РЕЗААХБОР АЗ МУЛОҚОТИ САРВАРИ ДАВЛАТ БО БУНЁДГАРОНИ НЕРУГОҲИ БАРҚИИ ОБИИ “РОҒУН”:

🔷Ду агрегати аввалини НБО “Роғун” аз ибтидои баистифодадиҳӣ то имрӯз 9,1 миллиард киловатт-соат неруи барқ истеҳсол кардааст, ки маблағи он 2,1 миллиард сомониро ташкил медиҳад.

🔷Соли 2026 иваз намудани чархҳои кории муваққатии агрегатҳои панҷум ва шашум ба чархҳои кории доимӣ дар назар аст.

🔷Аз соли 2008 то имрӯз аз ҷониби Ҳукумати кишвар барои анҷом додани корҳои сохтмони неругоҳ аз ҳисоби буҷети давлатӣ ва дигар манбаъҳо беш аз 48 миллиарду 100 миллион сомонӣ (аз оғози соли 2025-ум аз ҳисоби маблағҳои буҷетӣ 4,3 миллиард сомонӣ) равона карда шудааст.

🔷Ҳоло дар иншооти неругоҳ 18 ҳазору 300 нафар коргарон ва кормандони муҳандисиву техникӣ фаъолият дошта, шумораи мошину механизмҳо ба 3721 расонида шудааст.

🔷Ширкати Вибилд вазифадор шуд, ки бо баланд бардоштани сарбанд дар муҳлатҳои муқарраргардида обгирии обанборро то охири моҳи сентябри соли равон дар сатҳи 1100 метр таъмин намояд.

🔷Мудирияти минтақаи зериобшаванда то имрӯз 15 ҳазору 400 аъзои оилаҳои дар марҳалаи якум ва дуюми минтақаи зериобшаванда қарордоштаро аз ноҳияи Нуробод ва шаҳри Роғун дар ноҳияҳои Данғара, Нуробод, Рӯдакӣ, Файзобод ва шаҳрҳои Турсунзода ва Роғун бо манзилҳои доимии зист ва қитъаҳои замини наздиҳавлигӣ таъмин намудааст.

🔷Ҳамаи супоришу тавсияҳои Пешвои миллат барои то моҳи августи соли 2027 расидан ба истиқлоли энергетикии кишвар саривақт ва бо сифати баланд иҷро мешаванд.

✅ @mewrtj

Дар шаҳри Стокҳолми Шоҳигарии Шветсия 24-28-уми августи соли 2025 Ҳафтаи ҷаҳонии об баргузор гардид, ки дар он Ҷамшед Шоимзода – муовини якуми вазири энергетика ва захираҳои об, иштирок намуд.

Бо ташаббуси Вазорати энергетика ва захираҳои об дар чорабинӣ гӯшаи Вазорат таъсис дода шуд, ки ҳадафи он муаррифии сиёсати кишвар дар самти идоракунии ҳамгироёнаи захираҳои об, ташаббусҳои байналмилалӣ, аз ҷумла дар соҳаи ҳифзи пиряхҳо, ҳадаф ва вазифаҳои Конфронси чоруми байналмилалӣ оид ба Даҳсолаи байналмилалии амал “Об барои рушди устувор, солҳои 2018-2028” буд.

Ҳамзамон, дар доираи Ҳафтаи ҷаҳонии об ҷаласаи навбатии Кумитаи байналмилалии машваратии Раванди оби Душанбе ва ҷаласаи сатҳи баланд таҳти унвони «Об ва офатҳо: аз пирях то баҳр» доир гардид.

Иштироки фаъоли кишвар дар чорабиниҳои Ҳафтаи ҷаҳонии об бори дигар нақши калидии кишварро дар пешбурди ташаббусҳои глобалӣ дар соҳаи ҳифзи пиряхҳо, рушди ҳамкориҳои минтақавӣ ва идоракунии устувори захираҳои об таъкид намуд.

Муфассал
Подробнее

✅@mewrtj

28-уми август таҳти раёсати Президенти Ҷумҳурии Тоҷикистон, Пешвои миллат, Раиси Ҳукумати кишвар муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор гардид.

Роҳбари давлат таваҷҷуҳи роҳбарони сохторҳои давлатиро ба масоили омодагӣ ба тирамоҳу зимистони солҳои 2025-2026 ва корҳои ободонию созандагӣ, аз ҷумла вусъат бахшидани тадбирҳо баҳри сазовор истиқбол гирифтани ҷашни умумимиллӣ – 35-солагии истиқлоли давлатӣ ҷалб намуда, дар назди масъулин супоришҳои мушаххас гузоштанд.

✅@mewrtj is

❓ Оё дар Тоҷикистон мумкин аст дар боми хонаи худ панелҳои офтобӣ насб кард?

Бале, Вазорати энергетика ва захираҳои оби Тоҷикистон тасдиқ менамояд: барои насби панелҳои офтобӣ дар хонаҳои шахсӣ ягон иҷозатнома ё литсензияи махсус талаб карда намешавад. Танҳо риояи қоидаҳои бехатарӣ зарур аст.

❓ Можно ли в Таджикистане устанавливать солнечные панели на крыше своего дома?

Да, Министерство энергетики и водных ресурсов Таджикистана подтверждает: для установки солнечных панелей в частных домах никаких специальных разрешений или лицензий не нужно. Достаточно соблюдать технику безопасности.

✅ @mewrtj

Дар барномаи таҳлилии “Дастовард”-и Телевизиони Тоҷикистон дастовардҳои соҳаи энергетикаи кишвар дар давраи соҳибистиқлолӣ муфассал бозтоб гардиданд.

#Тафсилот_дар_навор

✅ @mewrtj