#Sayyor_qabul _Xorazm

✅ Xorazm viloyati Xiva tumanidagi “Doshyoq” mahallasi madaniyat markazida Kambag’allikni qisqartirish va bandlik vazirligi mutasaddilari ishtirokida ommaviy sayyor qabul o’tkazildi.

✅Unda viloyatning turli hududlaridan kelgan 26 nafar fuqaro o’z muammolari bo’yicha murojaat qildi.
Murojaatlarning aksariyati, shu joyning o’zida yechimini topdi. Nogironligi bo’lgan 2 nafar fuqaroga nogironlik aravachasi, 3 nafar fuqaroga esa qo’ltiqtayoqlar taqdim etildi.

✅Qolaversa, 5 nafar fuqaroga davolanish uchun, 6 nafar fuqaroga ishga joylashish uchun yo’llanmalar berildi. Ayrim o’rganish talab qiladigan muammolar ijrosi esa nazoratga olindi.

✅Kunning ikkinchi yarmida Xiva “Muruvvat” internat uyiga tashrif buyurildi. Hozirgi kunda bu yerda 325 nafar ruhiy xasta nogiron erkaklar istiqomat qiladi. Mutasaddilar ularning yashashi va dam olishi uchun yaratilgan sharoitlar bilan tanishdi. Imkoniyati cheklangan fuqarolarning mavsumga moslab toʻliq kiyim-bosh, issiq ovqatlar bilan taʼminlanganlik darajasi va holatini o’rgandi va o’zining tavsiyalarini berib o’tdi.

✅Shuningdek, mazkur maskandagi obodonlashtirish ishlariga alohida eʼtibor qaratilganligini ta’kidladi. Galdagi manzil Viloyat reabilitatsiya qilish va protezlash markazi bo’ldi. U yerda markaz faoliyati, yaratilgan sharoitlar, tibbiy xizmatlar ko’zdan kechirildi.
Davolanayotgan bemorlar holidan xabar olindi. Suhbat chog’ida bemorlar markaz hodimlari tomonidan ko’rsatilayotgan xizmatlar sifatini ijobiy baholashdi.

Kanalga ulanish ✍️ https://t.iss.one/mehnatvazirligi

Vazirlikning rasmiy sahifalari
👍Mehnat.uz 🌐Facebook 🌐 Instagram I 🌐Twitter 💬 Telegram 🌐You tube