#Millat_bayrogʻi

🇺🇿 18-noyabr – O‘zbekiston Respublikasining Davlat bayrog‘i qabul qilingan kun!

OTA MAKON

Toshlarin tavof qil, tuprog‘ini o‘p,
Gardin ko‘zga surtib tug‘rosini o‘p,
Har sahar yukinib bayrog‘ini o‘p,
Bu Ota Makondir,
Bu Ona Yurtdir.

Boshing qo‘yib topin ostonasiga,
Zog‘ yo‘lata ko‘rma Ark-qal’asiga,
Hamisha tayyor tur himoyasiga,
Bu Ota Makondir,
Bu Ona Yurtdir.

Sayhuni, Jayhuni javohir, la’lli,
Tog‘lari tamalli, bog‘lari bolli,
Taqdirimiz shu el bilandir bog‘li,
Bu Ota Makondir,
Bu Ona Yurtdir.

Arkoni davlatin yo‘li bir bo‘lsin,
Yurgan yo‘llarida nafs asir bo‘lsin,
Taxt-toj, saltanati mudom sir bo‘lsin,
Bu Ota Makondir,
Bu Ona Yurtdir.

Ko‘ki ko‘lankasiz – oftobli, oyli,
Fuqarosin ko‘ngli Himoloy bo‘yli,
Serfarzand, serdavlat, xayrli qo‘lli,
Bu Ota Makondir,
Bu Ona Yurtdir.

Azaldan ardoqli, or-nomusli el,
To‘qson to‘qqiz bovli, biy, bo‘lisli el,
Sabr-qanoatli, qut, qomusli el,
Bu Ota Makondir,
Bu Ona Yurtdir,

Bu qadim Turondir – jon ichra jondir.

To‘ra Sulaymon,
O‘zbekiston xalq shoiri

Telegram | Instagram | Facebook | Veb-sayt

#Millat_bayrogʻi

🇺🇿 18-noyabr – O‘zbekiston Respublikasining Davlat bayrog‘i qabul qilingan kun!

Telegram | Instagram | Facebook | Veb-sayt