🇹🇯🇮🇷05-уми майи соли 2025, Шероз (Эрон). – Дар ҳошияи ҷаласаи 17-уми Комиссияи муштарак оид ба ҳамкориҳои иқтисодӣ, тиҷоратӣ ва илмӣ-техникӣ байни Ҷумҳурии Тоҷикистон ва Ҷумҳурии Исломии Эрон Форуми сармоягузориву соҳибкории ду кишвар баргузор гардид.

Дар маросими ифтитоҳи форум вазири энергетика ва захираҳои оби Ҷумҳурии Тоҷикистон Далер Ҷумъа баромад намуда, барои пазироии гарму самимӣ ва фароҳам овардани шароити хуби корӣ ба ҷониби эронӣ изҳори сипос кард.

Вазири энергетика ва захираҳои об иброз дошт, ки бо талошҳои сарварон давлатҳо – Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Раиси Ҷумҳурии Исломии Эрон муҳтарам Масъуд Пизишкиён ҳамкорӣ миёни ду кишвари баҳам дӯсту бародар рушду тавсеа меёбанд.

Дар доираи Форум сармоягузориву соҳибкорӣ боздиди ҳайати Тоҷикистон аз Неругоҳи барқии «Ҳофиз» ва Гурӯҳи ширкатҳои саноатии «Fateh Industry Holding Co.» ба нақша гирифта шудааст.

Муфассал
Подробнее

✅@mewrtj

🇹🇯🇮🇷 Гузориши аксӣ аз рафти ҷаласаи 17-уми Комиссияи муштарак оид ба ҳамкориҳои иқтисодӣ, тиҷоратӣ ва илмӣ-техникӣ байни Ҷумҳурии Тоҷикистон ва Ҷумҳурии Исломии Эрон ва Форуми сармоягузориву соҳибкорӣ, ки имрӯз дар меҳмонхонаи «Shiraz Grand Hotel»-и шаҳри Шерози Ҷумҳурии Исломии Эрон баргузор гардид.

✅ @mewrtj

02-юми майи соли 2025, Роштқалъа. – Вазири энергетика ва захираҳои оби Ҷумҳурии Тоҷикистон Далер Ҷумъа дар доираи сафари корӣ ба ноҳияи Роштқалъаи Вилояти Мухтори Кӯҳистони Бадахшон бо рафти корҳои сохтмонӣ дар НБО “Себзор” шинос шуд.

Тибқи иттилои масъулон, корҳои сохтмонӣ бо маром идома дошта, ҷиҳати дар муҳлати муқарраршуда, яъне дар соли 2025 пурра ба истифода додани иншоот тамоми имкониятҳо мавҷуда сафарбар гардидааст.
Айни замон, 80 дарсади корҳоисохтмонӣ ба анҷом расониданд.

Вазири энергетика ва захираҳои об дар ҷараёни боздид ба масъулон дастур доданд, ки бо назардошти аҳамияти стратегӣ ва иҷтимоии ин неругоҳ, ҷараёни сохтмонро таҳти назорати доимӣ қарор диҳанд, сифат ва муҳлати иҷрои корҳои техникӣ қатъиян риоя гардад.

Неругоҳи барқи обии “Себзор” бо иқтидори 11 МВт дар дарёи Шоҳдара сохта шуда истода, баъди мавриди истифода қарор гирифтанаш, иқтидори умумии энергетикии ВМКБ 25 дарсад зиёд мешавад.

Муфассал
Подробнее

✅ @mewrtj