28 студзеня 2023 года ў Доме Валянціна Таўлая Лідскага гісторыка-мастацкага музея адкрылася выстаўка "Песня даўжынёю ў жыццё", прысвечаная 130-годдзю з дня нараджэння беларускай паэтэсы Канстанцыі Буйло.
Першымі наведвальнікамі сталі сябры з літаратурнага аб’яднання "Суквецце", а таксама ўдзельнікі гістарычнай гасцёўні "Памяць за сабою пакліч".
#ВалянцінТаўлай #ДомТаўлая #Замкавая7 #музей #культура #Ліда #экспазіцыя #Канстанцыя_Буйло #паэзія #літаратура #песня #юбілей #лида700лет

У горад Ліду паступова набліжаецца Дзень беларускага пісьменства. Дом Валянціна Таўлая Лідскага гісторыка-мастацкага музея, як літаратурная пляцоўка, пракладае супрацоўніцтва з літаратурнымі музеямі Беларусі. На гэты раз - з Дзяржаўным літаратурным музеем Янкі Купалы. Сумесна з гэтай установай з 14 сакавіка пачала працу выстаўка "Ад Арэсы да Лідзейкі". На ёй прадстаўлены кнігі "Над ракою Арэсай", якія перавыдаваліся з 1933 года. Адна з іх - за 1937 год, была падорана самім Янкам Купалам падчас прыезду ў Ліду 14 сакавіка 1940 года гарадской бібліятэцы. Такі ж асобнік быў падараваны і Валянціну Таўлаю. Але ваенныя падзеі не пашкадавалі гэтыя выданні. І толькі праз 85 гадоў кніга часова вярнулася на сваё месца. Разам з іншымі выданнямі і партрэтамі Купалы яе можна будзе пабачыць у мемарыяльным пакоі Дома Валянціна Таўлая, што па вуліцы Замкавая, 7.
#ДомТаўлая #ВалянцінТаўлай #Замкавая7 #музей #культура #Ліда #ЯнкаКупала #Над_ракою_Арэсай #гісторыя #дзеньбеларускагапісьменства_ліда