НАШЫ МУЗЕІ.
ГРОДЗЕНСКІ ГІСТОРЫКА-АРХЕАЛАГІЧНЫ : АРТЭФАКТ ..
2⃣
Як пазней высветлілася, пад гэтым псеўданімам хаваўся вядомы французскі гісторык, юрыст і журналіст Жан Русэ дэ Місі (1686–1762), заснавальнік першай масонскай ложы Амстэрдама, які пазней стаў ганаровым членам Расійскай акадэміі навук (з 1737). Дэ Місі ніколі не быў у Расіі, але тым не менш напісаў некалькі грунтоўных прац па яе гісторыі. Гэту кнігу ён напісаў на замову рускага ўрада.

"Успаміны аб панаванні Пятра Вялікага" Русэ дэ Місі былі сачыненнем грувасткім, складзеным з дрэнна ўзгодненых паміж сабой крыніц, напоўненым памылкамі. І гэта была першая ў Еўропе закончаная біяграфія Пятра Вялікага, якая адыграла прыкметную ролю ў распаўсюджанні ведаў пра Расію і яе пераўтваральніка. Выданне багата ілюстравана разцовымі гравюрамі. У самой Расіі сачыненне падобнага роду з'явіцца пазней – гэта будуць "Дзеянні Пятра Вялікага, мудрага пераўтваральніка Расіі" І.І. Голікава, якія выйшлі толькі ў канцы XVIII ст.

#ГісторыкаАрхеалагічныМузей
#Гродна

НАШЫ ПРАЕКТЫ.
ДЗЕНЬ СВЯТОГА ГУБЕРТА - АПЕКУНА ГРОДНА.

Штогод 3 лістапада адзначаецца Дзень Святога Губерта. У гэты дзень узгадваецца духоўны подзвіг чалавека, які на працягу ўжо 13 стагоддзяў служыць узорам самаўдасканалення.

Гродзенцы называюць Губерта сваім апякуном і заступнікам. Таму на гербе нашага горада размясціўся менавіта алень Губерта: паміж яго рагамі ззяе залаты крыж – сімвал веры, справядлівасці, велікадушнасці, чысціні помыслаў і мудрасці.

Запрашаем вас на музейную батлейку “Святы Губерт ”, а таксама вы зможаце пазнаёміцца з экспазіцыяй Старога замка.

14.00/15.00/16.00 – музейная батлейка “Святы Губерт”

📞 Падрабязней па тэлефонах: 71-86-88, + 375 (29) 77-66-588 (МТС),
+375 (29) 61-48-235

#Гродна
#ГісторыкаАрхеалагічныМузей