#xabar #muftiy #juma
🌙 ШАЙХ НУРИДДИН ХОЛИҚНАЗАР ҲАЗРАТЛАРИ: ҒАЙБНИ АЛЛОҲДАН ЎЗГА ҲЕЧ КИМ БИЛМАС!

🕌 Бугун, 11 июль куни Ўзбекистон мусулмонлари идораси раиси муфтий, Шайх Нуриддин Холиқназар ҳазратлари жума намозини Тошкент шаҳридaги “Ҳувайдо” жоме масжидида адо қилдилар.

🎙 Муфтий ҳазратлари жамоат намозидан олдин йиғилганларга жума кунида дуолар қабул бўлиши ҳақида сўзлаш баробарида “Сеҳр ва фолбинларга ишониш – жамият бирдамлигини бузувчи иллат!” мавзусида манфаатли суҳбат қилиб бердилар.

🗣 Мавъизада бугунги кунда сеҳргарлик ва фолбинлик билан шуғулланаётган ва уларнинг найрангига учаётганлар, афсуски, ортиб бораётгани, динимизда уни касб қилган ва уларга ишонувчилар қаттиқ кораланиши, сабаби фолбинлар инсонлар ўртасидаги ижтимоий алоқаларга катта зарар етказиши, кишилар орасига душманлик уруғини сочиши, ғайбни билишни даъво қилиш билан катта гуноҳкор бўлишлари ҳақида айтиб ўтдилар.

🌙 Шайх Нуриддин Холиқназар ҳазратлари Қуръони каримдаги: “Айтинг: “Аллоҳдан бошқа осмонлар ва Ердаги бирор кимса ғайбни билмас” (Намл сураси, 65) оятини шарҳлаш асносида замон ривожланиши билан ғайбни даъво қилувчилар ҳам янги қиёфага кираётгани, энди улар ўзининг фолбин, коҳин ёки афсунгар каби хунук ва қўрқинчли номларини ўрнига “экстрасенс”, “паранормал ҳолатлар бўйича мутахассис”, “экзорцист”, “ноёб қобилият соҳиби” каби жозибадор, беозор, ҳатто баландпарвоз номлар билан атаётгани, қилаётган ишлари эса ёлғон ва фирибгарликдан бошқа нарса эмаслигини таъкидладилар.

🤲 Суҳбат якунида Ҳақ таолодан элу юртимиз тинчлик-фаровонлиги ва бутун дунё мўмин-мусулмонларини турли фитна ва хурофотлардан сақлашини сўраб хайрли дуолар қилинди.

✅ Ўзбекистон мусулмонлари идораси
Матбуот хизмати

😄 MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

#xabar #muftiy #fuqarolar
🌙 МУФТИЙ ҲАЗРАТ ҚАБУЛИДА ФУҚАРОЛАР МУАММОЛАРИГА ЕЧИМ ТОПДИ

🤝 Бугун, 30 июль, чоршанба куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари турли вилоятлардан келган фуқароларни қабул қилдилар.

⏺Қабулда масжидлар ҳолати, диний таълим, оилавий муаммолар ва моддий ёрдам ҳақидаги мурожаатлар тингланиб, уларни ижобий ҳал этиш чора-тадбирлари кўрилди.

💬Жумладан, мурожаатчиларга шаръий маслаҳатлар, зарур йўл-йўриқлар берилди ҳамда эҳтиёжмандларга моддий ёрдам кўрсатилди.

📿 Расулуллоҳ соллаллоҳу алайҳи ва салламнинг: “... Ким биродарининг ҳожатини раво қилса, Аллоҳ унинг ҳожатини раво қилади. Ким бир мусулмоннинг ташвишни аритса, Аллоҳ унинг Қиёмат кунидаги ташвишларидан бирини аритади”, деган ҳадисларига мувофиқ, ҳар бир фуқаронинг муаммосига масъулият билан ёндашилди.

✅ Бундай қабуллар ҳар ҳафтанинг чоршанбасида Ўзбекистон мусулмонлари идорасининг ҳудудий вакилликлари ва жоме масжидларида ҳам давом этмоқда.

✅ Ўзбекистон мусулмонлари идораси
Матбуот хизмати

😄 MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook