САРФАИ БАРҚ АЗ ГӮШАИ ВИҶДОН АСТ

Тавре аз таҳлилҳои созмонҳои бонуфузи байналмилалӣ бармеояд, ду воситаи асосии аз норасоии неруи барқ раҳоӣ ёфтанд, пешниҳод мегардад:

1. Афзун кардани иқтидорҳои истеҳсолӣ, яъне сохтмони неругоҳҳои нави барқӣ ва дигар манбаъҳои истеҳсоли энергия;

2. Кам кардани истифода ё худ сарфакорона ва самаранок истифода бурдани неруи барқ ва гармӣ.

Бале, пеш аз ҳама, мо бояд иқтидорҳои истеҳсоли барқро афзун намоем, вале мо хуб медонем, ки иқтидорҳои истеҳсолӣ дар муҳлатҳои кӯтоҳ сохта намешаванд.

Барои ҳамин ҳам, он иқтидорҳоеро, ки дар ихтиёр дорем, бояд самаранок истифода барем. Ин аз ҳамаи кормандон ва мутахассисоне, ки дар манбаъҳои истеҳсоли энергияи барқ, шабакаҳои интиқол ва тақсимот фаъолият мекунанд, инчунин аз истеъмолкунандагон, вобастагӣ дорад.

Яке аз вазифаҳои асосии Хадамоти назорати давлатии энергетикӣ, ки мақоми ваколатдори Ҳукумати ҷумҳурӣ оид ба назорат дар соҳаи энергетика мебошад, ин назорати самаранок истифода бурдани неруи барқ ва додани тавсияҳо оид ба кам кардани хароҷоти ғайриистеҳсолии қувваи барқ мебошад.

Дар Маҷлиси Ҳукумати Ҷумҳурии Тоҷикистон, ки 27-уми марти соли 2025 баргузор шуд, Президенти кишвар муҳтарам Эмомалӣ Раҳмон аз истифодаи ғайрисамараноки неруи барқ ва талафоти аз меъёр зиёди он дар мавсими тирамоҳу зимистони солҳои 2024-2025 изҳори нигаронӣ карда, барои бартараф намудани камбудиҳои ҷиддии мавҷуда ва пешгирии чунин ҳолатҳо ба масъулин супоришҳои мушаххас доданд.

Дар ин робита Хадамот самти фаъолиятро дар масъалаи истифодаи ғайрисамараноки неруи барқ таҳким хоҳад бахшид. Мо, аллакай, дар ин бора нақшаҳои мушаххас таҳия намуда, тадбирҳои оҷилиро нақшабандӣ намудаем. Барои оммафаҳм ва дастрас будани чораҳои андешидашуда ҳамкориро бо воситаҳои ахбори омма, радиову телевизион ва шабакаҳои иҷтимоӣ вусъат бахшидем. Таҳия ва нашри муроҷиатномаю буклетҳои ранга ва филмҳои тасвириро ба нақша гирифтаем, то ки ба воситаи онҳо корҳои оммафаҳмониро вусъат диҳем. Дар муҳлатҳои наздиктарин нашри буклет оид ба усули сарфаи энергия ба таври сода ба муштариёни маишӣ дар назар аст.

Таҳлилҳо нишон медиҳанд, ки сарфакорӣ мавзуи хеле фарох мебошад. Он дар тамоми соҳаҳои хоҷагии халқ ва дар рӯзгори мардум аҳамияти хеле калон дорад. Роҳҳои сарфа намудани энергияи барқ гуногун мебошанд. Масалан, барои корхонаҳои истеҳсолӣ, бахши истиқоматӣ ва равшаннокию реклама дар шаҳру ноҳияҳо ва муассисаҳои маданию фароғатӣ якчанд роҳу усул пешкаш мешаванд, аз ҷумла:
1. Кор карда баромадани меъёрҳои хоси истеъмоли барқи аз ҷиҳати илмӣ асоснок;
2. Татбиқи технологияҳои каммасрафи барқ ва маҳсулнок намудани истеҳсолот;
3. Истифодаи намудҳои алтернативии энергия, аз қабили бод, Офтоб, биогаз ва ғайра;
4. Ташкили дурусти истифода ва дар дараҷаи лоиҳавӣ нигоҳ доштани нишондиҳандаҳои истеҳсолии реҷа ва таҷҳизоти энергетикӣ.

УБАЙДУЛЛОЗОДА Ғ. Х.,
сардори Хадамоти давлатии назорати энергетикӣ

Муфассал

✅@mewrtj

ШАБОНА НЕРУИ БАРҚ БЕ МАҲДУДИЯТ ТАЪМИН МЕГАРДАД

Шуруъ аз 11-уми апрели соли 2025 дар тамоми минтақаҳои кишвар маҳдудияти неруи барқ шабона бардошта шуд.

Бо зиёд шудани резиши об дар дарёи Вахш ва зиёд шудани тавлиди неруи барқ дар силсиланеругоҳҳои дарёи Вахш, рӯзҳои наздик сокинон бидуни маҳдудияти бо неруи барқ таъмин мегарданд.

✅ @mewrtj

⚡️Тибқи иттилои фаврии ҶСК "Барқи Тоҷик", шуруъ аз имрӯз дар кишвар неруи барқ бе маҳдудият таъмин карда мешавад.

✅ @mewrtj

МУБОРАК БОШАД!

Тими мунтахаби то 17-солаи 🇹🇯Тоҷикистон пас аз пирӯзӣ бар мунтахаби 🇮🇷Эрон (3:1) дар Ҷоми Осиё, ки дар 🇸🇦Арабистони Саудӣ ҷараён дорад, аз гурӯҳ баромада, ба Ҷоми ҷаҳон (🇶🇦Қатар) роҳхат гирифт.

Ин бори сеюм аст, ки наврасони мо ба Ҷоми ҷаҳон мебароянд.

Дар даври 1/4 ниҳоии Ҷоми Осиё футболбозони мо бо тими Корея неру месанҷанд.

✅ @mewrtj

12-уми апрели соли 2025, Душанбе. – Таҳти раёсати вазири энергетика ва захираҳои оби Ҷумҳурии Тоҷикистон Далер Ҷумъа ҷаласаи Ҳайати мушовараи Вазорати энергетика ва захираҳои об оид ба ҷамъбасти натиҷаҳои фаъолияти корхонаю муассисаҳои соҳаҳои энергетика, нафту газ ва захираҳои об дар семоҳаи якуми соли 2025 ва вазифаҳо барои семоҳаи дуюм баргузор гардид.

Тибқи рӯзномаи ҷаласа, нахуст муовини вазири энергетика ва захираҳои об Шарифа Худобахш оид ба натиҷаҳои фаъолияти корхонаю муассисаҳои соҳа гузориш дод.

Сипас, фаъолияти ҶСК «Барқи Тоҷик», ҶСК «Шабакаҳои интиқоли барқ», ҶСК «Шабакаҳои тақсимоти барқ», Хадамоти назорати давлатии энергетикӣ, Муассисаи давлатии «Маркази идораии лоиҳаҳои бахши электроэнергетика» ва корхонаю муассисаҳои соҳаҳои нафту газ ва захираҳои об мавриди таҳлилу баррасӣ қарор дода шуд.

Зимни муҳокимаи масъалаҳо, бо мақсади беҳтар намудани фаъолияти корхонаю муассисаҳои соҳаҳои энергетика, нафту газ ва захираҳои об, иҷрои талаботи ислоҳоти соҳаи энергетика, татбиқи сифатнок ва саривақтии лоиҳаҳо дастуру супоришҳои мушаххас дода шуд.

Дар фароварди ҷаласа аз ҷониби ҳайати мушовара қарори дахлдор қабул гардид.

Муфассал
Подробнее

✅ @mewrtj

ПУРЗӮР ГАРДИДАНИ ҶАВОБГАРӢ БАРОИ ИСТИФОДАИ ҒАЙРИҚОНУНИИ НЕРУИ БАРҚ

Бо мақсади пешгирии ҳолатҳои истифодаи ғайриқонунии неруи барқ ва ҳифзи манфиатҳои иқтисодии давлат ва корхонаҳои соҳаи энергетика, лоиҳаи Қонуни Ҷумҳурии Тоҷикистон «Дар бораи ворид намудани иловаҳо ба Кодекси ҷиноятии Ҷумҳурии Тоҷикистон» ва лоиҳаи Қонуни Ҷумҳурии Тоҷикистон «Дар бораи ворид намудани тағйир ба Кодекси ҳуқуқвайронкунии маъмурии Ҷумҳурии Тоҷикистон» аз ҷониби Маҷлиси намояндагон ва Маҷлиси миллӣ қабул гардид.

Андешаҳои мутахассисони соҳаи энергетика, коршиноси масоили иқтисодӣ ва вакилони Маҷлиси намояндагон дар ин бора

© Телевизиони Тоҷикистон (Барномаи "Дар мавзуи рӯз)

✅ @mewrtj