#OchiqMuloqot #XotinQizlar

☁️ Muhammad al-Xorazmiy nomidagi Toshkent axborot texnologiyalari universitetining 1-talabalar turar joyida istiqomat qiluvchi talaba-qizlar bilan universitetda faoliyat yurituvchi lider ayollarning ochiq muloqoti bo‘lib o‘tdi.

⚪️Muloqotda mamlakatimizda yosh avlodning bilimli, kasb-hunarli, hur fikrli bo‘lib voyaga yetishi uchun yaratilgan shart-sharoit, xotin-qizlarni har tomonlama qo‘llab-quvvatlash, jamiyatda gender tenglikni ta’minlash borasida amalga oshirilayotgan islohotlar haqida atroflicha so‘z yuritildi. O‘z mehnat faoliyati borasida so‘z yuritgan ayollar erishgan yutuqlari haqida va kasb tanlash ham saodat ekanligini alohida ta’kidladilar.

🔄 Uchrashuvda lider xotin-qizlar o‘z tajribalari bilan o‘rtoqlashish jarayonida huquqini va burchini bilgan, qonunlarni hurmat qilgan intiluvchan yoshlar va qizlar, kelajagimizning haqiqiy egalari ekanligi, har bir kasbning mashaqqati, mas’uliyati bor ekanligi haqida va albatta oila, milliy urf-an’analarimiz va uning tamoyillari haqida so‘z yuritdilar.

❤️Suhbat juda ma’lumotlarga va savol-javoblarga boy bo‘ldi. Suhbat so‘ngida eng dolzarb savol sohibalariga spikerlar tomonidan sovg‘alar berildi.

✈️@tuituz_official