#музейны_тыдзень #фондавы_панядзелак

У чэрвені ў фонд Лідскага музея паступілі 8 нумароў газеты «Уперад» 1943 года, якія раней захоўваліся ў рэдакцыі «Лідскай газеты».
Цікава, што менавіта з газеты «Уперад» пачалі камплектавацца фонды Лідскага краязнаўчага музея ў 1959 годзе. Выданне стала першым музейным прадметам, які быў запісаны ў кнігу ўліку асноўнага фонду.
Першы нумар газеты «Уперад» выйшаў 30 верасня 1939 года. Спачатку газета выпускалася на базе Баранавіцкага падпольнага абкама партыі, потым у Налібоцкай пушчы, дзе размяшчаўся Лідскі міжрайпартцэнтр. Набіралася і друкавалася газета ўручную ў партызанскіх зямлянках. На жаль, 11 першых нумароў не захавалася.
Летам 1944 года ў Прынёманне прыйшло вызваленне і газета пачала выходзіць легальна. Назва газеты мянялася чатыры разы: «Уперад», «Сцяг працы» (май 1962 г. - 6 ліпеня 1966 г.), зноў «Уперад» (ліпень 1966 г. - 3 снежня 1991 г.) і, нарэшце, «Лідская газета».
#lixm_фонды

Лідскі музей – музей года!
9 снежня 2022 года ў Спартыўна-культурным цэнтры Беларускага дзяржаўнага ўніверсітэта культуры і мастацтваў адбылося ўрачыстае ўзнагароджанне пераможцаў ХХ Рэспубліканскага турыстычнага конкурсу «Пазнай Беларусь».
Дзяржаўная ўстанова «Лідскі гісторыка-мастацкі музей» – лаўрэат конкурсу ў намінацыі «Музей года: Раённыя (гарадскія) музеі».
Рэспубліканскі турыстычны конкурс «Пазнай Беларусь» штогод праводзіцца Нацыянальным агенцтвам па турызме пры падтрымцы Міністэрства спорту і турызму Рэспублікі Беларусь.
#lixm #лідскімузей #лідскізамак #домтаўлая #лидскиймузей #лидскийзамок #пазнайбеларусь

#музейны_тыдзень #фондавы_панядзелак

Адным з апошніх паступленняў у фонды Лідскага музея ў 2022 годзе стаў еўрапейскі даспех ХV ст. (раканструкцыя), які стварыў кіраўнік вайскова-гістарычнага клуба «Дайнава» Юрый Мандрык для аднаго з першых фэстаў сярэднявечнай культуры і традыцый у Лідскім замку.

Набыццё экспаната стала магчымым дзякуючы супрацоўніцтву Лідскага музея і ААТ «Лідскае піва».

Пачынаючы з 2017 г. «Лідскае піва» праводзіць «Агульную дыктоўку». У 2022 годзе дыктоўка прайшла ў анлайн-фармаце. За кожнага ўдзельніка, які адправіў сваю працу на праверку, ААТ «Лідскае піва» пералічвала 5 рублёў на набыццё новага экспаната для Лідскага музея.

Убачыць даспех у хуткім часе можна будзе ў экспазіцыі Лідскага замка.

#лидскиймузей #lixm_фонды #лида700лет

#музейны_тыдзень #фондавы_панядзелак

Новыя паступленні ў #lixm_фонды – паштовыя маркі «Лідскі аэрадром» і маркіраваныя канверты спецыяльнага гашэння «Першы дзень».
Міністэрства сувязі і інфарматызацыі Рэспублікі Беларусь 15 сакавіка 2023 года выпусціла ў абарачэнне паштовую марку «Лідскі аэрадром» з эмблемай Рэгіянальнай садружнасці ў галіне сувязі (РСС).
Праект «Гісторыя авіяцыі» падрыхтаваны ў супрацоўніцтве з Беларускай дзяржаўнай акадэміяй авіяцыі.

#лідскімузей #lixmuseum #лида700лет #лидскийаэродром

#музейны_тыдзень #фондавы_панядзелак

Сфрагістыка або сігілаграфія – гэта гістарычная дысцыпліна і разнавіднасць калекцыянавання, аб'ектам вывучэння і збірання якой з'яўляюцца пячаткі, штампы, матрыцы з любога цвёрдага матэрыялу (каменя, металу, косці), а таксама іх адбіткі на розных матэрыялах (метале, сургучы, воску, паперы і інш.).
Пячаткі разглядаюцца галоўным чынам як знакі сапраўднасці дакументаў, гісторычных крыніц, помнікаў мастацтва і з'яўляюцца каштоўнымі сведчаннямі гісторыі.

Калекцыя «Сфрагістыка» Лідскага гісторыка-мастацкага музея пачала фарміравацца ў 1983 годзе з пячаткі «FABRYKA MUDŁA “RAKIETA” LIDA».
Сёння калекцыя ўключае больш за 30 адзінак захоўвання: пячаткі, штампы ўстаноў і прадпрыемстваў, клішэ, пломбы.
Падчас камплектавання калекцыі асноўная ўвага надаецца прадметам, звязаным з Лідскім рэгіёнам.
І ў папярэднім месяцы ў фонды музея паступілі адразу 4 пячаткі службовых асоб Лідскага павета 2 пал. ХІХ – п. ХХ стст.

#lixm_фонды #лідскімузей #lixmuseum #лида700лет

#музейны_тыдзень #прыродазнаўчая_пятніца
Горад Ліда і Лідчына з вышыні птушынага палёту 24 гады таму.
Фотаздымкі зроблены лётчыкамі авіябазы № 206 Мамчыцам Л. В. і Сабакіным С. А. 20 ліпеня 1999 г., камера "Коdak".
#lixm_фонды

Новы месяц – новы #музейны_тыдзень і новыя паступленні ў #lixm_фонды !

Сёння перад намі сапраўдная легенда – патэфон “His Master's Voice”, The Gramophone Company Limited, мадэль 102, якая была прадстаўлена ў ліпені 1931 года і стала прататыпам шматлікіх партатыўных грамафонаў, у тым ліку савецкіх ПТ-3.

Гандлёвая марка “His Master's Voice” мае цікавую гісторыю назвы і лагатыпу. Даведайцеся больш ➡️

https://telegra.ph/Patehfon-His-Masters-Voice-10-02

Да Дня Кастрычніцкай рэвалюцыі супрацоўнікі музея падрыхтавалі інфармацыйны агляд “Са святам Кастрычніка!”.
Нават калі не ведаеш тэматыкі, то, трапіўшы ў залу, адразу здагадаешся: тут усё з савецкага часу, таму што не адна эпоха ў гісторыі нашай краіны не была такой чырвонай. Чырвоныя сцягі, чырвоныя вымпелы, чырвоныя гальштукі, чырвоныя значкі, чырвоныя гваздзікі…
Увазе наведвальнікаў прадстаўлены выявы Леніна, дзіцячыя і маладзёжныя грамадскія арганізацыі савецкага часу, а дакладней іх атрыбуты - акцябронак, піянер, камсамолец і камуніст. Пра жыццё лідчан у савецкі час расказваюць выставачныя экспанаты. Сярод іх вымпелы за перамогу ў сацыялістычным спаборніцтве ў розных галінах, рапарты аб выканані чарговых планаў пяцігодак і шмат іншых прадметаў.
Запаршае наведаць музей на вуліцы Перамогі, 37а
#музейны_тыдзень #фондавы_панядзелак #лидскиймузей #lixmuseum #lixm_фонды