#Live

🎥 Ayni damda poytaxtdagi Simpoziumlar saroyida O‘zbekiston xalq hofizi Hasan Rajabiy va Rajabiylar sulolasi vakillarining ijodiy-ma’rifiy kechasi bo'lib o'tmoqda.

✅ Ushbu ijodiy-ma’rifiy kechada madaniyat vaziri o‘rinbosari Murodjon Majidov hamda taniqli davlat va jamoat arboblari, yozuvchi-shoirlar, madaniyat va san’at namoyandalari, mahalla faollari, olimlar, talaba va o‘quvchilar, keng jamoatchilik hamda ommaviy axborot vositalari vakillari ishtirok etishmoqda.

Telegram | Instagram | Facebook | Veb-sayt

#Live
#Premyera
#Taqdirlash

🎥 Ayni damda poytaxtdagi O‘zbek Milliy Akademik drama teatrining 110 yillik mavsumiga bag‘ishlanib, Isajon Sultonning “Ma’suma” romani motivlari asosida “Birinchi qaldirgʻoch" dramasining premyerasi bo'lib o'tmoqda.

Spektakl premyerasi boshlanishidan avval, madaniyat vaziri o‘rinbosari Murodjon Majidov so'zga chiqib, mamlakatimizda aholini madaniy saviyasini oshirish va o‘zbek teatr san’atini xalqaro maydonga olib chiqishda O‘zbek Milliy akademik drama teatrining o‘rni beqiyosligi, xususan, teatr ijodkorlari tomonidan so‘ngi yillarda sahnalashtirilgan “Jaloliddin Manguberdi”, “Adolat fasli”, “Yulduzli tunlar”, “Usmon Nosir”, “Cho‘lpon”, “Sadoqat bilan...”, “Urush odamlari” kabi yuksak saviyadagi spektakllar yaqqol misol ekanligini ta'kidladi.

Shuningdek, madaniyat va san’at sohasida teatrning o‘rni va nufuzini yanada oshirish shuningdek, teatrdagi uzoq yillik samarali faoliyatini qo‘llab-quvvatlash va sohada xizmat qilayotgan yosh mutaxassislarga ustozlar mehnatini namuna sifatida ko‘rsatish maqsadida, taniqli aktyor, truppa boshlig‘i Botir Muxamedjanov, teatr bosh hisobchisi Zumrat Sharipova, tikuv sexi bo‘limi boshlig‘i Hasan Islamov, duradgor sexi bo‘limi boshlig‘i Askardjan Kazakbaev, rassomchilik sexi bo‘limi boshlig‘i Narzulla Habibullaevlarga “Madaniyat va san’at fidokori" ko‘krak nishonini topshirdi.

So'ng, “Birinchi qaldirgʻoch" spektaklining premyerasi boshlandi. Bizni kuzatishda davom eting, tafsilotlar haqida xabardor etib boramiz!

Telegram | Instagram | Facebook | Veb-sayt

#Live

🔴 Ayni damda Ashxobodning Maqom markazi saroyida Turkmanistonda "O'zbekiston madaniyati kunlari"ning
ochilish marosimi hamda o‘zbek san’at ustalari ishtirokidagi gala-konsert tadbirlariga tayyorgarlik jarayonlari bo'lib o'tmoqda.

✅ Turkmanistonda bo'lib o'tayotgan "O'zbekiston madaniyati kunlari" tadbirlariga O‘zbekiston madaniyat vazirning birinchi o'rinbosari Bahodir Ahmedov boshchilik qilmoqda.

✅ Ma'lumot o'rnida, 18-20-noyabr kunlari Turkmanistonda O‘zbekiston madaniyati kunlari doirasida:

✅ "Turkmanistonda O'zbekiston madaniyati kunlari"ning ochilish marosimi hamda o‘zbek san’at ustalari ishtirokidagi gala-konsert;

✅ Ashxobodda O‘zbekiston madaniyati kunlari tadbirlari doirasida amaliy san’at ko‘rgazmasi;

✅ O‘zbekiston va Turkmaniston yozuvchi va shoirlarining “Maxtumquli Firog‘iy va uning jahon adabiyoti
rivojiga qo‘shgan hissasi” mavzusida ijodiy uchrashuv;

✅ Ashxoboddagi “Toshkent” bog‘ida konsert dasturi, milliy liboslar namoyishi, amaliy san’at ko‘rgazmasi madaniy
tadbirlari;

✅ Turkmaniston hamda O‘zbekiston san’at ustalari ishtirokidagi gala-konsert tadbirlarini o‘tkazish rejalashtirilgan.

Telegram | Instagram | Facebook | Veb-sayt