🌅 СВЕТ - САВЕТ МАЯКА🗼-- рубрыка для тых, хто напаўняе кожны дзень каштоўнымі падзеямі і людзьмі.

🌱Якімі б перажываннямі ні былі напоўнены дні, варта памятаць, што мы самі ствараем свет вакол і здольныя размаляваць яго яркімі фарбамі! Вясна — час цікавага перапляцення народных і хрысціянскіх святаў — крочыць па планеце, абуджаючы да жыцця прыроду і чалавека.

🕊Дабравешчанне, Вербніца, Вялікдзень, Радуніца — духоўная спадчына нашых продкаў, што ўзбагачае быццё беларусаў на працягу стагоддзяў.

Святочная сувязь часоў увасобілася ў шматлікіх каляндарных абрадах і звычаях. Узгадаем самыя адметныя з іх.

☀️Гадавое кола народных святаў са старажытных часоў падпарадкоўвалася руху Зямлі вакол Сонца і пачыналася з вясны, калі селяніна чакалі самыя важныя справы (ворыва, сяўба, выган жывёлы на пашу) і неабходна было абудзіць жыватворную сілу зямлі, песнямі і рытуальнымі карагодамі выклікаць надыход цёплых дзён.

#советмаяка
#беларускі_каляндар
#люблю_Беларусь

ШЫБУЕ ВЯСНА НА ЧАЎНЕ!
ДАРОГУ, ДАРОГУ ВЯСНЕ!©️

🔸САРАКІ. Лічылася, што ў дзень вясновага раўнадзенства дадому вяртаецца 40 птушыных зграй. Каб паскорыць вясну, з яе дарогі прыбіралі перашкоды: хлапчукі перакідвалі праз страху 40 трэсак, дзяўчаты разрывалі столькі ж вяровак, кабеты гатавалі печыва ў выглядзе птушак, спальвалі старыя рэчы, каб увайсці ў вясну абноўлёнымі.

🔸КАМАЕДЗІЦА. Свята прысвечана абуджэнню мядзведзя -- апекуна сялян. Да свята рыхтавалі рэпу, гарохавыя камы (адсюль назва свята), аўсяны кісель, ладзілі гульні з пераапрананнем і перакатамі з боку на бок, што ўвасаблялі рухі звера.

🔸ВЕРБНІЦА (ВЕРБАХЛЁСТ). Апошняя перад Вялікаднем нядзеля, калі вернікі асвятляюць у храме галінкі вярбы, што сімвалізуе сустрэчу Госпада ў Ерусаліме. Вярбой упрыгожвалі жыллё, магілы продкаў, праводзілі жывёл на першы выпас. Верылі, што вярба беражэ ад маланкі. Галінкі асвячонай вярбы захоўвалі да новай Вербнай нядзелі.

#советмаяка
#беларускі_каляндар
#люблю_Беларусь

☀️Каб наблізіць цяпло, выраблялі лялек-вяснянак. Лялька-вяснянка -- сімвал росквіту і адраджэння, маладосці і прыгажосці. Яркі знешні выгляд лялькі падымае настрой, усяляе надзею і зараджае энергіяй. Адметная асаблівасць абярэгу — доўгая каса, задраная ў гару, і пялёстыя фарбы ў вопратцы. У касе — яе сіла, чым даўжэйшая і таўсцейшая каса, тым лепш.

#советмаяка
#беларускі_каляндар
#люблю_Беларусь