Завершились окружные Сборы военно-патриотической игры «Зарница 2.0» в Еврейской автономной области

Шесть дней ребята проходили испытания, обучались у лучших инструкторов,преодолели полевой выход в 5 км и завершили большую военно-тактическую игру 🔥

📹 Смотрите как это было 😃

Организаторы мероприятия: Движения Первых,Юнармия, Воин и правительство Еврейской автономной области

От ыйын 8 күнүгэр Муниципальнай болуоссакка "Дьиэ кэргэн, таптал, бэриниилээх буолуу" күнүгэр аналлаах тэрээһиҥҥэ И.Н. Барахов уонна М.Т. Егоров аатынан оскуолалартан сайыҥҥы лааҕыр оҕолоро кэлэн кыттыыны ыллылар. "Дьиэ кэргэн күнэ оҕо хараҕынан" диэн темаҕа асфальга уруһуй оҥордулар. Тэрээһин бүтүүтэ "Улууспут биллиилээх дьоно" диэн улуустааҕы дьахтар Сэбиэтин тэрээһинин күрэҕэр кыттан, кыттааччылар бириис тутан астынан - дуоһуйан тарҕастылар.

Күрэх кыайыылаахтара

Улуустааҕы үөрэх салалтатын көҕүлээһининэн Үөһээ Бүлүүтээҕи И.Н. Барахов аатынан 1#-х орто оскуолаҕа, үөрэх иннинээҕи саастаах оҕолорго сайыҥҥы 21 күннээх лааҕыр үлэтин саҕалаата.
Бу лааҕырга 25 оҕо сылдьар. Лааҕыр сыала-соруга: дорҕооннору сөпкө саҥарарга, оскуола бэрээдэгэр үөрэтии, үөлээннээхтэрин кытта биир тылы буларга, кэмнэрин туһалаахтык атаарарга туһаайыллар.
Күҥҥэ үстэ иҥэмтэлээх аһылыгынан хааччыллаллар. Оҕолор араас хамсаныылаах оонньуулары , өйдөрүн сайыннарар тургутуктары ааһаллар. Лааҕыр үлэтин сүрүннээччилэринэн буолаллар: Начальник Заболоцкая Марианна Николаевна, баспытаатал Егорова Сардана Январьевна, Логопед Семёнова Айсиэна Владимировна,
Психолог Иванова Татьяна Прокопьевна. Бу үлэһиттэр оҕолору кытта күн ахсын кыһамньылаахтык үлэлииллэр. Үлэһиттэр да, төрөппүттэр да аны күһүн кырачааннар оскуола боруогун билэр, бодоруспут оҕолорун кытта үөрэ - көтө арыйыахтарыгар эрэнэллэр.

Депутаты приняли закон, продлевающий срок действия результатов ЕГЭ для участников специальной военной операции.

Сейчас результаты ЕГЭ действуют 4 года (не считая года сдачи). Но теперь время участия в СВО не будет включаться в этот срок. Это значит, что у бойцов будет больше возможностей поступить в вуз после завершения службы.

🎓 Новые правила касаются поступления на программы бакалавриата и специалитета в российских университетах. Это важная мера поддержки для тех, кто хочет получить высшее образование после выполнения воинского долга.

Өрөспүүбүлүкэтээҕи 21 -с педагогическай ярмарка үрдүк сэҥээриини ылла.
Өрөспүүбүлүкэ педагогическай общественноһын биир саамай долгутуулаах, күүтүүлээх тэрээһинэ бэс ыйын 30 – от ыйын 1, 2 күннэригэр Үөһээ Бүлүү улууһун кэрэ айылҕалаах, бары өттүнэн тупсаҕай көстүүлээх, оҥоһуулаах Түгэхтэй алааһыгар 21 - с төгүлүн өрөспүүбүлүкэтээҕи педагогическай ярмарка ыытылынна. Бу - Өрөспүүбүлүкэбит айымньылаахтык үлэлиир, саҥаны, бастыҥы киллэрээччилэр өр сыллаах үлэлэрин, кэтээн көрүүлэрин, муспут баай уоппуттарын, проектарын биир идэлээхтэрин кытта үллэстэр, санаа атастаһар дьоһун түһүлгэлэрэ. СР үөрэххэ уонна наукаҕа министиэристибэтэ бу улахан хабааннаах тэрээһини, атын улуустар маннык улахан өрөспүүбүлүкэ таһымнаах тэрээһини ыытартан кыахтара суоҕун билинэн аккаастаммыттарын түмүгэр, соһуччу, буолара олох аҕыйах кэм хаалбытын кэннэ биһиги улууска эрэнэн, анаан этии киллэрбитэ.
Өрөспүүбүлүкэ үөрэҕин биһигэ буолбут Үөһээ Бүлүү улууһуттан 3 норуодунай Учууталлаах, үөрэхтээһин эйгэтигэр 74 РСФСР, РФ, САССР, СР үтүөлээх учууталлардаах, норуодунай Учуутал М.А. Алексеев аатынан 9 государственнай бириэмийэ лауреаттардаах, үөрэхтээһиҥҥэ 26 наука доктордаах, кэлэр 2026 сылга улууска үөрэхтээһин тэриллибитэ 150 сылын бэлиэтээри олорор Үөһээ Бүлүү улууһа, өрөспүүбүлүкэ улуустарыттан кэлбит үөрэхтээһиҥҥэ бэрэстэбиитэллэрин үрдүк таһымҥа көрүстэ. Манна барытыгар улууспут Аҕа Баһылыга Валерий Валерьевич Николаев үбүлээһиҥҥэ көмөтө, улуус үөрэҕин салалтатын 2-с сылын салайан олорор, РФ уопсай үөрэхтээһинин Бочуоттаах, СР үөрэҕириитин үтүөлээх үлэһитэ, Бүтүн Россиятааҕы «Сыл учуутала» уопсастыбаннай тэрилтэ Саха Сиринээҕи салаатын салайааччыта, өрөспүүбүлүкэ үөрэхтээһиҥҥэ инновационнай хамсааһыныгар биллэр – көстөр үлэлээх бастыҥ лидера Юрий Васильевич Кынатов көҕүлүүр, салайар, тэрийэр оруола улахан миэстэни ылла. Манна республика 20 улуустарын, Дьокуускай куорат бастыҥ бэрэстэбиитэллэрэ, барыта балтараа тыһыынча киһи кыттыыны ылла.
Ярмарка бочуоттаах ыалдьыттарынан, СР бырабыыталыстыбатын председателин солбуйааччы Анатолий Аскалонович Семенов, СР үөрэххэ уонна наукаҕа министиэристибэтин миниистири бастакы солбуйааччы Ньургун Михайлович Павлов, Үөһээ Бүлүү улууһа МО Баһылыга Валерий Валерьевич Николаев, улуустааҕы үөрэх салалтатын общественнай наставнига, педагогическай үлэ бэтэрээнэ Тамара Сергеевна Николаева, педагогическай наука доктора, Москва куораттааҕы педагогическай университет «Личноһы сайыннарыы» лабораториятын сэбиэдиссэйэ, “Флагманы методического мастерства” Бүтүн Россиятааҕы проект научнай салайааччыта Иоффе Андрей Наумович, Дербина Ирина Сергеевна, Бүтүн Россиятааҕы «Учитель года» 2023, 2024 сылларга жюритын чилиэнэ, Терезанова Ольга Ивановна, Хабаровскай кыраай 105 №-х оҕо уһуйаанын сэбиэдиссэйэ, Бүтүн Россиятааҕы “Воспитатель года России- 2012” күрэх муҥутуур кыайыылааҕа. Маны таһынан, СР үөрэҕи сайыннарыы уонна идэни үрдэтии институтун, АГАТУ, М.К. Аммосов аатынан ХИФУ эппиэттээх үлэһиттэрэ, улуустар үөрэх салалталарын начальниктара буоллулар.
Ярмарканы үөрүүлээхтик арыйыы кэлбит делегациялар улахан парадтарынан саҕаланна. Ярмарка кыттыылаахтарын Үөһээ Бүлүү улууһа МО Баһылыга Валерий Валерьевич Николаев, СР правительствотын солбуйааччы председателэ Сергей Аскалонович Семенов, Саха Республикатын үөрэххэ уонна наукаҕа министерствотын бастакы солбуйааччы Ньургун Михайлович Павлов, СР С.Н. Донской-II аатынан үөрэҕи сайыннарыы уонна идэни үрдэтии институтун инновационнай – информационнай технологияларга директоры солбуйааччы Николай Иннокентьевич Бугаев эҕэрдэлээтилэр.
Тыл этээччилэр, ярмарка суолтата сылтан сыл үрдүүрүн, 21 - с төгүлүн үрдүк таһымнаахтык ыытыллан иһэрин, ярмарка чуолаан тыа сирин сайдыытыгар, үөрэхтээһиҥҥэ саҥа технологиялары киллэриигэ сүрүн хамсатар күүс буоларын бэлиэтээтилэр. Манна киирбит үгүс проектар олоххо киирэллэрэ, үөрэхтээһиҥҥэ сокуону оҥорууга олук буолаллара, эдэр педагогтар кыттыылара сыллата үрдээн иһэрэ бэлиэтэннэ.

Бары тыл этээччилэр чуолаан Үөһээ Бүлүүгэ, киин Россияны кытта бииргэ үлэлээһиҥҥэ дьоһуннаах үлэни ыыта олорор, араас проектар, саҥа технологиялар олоххо киирэн, үтүө түмүктээх хамсааһын күүскэ бара турар сиригэр, быйылгы педярмарка үрдүк суолталаах буоларыгар эрэнэллэрин биллэрдилэр.
Бу 3 күннээх улахан түһүлгэ үлэтин кэмигэр өрөспүүбүлүкэ үөрэҕин тэрилтэлэрин бастыҥ инновационнай проектара, 306 киһи кыттыылаах 12 араас таһымнаах конкурстар, 19 үөрэтэр курстар, 2 улахан выставка, 15 араас дискуссионнай былаһааккалар, 23 маастар кылаастар, 10 үрдүк таһымнаах семинардар, төгүрүк остуоллар, 3 улахан аудиториялаах курстары регионтан ыҥырыллан кэлбит ытыктабыллаах ыалдьыттарбыт Андрей Наумович Иоффе, Ирина Сергеевна Дербина, Ольга Ивановна Терезанова 3 күн элбэх киһини хабан бэйэлэрин авторскай курстарын ыыттылар. Маны таһынан, СР үөрэххэ уонна наукаҕа министиэристибэтин, СР С.Н. Донской-II аатынан үөрэҕи сайыннарыы уонна идэни үрдэтии института, СР «Үөрэҕи инники сайыннарыы» киинин эппиэттээх үлэһиттэрэ курстары ыыттылар.
Тэрээһиннэр түмүктэринэн, 800-тэн тахса киһи уоппуту тарҕатыы, 140 киһи “Айар” издательство сертификаттарын туттулар. 1217 киһи институттар, М. К. Аммосов аатынан ХИФУ курстарын аастылар уонна туһааннаах тэрилтэлэр сертификаттарын туттулар.
Ярмарка үөрүүлээх сабыллыытыгар, СӨ үөрэххэ уонна наукаҕа министиэристибэтэ олохтообут Г.П. Андреев, Д.С. Спиридонов, Е.Д. Васильев, К.С. Чиряев, А.В. Кынатов, Н.И. Бойлохов, Р.Г. Коновалова, А.С. Аксаков, Н.П. Корякин, В.Г. Ильин, И.И. Чагылысов ааттарынан 11 анал Граннары ситиһиилээхтик кыттыбыт бастыҥ проектаах үөрэх тэрилтэлэрэ уонна 2 Граны Эбээн Бытантай национальнай улууһун А.С. Садовников аатынан Дьарҕаалаах (Директор С.М. Иванов), Т.И. Петров аатынан Өргүөт орто оскуолаларыгар (директор э.т. Э.У. Васильева) үөрүүлээх быһыыга туттардылар. Бу 13 Грантан 6-тын Үөһээ Бүлүү улууһун бастыҥ үөрэҕин тэрилтэлэрэ ыллылар, үлэлэрэ улаханнык сэҥээрилиннэ.
Педярмарка биир соһуччу үөрүүлээх түгэнинэн, «Үөһээ Бүлүү улууһа» МО Аҕа Баһылыга Валерий Валерьевич Николаев быйылгы ЕГЭ көрдөрүүтүн түмүгүнэн үөрэнээччилэрэ үрдүк орто бааллаах учууталларга 3 норуодунай Учуутал аатынан хас биирдиилэригэр 50 –нуу тыһыынча солкуобай суумалаах анал Бириэмийэни туттарыыта буолла. Ол курдук, ССРС норуодунай учуутала М. А. Алексеев аатынан анал бириэмийэни Үөһээ Бүлүүтээҕи М. А. Алексеев лицей интернатын математикаҕа туйгун категориялаах учууталыгар Сардаана Николаевна Тюкяноваҕа, Саха Өрөспүүбүлүкэтин маҥнайгы норуодунай учуутала В. С. Долгунов аатынан анал бириэмийэни Үөһээ Бүлүүтээҕи Д. С. Спиридонов аатынан улуустааҕы Гимназия туйгун категориялаах омук тылын учууталыгар Валентина Васильевна Федотоваҕа, РФ Саха сириттэн маҥнайгы норуодунай учуутала В. Ф. Потапов аатынан анал бириэмийэни Н. Г. Золотарев – Николай Якутскай аатынан Харбалаах орто оскуолатын историяҕа уонна обществознаниеҕа туйгун категориялаах эдэр учуутала Мария Алексеевна Кузьминаҕа үөрүүлээх быһыыга туттарда.
Өрөспүүбүлүкэ үөрэҕин салалталарын начальниктара туруорбут 6 Граныгар биһиги улуустан Үөһээ Бүлүүтээҕи 8-с №-х «Алёнушка» оҕо сайдар киинин (директор Михайлова А.В.) проега ылла.
Үөһээ Бүлүү улууһун үөрэҕириитин систематыгар араас сылларга үлэлээбит Бочуоттаах үлэһиттэрин ааттарынан турбут:
1. Н. А. Золотарев аатынан Боотулуу орто оскуолатын Золотаревтар педагогическай династияларын - М. С. Габышева, «Бочуот знага» орден кавалера, начальнай кылаастар учууталлара,
Н. А. Золотарев, «Үлэҕэ килбиэнин иһин» мэтээл хаһаайына ааттарынан,
2. Васильева Олимпиада Романовна – Г. Н. Чиряев аатынан Хоро орто оскуолатын химияҕа учуутала, РСФСР үтүөлээх учуутала аатынан,
3. Явловскай Валерий Алексеевич - СР үөрэҕириитин туйгуна, П.Н. Тобуруокап аатынан Нам орто оскуолатын туйгун категориялаах математикаҕа учууталын аатынан,

4. Тумусова Любовь Васильевна, СР үөрэҕириитин үтүөлээх үлэһитэ, РФ уопсай үөрэхтээһинин бочуоттаах үлэһитин аатынан,
5. Кысылбаиков Гаврил Давыдович,
самодеятельнай композитор, Ороһу орто оскуолатын музыкаҕа учууталын аатынан,
6. Николаев Игнатий Алексеевич – Далыр орто оскуолатын математикаҕа учуутала, СР үөрэҕириитин систематын Бочуоттаах бэтэрээнин аатынан,
7. Раиса Софроновна, Иван Николаевич Алексеевтар – Н.К. Седалищев - Дьүөгэ Ааныстыырап аатынан Кэнтик орто оскуолатын учууталлара Алексеевтар педагогическай династияларын төрүттээччилэр ааттарынан анал бириэмийэлэр туттарылыннылар.
Бу 7 Грантан Үөһээ Бүлүүтээҕи Ю.Н. Прокопьев аатынан спортивнай орто оскуола алын сүһүөх кылаастарын учуутала «Наукаҕа бастакы хардыы» проегар Ольга Ильинична Муксунова үөрүүлээх быһыыга тутта.
Предметник учууталлар маастар – кылаастарын Өрөспүүбүлүкэтээҕи чемпионатыгар муҥутуур кыайыылааҕынан Н.Г. Золотарев – Николай Якутскай аатынан Харбалаах орто оскуолатын историяҕа уонна обществознаниеҕа туйгун категориялаах эдэр учуутала, «Саха сирин эрэлэ» бэлиэ хаһаайката Мария Алексеевна Кузьмина бигэтик тахсан, ярмарка Кубогынан, улуустааҕы үөрэх үлэһиттэрин профсоюзнай комитетын харчынан сертификатын тутан Харбалаахтар үөрүүлэрэ үрдээтэ.
Маны таһынан, Бүлүү Эбэ кэрэ көстүүлээх түүҥҥү кытылыгар ярмарка сыл аайы ыытыллар тэрээһинэ - гитарнай ырыа конкурса, чугас сытар Харбалаах, Ороһу, Нам, Кэнтик, Үөһээ Бүлүү нэһилиэктэрин музейдарыгар ыалдьыттары экскурсиялатыы, киэһэ өттүгэр муҥха, ярмарка кыттыылаахтарын улахан концертара, маастар – кылаастар, дебаттар, төгүрүк остуоллар, ыалдьыттарбытыгар анаан турбут араас выставкалар, техническэй творчество киинин үлэһиттэрин виртуальнай музейдара ыалдьыттарбыт болҕомтолорун тарта.
Түмүккэ, бу буолан ааспыт улахан тэрээһиннэргэ бары усулуобуйаны тэрийбит "Үөһээ Бүлүү улууһа" МО Баһылыга В.В. Николаевка, улуустааҕы үөрэх салалтатын начальнига Ю.В. Кынатовка кэлэн кыттыыны ылбыт улуустар делегациялара, СР үөрэххэ уонна наукаҕа министиэристибэтэ, СР үөрэҕи сайыннарыы уонна идэни үрдэтии института, СР үөрэҕи сайыннарыы инновационнай киинин салайааччылара 3 күннээх ыытыллыбыт тэрээһиннэртэн улаханнык астынан туран, махталларын тириэртилэр, билигин да араас ТГ ханаалларынан, ватсап ситиминэн дуоһуйуу, астыныы истиҥ тыллардаах махтал тыллара кэлэ тураллар.

Улуустааҕы үөрэх салалтатын специалиһа, Калиста Борисова

Биир дойдулаахпыт, И. Н. Барахов аатынан 1#-х орто оскуоланы ситиһиилээхтик бүтэрбит, СӨ үөрэҕириитин үтүөлээх үлэһитэ, РСФСР үөрэҕириитин туйгуна, СР “Гражданскай килбиэн” анал бэлиэ хаһаайына, Горнай улууһун, Бэрдьигэстээх нэһилиэгин Бочуоттаах олохтооҕо, Бэрдьигэстээх орто оскуолатын завуһунан, директорынан, улуустааҕы үөрэх салалтатын начальнигынан, Семен, Софрон Даниловтар ааттарынан духовность киинин өр сылларга салайан үлэлэппит, Горнай улууһун үс ыҥырыылаах Сэбиэтин депутата, улуус социальнай -экономическай сайдыытыгар сүҥкэн кылаатын киллэрбит салайааччы уонна уопсастыбаннай деятель Сергеева Клавдия Георгиевна ыарахан ыарыыттан олохтон туораабытынан кини дьиэ кэргэнигэр, аймахтарыгар, коллегаларыгар дириҥ кутурҕаммытын тиэрдэбит.

Үөһээ Бүлүү улууһун үөрэҕин салалтата