#شعرلری_بختیاری_پدر(بئو)


#شاعر_حجت_تختایی

#دکلمه_تیام_گودرزی



وَختی که خارِ روزگار مِن تی و مِن پاتِن
یا دردِ دلهـامـون همـه وُر زیرِ چوغـاتِن

وَختی که کردی گردواری وا غَـمِ جُونِت
فـِرگِ تَـمـومِ مــال جـَم آبیـده وابـاتـِن


نُومِـت به تِهنـایی تَمـومِ اِعتـوارُم هِـد
چی بِلگِ ریواسی و شاخِت افتخارم هد


هر جا که رَهدم دیدمت ، جُورِ سِتینی بئو
چی کوگ تارازی صدا هم هِد به تِشنی بئو

عشقت غزلخون کِردمه هر جا که پا اینُم
لاشُم بدونِ خوت که دی نیبُو به جُونی بئو


هر جا که ایری زیتری سی شُوقِ مُو وُرگرد
چی اَورِ بارونم که واتـُو نُـورِ اَفتـو خَـرد

آستاره ی بَختِ مُونی جُور یَه هُمـدردی
رَهده بـه کوری دی بفا اما هَنی مَـردی

مِن آسمون بال ایـزنم وَختی تـُونـه دارم
چی گُرزِ پُشتِ شُونمی ، محکم به چی بَردی

دلتنگم و چی دی بـلالی ای پـیـای ایـل
وا کَن کَنِ مالا بِخُون سیم ای صدای ایل

#حجت_تختایی


#تقدیم_تمام_پدران_سرزمینم


🇮🇷 @lorgeram_asli 👈
نای کش