва захираҳои оби Ҷумҳурии Тоҷикистон Далер Ҷумъа Котиби иҷроияи Комиссияи иқтисодии Созмони Милали Муттаҳид барои Аврупо (UNECE) Татяна Молчанро, ки ҷиҳати иштирок дар Форуми байналмилалии сармоягузории «Душанбе Инвест-2025» ба Тоҷикистон ташриф оварда буд, ба ҳузур пазируфт.

Зимни мулоқот ҷонибҳо доир ба ҳолати кунунӣ ва дурнамои ҳамкориҳои Тоҷикистону UNECE дар соҳаҳои энергетика, об ва иқлим табодули афкор намуданд.

Иброз гардид, ки Ҷумҳурии Тоҷикистон яке аз кишварҳои ташаббускор ва пешоҳанг дар масъалаи обу иқлим дар минтақа ва ҷаҳон ба ҳисоб меравад.

Хонум Татяна Молчан аз саҳми назарраси Тоҷикистон дар пешбурди рӯзномаи ҷаҳонии об истиқбол намуд.

Таъкид гардид, ки соли 2028 дар Ҷумҳурии Тоҷикистон Конфронси Созмони Милали Муттаҳид оид ба захираҳои об баргузор хоҳад шуд, ки ин иқдоми муҳим боз як марҳалаи навро дар таҳкими ҳамкориҳои байналмилалӣ дар соҳаи обу иқлим фароҳам меорад.

✅ @mewrtj

14-уми октябри соли 2025, Душанбе. – Дар ҳошияи Форуми байналмилалии сармоягузории «Душанбе Инвест – 2025» вазири энергетика ва захираҳои оби Ҷумҳурии Тоҷикистон Далер Ҷумъа бо роҳбарияти ширкати сармоягузории Амороти Муттаҳидаи Араб «40 Capital» мулоқот анҷом дод.

Зимни суҳбат ҷонибҳо масъалаҳои рушди ҳамкории дуҷониба дар соҳаи энергетика, аз ҷумла дар бахши энергияи сабз ва истифодаи манбаъҳои барқароршавандаи энергияро мавриди муҳокима қарор доданд.

Вазири энергетика ва захираҳои об Далер Ҷумъа бо ишора ба имкониятҳои васеи сармоягузорӣ дар соҳаи энергетикаи кишвар зикр намуд, ки Тоҷикистон дорои захираҳои бойи гидроэнергетикӣ буд, Ҳукумати мамлакат барои ҷалби сармоя ва татбиқи лоиҳаҳои нав тамоми шароити мусоид фароҳам овардааст.

Ҷониби ширкат таваҷҷуҳи хоссаи худро ба сармоягузорӣ дар лоиҳаҳои неругоҳҳои хурди барқи обӣ изҳор намуд.

✅@mewrtj