ИДИ МАРЗБОНОНИ ШУҶОВУ ДИЛОВАРИ ТОҶИКИСТОН, ХУҶАСТА БОД!

#28 май — рӯзи арҷгузорӣ ва эҳтиром ба мардони далеру шуҷоест, ки бо фидокорӣ, садоқат ва меҳру муҳаббати бепоён нисбат ба Ватан, шабу рӯз ҳифзи марзу буми муқаддаси кишварро бар дӯш доранд.

Марзбонони мо рамзи матонат, ҳушёрӣ ва ғайрати миллӣ мебошанд. Онҳо бо иродаи қавӣ ва дили саршор аз меҳри Ватан вазифаи муқаддаси муҳофизати хоки муқаддаси Модар-Ватанро ба ҷо меоранд.

✅ @mewrtj

Барномаи навбатии "Нурофар"-и Телевизиони "Тоҷикистон" доир ба лоиҳаҳои давлатии сармоягузорӣ дар соҳаи энергетика таҳия шуда, дар он татбиқи лоиҳаҳои зерин матраҳ гардиданд:

⚡️Лоиҳаи минтақавии интиқоли неруи барқи "CASA-1000";

⚡️Лоиҳаи электрофикатсияи деҳот дар вилояти Хатлон;

⚡️Лоиҳаи таҷдиди НБО "Сарбанд" (гидроагрегати 4);

⚡️Лоиҳаи "Азнавпайвастшавӣ ба низоми ягонаи энергетикии Осиёи Марказӣ".

✅ @mewrtj

Суҳбати ихтисосии корманди Вазорати энергетика ва захираҳои оби Ҷумҳурии Тоҷикистон дар барномаи "Муколама"-и Телевизиони "Тоҷикистон"

Дар барнома мавзуъҳои зерин баррасӣ гардиданд:

💡Расидан ба истиқлоли комили энергетикӣ;

💡Ҳадафҳои Стратегияи миллии рушди Ҷумҳурии Тоҷикистон барои давраи то соли 2030;

💡Барномаи манбаҳои барқароршавандаи энергия;

💡Роҳҳои кам намудани талафоти неру барқ;

💡Такмили қонунгузории соҳаи энергетика ва таҳияи Кодекси энергетикии Ҷумҳурии Тоҷикистон;

💡Таҷдиду азнавсозии зеристгоҳҳо ва хатҳои интиқоли барқ.

✅ @mewrtj

​ЧОРАБИНИҲОЕ, КИ ИМРӮЗ ДАР ҲОШИЯИ КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО БАРГУЗОР МЕГАРДАНД:

❄️ФОРУМИ 1: Кишоварзӣ дар даврони аз байн рафтани пиряхҳо: мубориза бо хушксолӣ ва обхезиҳо, ҷаббиши карбон ва устуворӣ дар минтақаҳои вобаста ба пиряхҳо

📅 Сана ва вақти баргузорӣ: 29 майи соли 2025, соати 09:00 – 12:00
📍 Ҷойи баргузорӣ: Ҳайатт Риҷенсӣ Душанбе

❄️ФОРУМИ 2: Форуми байналмилалии кӯдакон ва ҷавонон оид ба ҳифзи пиряхҳо

📅 Сана ва вақти баргузорӣ: 29 майи соли 2025, соати 09:00 – 12:00
📍 Ҷойи баргузорӣ: Маркази Ош

❄️ФОРУМИ 3: Форуми минтақавӣ оид ба мониторинги пиряхҳо ва криосфера дар Осиёи Марказӣ

📅 Сана ва вақти баргузорӣ: 29 майи соли 2025, соати 09:30 – 15:00
📍 Ҷойи баргузорӣ: Ожонси гидрометеорологияи Тоҷикистон

❄️ФОРУМИ 4: Аз Соли байналмилалии ҳифзи пиряхҳо ба Даҳсолаи амалҳо
дар соҳаи илмҳои криосфера, 2025–2034

📅 Сана ва вақт: 29 майи соли 2025, соати 14:00 – 17:30
📍 Ҷойи баргузорӣ: Меҳмонхонаи Серена, шаҳри Душанбе

❄️ФОРУМИ 5: Муколамаи сатҳи вазирон оид ба устувории иқлим, ҳифзи пиряхҳо ва ҳамкории обӣ

📅 Сана ва вақт: 29 майи соли 2025, соати 14:00 – 17:30
📍 Ҷойи баргузорӣ: Ҳайатт Риҷенсӣ Душанбе, Толори Бузург (Гранд Болрум)

❄️ФОРУМИ 6: Тақвияти ҳамкории фаромарзӣ баҳри устувории иқлим ва об дар ҳавзаҳои вобаста ба пиряхҳои Осиёи Марказӣ

📅 Сана ва вақт: 29 майи соли 2025, соати 08:30 – 17:30
📍 Ҷойи баргузорӣ: Меҳмонхонаи Ҳилтон Душанбе

❄️ФОРУМИ 7: Ба сӯи идоракунии устувори захираҳои обӣ дар Осиёи Марказӣ: нақши мониторинги криосфера дар қабули қарорҳо оид ба тақсими об

📅 Сана ва вақт: 29 майи соли 2025, соати 09:00 – 17:00
📍 Ҷойи баргузорӣ: Китобхонаи миллии Тоҷикистон, Толори №306

❄️ФОРУМИ 8: Форуми занон оид ба ҳифзи пиряхҳо

📅 Сана ва вақт: 29 майи соли 2025, соати 09:00 – 14:30
📍 Ҷойи баргузорӣ: Китобхонаи миллии Тоҷикистон, Толори марказӣ

✅ @mewrtj

​ТАШАББУСИ «ОЛАМИ КАБУДИ ОСИЁИ МАРКАЗӢ 2.0» ИФТИТОҲ ЁФТ

29-уми майи соли 2025, Душанбе. – Дар ҳошияи Конфронси байналмилалии сатҳи баланд оид ба ҳифзи пиряхҳо бо ташаббуси Вазорати энергетика ва захираҳои оби Ҷумҳурии Тоҷикистон таҳти унвони «Тақвияти ҳамкории фаромарзӣ барои устувории захираҳои об ва муқовимат ба тағйирёбии иқлим дар ҳавзаҳои вобаста ба пиряхҳои Осиёи Марказӣ» форум баргузор гардид.

Дар кори форум роҳбарияти идораҳои хоҷагии оби кишварҳои Осиёи Марказӣ, олимон ва шарикони рушд иштирок ва суханронӣ намуданд.

Зимни ифтитоҳи чорабинӣ муовини якуми вазири энергетика ва захираҳои оби Ҷумҳурии Тоҷикистон Ҷамшед Шоимзода баромад намуда, аз ҷумла зикр кард: «Осиёи Марказӣ минтақаест, ки дар он об нақши ҳаётан муҳим дорад. Об на танҳо як захираи табиӣ, балки асоси ҳаёт, рушд, энергетика, амнияти озуқаворӣ ва экологии мост. Об моро ба ҳам мепайвандад — таърихӣ, ҷуғрофӣ ва стратегӣ, ва маҳз ба ҳамин хотир масъалаҳои идоракунии захираҳои обӣ ҳамеша мавқеи марказиро дар муколамаи байнидавлатии минтақа ишғол мекунанд.
Имрӯз, бештар аз ҳар вақти дигар, возеҳ аст, ки рушди устувори Осиёи Марказӣ бе идоракунии самаранок, судманд ва одилонаи захираҳои обӣ ғайриимкон мебошад. Танҳо дар асоси эътимод, шарикӣ ва ҳамраъйии мутақобила мо метавонем потенсиали обии минтақаро ба пояи ояндаи босубот ва амн табдил диҳем».

- Ҷумҳурии Тоҷикистон, ки дорои бузургтарин захираҳои обӣ дар минтақа аст, масъулияти махсуси худро дарк мекунад ва ҳамзамон онро ҳамчун имконият барои пешрафти умумӣ арзёбӣ менамояд. Мо ҳамеша ҷонибдори таҳкими ҳамсоягии нек, эҳтироми мутақобила ва ба инобат гирифтани манфиатҳои ҳамаи кишварҳо дар масъалаҳои ҳамкории обу энергетика будем ва мемонем, - таъкид кард Ҷамшед Шоимзода.

Яке аз рӯйдодҳои муҳими форум ифтитоҳи расмии ташаббуси «Олами кабуди Осиёи Марказӣ 2.0» («Blue Peace Central Asia 2.0») ва пешбурди мафҳуми пайванди «Об – Энергетика – Хӯрокворӣ – Экосистемаҳо» (WEFE Nexus) ҳамчун асоси самараноки идоракунии фаромарзӣ, ҳамкориҳои илмӣ ва маблағгузории инноватсионӣ ба ҳисоб рафт.

Маврид ба зикри хос аст, ки форум марҳилаи муҳим дар роҳи ҳалли маҷмуӣ барои дурнамои амнияти иқлим барои Осиёи Марказӣ арзёбӣ гардид.

✅ @mewrtj