🔸TARBIYA – avlodlararo ijtimoiy-tarixiy va hayotiy tajribani uzatishga xizmat qiladigan, oila, ta’lim muassasalari,  ijtimoiy, siyosiy va boshqa tashkilotlar, ommaviy axborot vositalari va boshqalar ta’siri ostida jismonan sog‘lom, ma’nan barkamol insonni shakllantirish va takomillashtirish jarayonini anglatuvchi tushuncha.

🕊IJODIY TAFAKKUR – erkin fikrlash va ijodkorlik tamoyili ustuvor bo‘lgan tafakkur shakli.

SALOHIYAT – iste’dodning bir turi bo'lib, insonning muayyan tarzda o'z ilhomini qabul qilishga tayyorlangandan so'ng yuz beradigan sifat. Yuksak aql, iste’dod egalari salohiyatli kishilar deyiladi.

Hasharda o‘zbek oilalari birgalashib bir-biriga beg‘araz yordam ko‘rsatadi, inshoot va binolar tiklaydi, nochorlarga yordam uyushtiradi.

Mahalla, qishloq, jamoa hududlariga oid muammolarni hal qilishda ham, atrof-muhit tozaligi, obodonlashtirishga doir ishlarda ham hashardan foydalanilgan. Xalqimizga xos bu qadimiy udum bugungi kunda ham o‘z ahamiyatini yo‘qotmasdan kelmoqda.

🔰MA’NAVIY MEROS — ma’naviy taraqqiyot mahsuli, inson aql-zakovati bilan yaratilgan, kelajak avlodni ezgu taraqqiyot sari yetaklash xususiyatiga ega bo‘lgan, kishilarning ongi va dunyoqarashining o‘sishi, olamni bilish va go‘zallashtirish borasidagi sa’y-harakatlariga kuch-quvvat beradigan, ajdodlardan avlodlarga o‘tib kelayotgan azaliy qadryatlar majmuini ifodalaydigan tushuncha.

✅MILLIY MEROS — tarixiy taraqqiyotning o‘tmishga aylangan bosqichida muayyan millatning ajdodlari aql-zakovati, qobiliyati va mehnati bilan yaratilgan barcha moddiy va ma’naviy boyliklar majmuini ifodalovchi tushuncha.