#ekspeditsiya
#nomoddiy_madaniy_meros

⚡️ Xabaringiz bor, nomoddiy madaniy meros namunalarini o'rganish uchun O'zbekistonning barcha hududlari bo'ylab etnofolklor ekspeditsiyalari tashkil etilmoqda.

✅Bugungi kunga qadar Toshkent, Sirdaryo, Qashqadaryo va Surxondaryo viloyatlarida nomoddiy madaniy merosning 40 dan ortiq namunalari bo'yicha dastlabki ma'lumotlar to'plandi.

✅ Hozirda mazkur ekspeditsiyalar ma'lumotlarini xalqaro konvensiya talablari bo'yicha hujjatlashtirish jarayoni olib borilmoqda, xususan YUNESKOning xalqaro ro'yxatiga kiritilishi rejalashtirilgan o'zbek nonlari, egar-jabduq yasash an'analari, beshik yasash va beshik bilan bog'liq an'analar kabi yo'nalishlar bo'yicha ham izchil izlanishlar olib borilmoqda.

✅ Xuddi shunday ekspeditsiyalardan biri iyul oyining ikkinchi yarmida Qirg'iziston Respublikasining o'zbeklar zich yashaydigan hududularida saqlanib kelinayotgan urf-odat va qadriyatlarni o'rganishga qaratilgan etnofolklor ekspeditsiyasi o'z ishini boshlaydi.

✅ Ilmiy ekspeditsiya obyektlari yuzasidan takliflaringizni 2024-yilning 15-iyuliga qadar telegram orqali @IrodaDadadjanova ga yuborishingiz mumkin.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

#ekspeditsiya
#nomoddiy_madaniy_meros

⚡️ Qirg'iziston Respublikasining o'zbeklar zich yashaydigan hududularida saqlanib kelinayotgan urf-odat va qadriyatlarni o'rganishga qaratilgan etnofolklor ekspeditsiyasi o'z ishini boshlashi haqida xabar berilgan edi.

Ayni kunlarda xalqaro ekspeditsiyalar rejasiga muvofiq etnofolklordan iborat O'zbekiston delegatsiyasi Qirg'iziston Respublikasida o'z ishini boshladi.

Delegatsiya a'zolari O'sh shahrida joylashgan "Qo'l hunarmandlar" mahallasida bo'lib pichoqchilik, mahsichilik, temirchilik, beshikchilik kabi milliy hunarmandchilik turlari bilan tanishdilar.

Ma'lumot uchun, O‘zbekiston Respublikasi Prezidentining "Nomoddiy madaniy merosni muhofaza qilish, ilmiy o‘rganish va targ‘ib qilishni rivojlantirishga oid qo‘shimcha chora-tadbirlar to‘g‘risida"gi 2023-yil 25-dekabrdagi PQ-405-sonli qarori ijrosini ta'minlash maqsadida, xalqaro ekspeditsiyalar rejasiga muvofiq joriy yilning 5-avgust kuni O'zbekiston delegatsiyasi Qirg'iz Respublikasida o‘z ishini boshladi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt