#Qonunchilikda_yangilik

📝Vaxta usulida ishlashni tashkil etish tartibi belgilandi

📖 Hukumat qarori (287-son, 13.07.2023 y.) bilan “Vaxta usulida ishlashni tashkil etish tartibi to‘g‘risida”gi namunaviy nizom tasdiqlandi

➡️Qarorga ko‘ra, vaxta usulida ishlashni quyidagi holatlarda qo‘llash mumkin:

➡️o‘rmon xo‘jaligi, geologiya-qidiruv, aloqa va temir yo‘l transporti tashkilotlarida;

➡️qurilish-montaj, shuningdek, rekonstruksiya-ta’mirlash ishlarini amalga oshirayotgan qurilish tashkilotlarida;

➡️energetika ob’yektlaridan foydalanishda (ekspluatasiya qilishda);

➡️neft va gaz sanoati ob’yektlarida, shu jumladan, quvur o‘tkazuvchi, xizmat ko‘rsatuvchi va ta’mirlash ishlarini bajaruvchi tashkilotlar hamda quvur transporti tashkilotlarida;

➡️rangli va qimmatbaho metallar, ko‘mir va boshqa tabiiy boyliklar konlarini o‘zlashtirishda;

➡️vaxta usuli qo‘llangan tashkilotlar xodimlariga xizmat ko‘rsatayotgan tibbiy, savdo va umumiy ovqatlanish, transport tashkilotlarida;

➡️avtomobil yo‘llarini qurish va rekonstruksiya qilish hamda boshqa tashkilotlarda.

➡️Vaxta usulida ishlarni tashkil etish bilan bog‘liq barcha xarajatlar ish beruvchi hisobidan amalga oshiriladi.

❗️Vaxta usulida bajariladigan ishlarga quyidagilar jalb qilinishi mumkin emas:

➡️18 yoshgacha bo‘lgan xodimlar;

➡️homilador ayollar;

➡️3 yoshgacha bo‘lgan farzandini tarbiyalayotgan ota-onadan biri (vasiy);

➡️tibbiy xulosaga muvofiq vaxta usulidagi ishlarni bajarishiga qarshi ko‘rsatmalar bo‘lgan shaxslar.

➡️Ish beruvchi tomonidan vaxta usulida ishlaydigan xodimlar transport, savdo-maishiy xizmatlar hamda kuniga uch mahal issiq ovqat bilan markazlashgan holda ta’minlanadi va ularning ovqatlanishi uchun sanitariya qoidalari, normalari va gigiyena normativlariga javob beradigan sharoitlar yaratiladi.

➡️Bunda hisobga olingan davr uchun har kungi ish vaqtining maksimal davomiyligi 12 soatdan oshmasligi kerak.

➡️Vaxta usulida ishlayotgan xodimlarga mehnat ta’tili vaxta smenasi oralig‘idagi dam olish vaqtida berilishi mumkin emas.

Vazirlikning rasmiy sahifalari⬇️

🌐Facebook 🌐Instagram 💬Telegram 🌐You tube

#Qonunchilikda_yangilik

📝Ish haqini natura shaklida to‘lash tartibi belgilandi

“Ish haqini natura shaklida to‘lashni tartibga solish to‘g‘risida” gi Hukumat qarori (286–son, 13.07.2023 y.) qabul qilindi

📖 Qarorga ko‘ra, Mehnatga natura shaklida haq to‘lash xodimning yozma roziligiga asosan quyidagi hollarda amalga oshirilishi mumkin:

➡️xodim yoki uning oilasi iste’moli uchun ish beruvchi tomonidan o‘zi ishlab chiqargan va yetishtirgan oziq-ovqat hamda qishloq xo‘jaligi mahsulotlari bilan hisob-kitob qilish;
➡️o‘ziga xizmat ko‘rsatilishi va uy xo‘jaligini yuritishda yordamlashish maqsadida uy xizmatchilarini yollagan ish beruvchilar tomonidan uy xizmatchilariga oziq-ovqat va vaqtinchalik yashash uchun uy-joy bilan ta’minlash shaklida hisob-kitob qilish.

📄Ish haqini natura shaklida to‘lash sharti xodimning roziligi asosida u bilan tuziladigan mehnat sharnomasida ko‘rsatiladi.

❗️Bunda, ish haqining natura shaklidagi umumiy summasi 30 foizdan ortiq bo‘lishi mumkin emas.

✍️ Xodimning yozma roziligidan qat’i nazar uning ish haqidan:
➡️50 foizgacha miqdorda ushlab qolinsa – xodimga natura shaklida to‘lanadigan ish haqining umumiy summasi 10 foizdan ortiq bo‘lishi mumkin emas;
➡️50 foizdan ortiq miqdorda ushlab qolinsa – xodimga ish haqini natura shaklida to‘lash taqiqlanadi.

❗️Ish haqini natura shaklida to‘lashda quyidagilar taqiqlanadi:

➡️xodimning oylik mehnat haqi qonunchilikda Mehnatga haq to‘lash yagona tarif setkasining birinchi razryadi bo‘yicha belgilangan miqdordan oz bo‘lganda (ish vaqtining oylik normasidan kam ishlagan holarda);

➡️qishloq xo‘jaligi tovar va oziq-ovqat mahsulotlarini ishlab chiqaruvchilari tomonidan taqdim etilayotgan mahsulotlarning narxini ularning tannarxidan yuqori belgilash;
➡️alkogol, tamaki mahsulotlari, dori vositalari, kannabis o‘simligi hamda qonunchilikda realizasiya qilish (berish) taqiqlangan o‘simlik va boshqa qishloq xo‘jaligi mahsulotlari bilan hisob-kitob qilish;
➡️uy xizmatchilarini yollagan ish beruvchilar tomonidan taqdim etilayotgan oziq-ovqatlar narxini va vaqtinchalik uy-joydan foydalanganlik uchun to‘lovlar miqdorini haqiqiy bozor narxidan yuqori narxda belgilash.

❌Qishloq xo‘jaligi tovar va oziq-ovqat mahsulotlarini ishlab chiqaruvchilar hamda uy xizmatchilarini yollagan ish beruvchilar tomonidan sifatsiz yoki iste’molga yaroqsiz qishloq xo‘jaligi mahsulotlari va oziq-ovqatlarni, shuningdek sanitariya qoidalari, normalari va gigiyena normativlariga muvofiq kelmaydigan uy-joyni taqdim etishi mumkin emas.

❗️Ish beruvchi tomonidan o‘zi ishlab chiqargan va yetishtirgan oziq-ovqat hamda qishloq xo‘jaligi mahsulotlari bilan mehnat haqi to‘lash hamda uy xizmatchilarini yollagan ish beruvchilar tomonidan uy xizmatchilariga oziq-ovqat va vaqtinchalik yashash uchun uy-joy bilan ta’minlash shaklida mehnat haqi to‘lash mumkin. Boshqa hollarda ish haqini natura shaklida to‘lash taqiqlanadi.

Vazirlikning rasmiy sahifalari⬇️

🌐Facebook 🌐Instagram 💬Telegram 🌐You tube