🌷Са святам, дарагія жанчыны!
📎Творчую паштоўку дасылае гімназія 28
#вясна_прыгажосць_жанчына

🔆Беларускія жанчыны - мудрыя, моцныя духам, прыгожыя, прывабныя, пяшчотныя.

Прапануем Вам.
🔆ЖАНОЧЫЯ ВОБРАЗЫ ў беларускіх пісьменнікаў і мастакоў

🖌🎨Іван Хруцкі. Партрэт невядомай. 19 стагоддзе
#вясна_прыгажосць_жанчына
#хруцкі

"Прыгажэйшыя на свеце -
Беларускія дзяўчаты."
©Міхась Кавыль.

🖌🎨Юрый Яраш. Жаночы вобраз. 21 стагоддзе
#вясна_прыгажосць_жанчына
#яраш

🔆ЖАНОЧЫЯ ВОБРАЗЫ ў беларускіх пісьменнікаў і мастакоў🖌📖🎨

🔅Іван Мележ пра Ганну Чарнушку: "...Выспела нявеста, нічога не скажаш! ...ва ўсім пайшла ў матку. 3 аблічча - дык як вылітая: і невялікая ростам, і не гладкая - худая, можна сказаць, і плечы, як у маткі, вузкія, і рукі тонкія. I косы чорныя, густыя, аж блішчаць, бы намочаныя, і смуглявасць на твары такая ж, і шчочкі таксама выпінаюцца".

🔅Янка Купала пра Бандароўну:
"Як маліны яе губкі,
А твар, як лілея,
Як дзве зоркі, яе вочы,
Гляне - свет яснее. 

🔅Іван Мележ пра Ганну Чарнушку: "Хлопцы гарнуліся да яе і пабойваліся". 

🔅Аркадзь Куляшоў пра Алесю: "Бывай, абуджаная ў сэрцы, дарагая.
Твой светлы вобраз панясу я па жыцці.
На ўсходзе дня майго заранка дагарае,
Каб позна вечарам на захадзе ўзысці." 

🔅Якуб Колас пра Ядвісю:
" [Ён] глянуў ёй у вочы, у гэтыя акруглыя цёмныя і такія слаўныя, выразныя вочы, на яе чорныя тонкія бровы, якіх ён не бачыў ні ў аднае дзяўчыны, ні ў кога на свеце. Здаецца, ніколі не адводзіў бы ад яе вачэй!" 

🔅Якуб Колас пра Ядвісю: "Ці ж можна не любіць яе, гэтую лепшую, прыгажэйшую казку Палесся?" 

🔅Максім Багдановіч пра Вераніку:
"I мела дзеўча выгляд маці,
Калі тады ка мне яна,
Трывожнай ласкаю паўна,
Схілялася, як да дзіцяці,
Зіяючы перада мной
У новай пекнасці жывой."
#вясна_прыгажосць_жанчына

☀️🌷Сонейка, святла, вясновага настрою нашым дарагiм жанчынам! Мiра нашай зямлi i дабрабыту нашым сем'ям!
#са_святам
#вясна_прыгажосць_жанчына

🌷✨«Жанчына»

Добрая. Маўклівая. Самотная.
Мяккая. Прывабная. Душэўная.
Шчырая. Жаданая. Салодкая.
Чулая. Таемна-задуменная.
Смелая. Суровая. Рашучая.
Упартая. Упэўненая. Спрытная.
Гордая. Гарачая. Калючая.
Любая. Чароўна-аксамітная.

Сотні слоў сплятуцца ў адзінае,
Не любіць якое немагчыма.
Хай ляціць да зораў жураўлінае,
Слова ✨непаўторнае «жанчына».

Дбайная. Руплівая. Нястомная.
Клапатлівая. Жывая. Шчодрая.
Злосная. Кіпучая. Нязломная.
Гнеўная. Бурклівая. Халодная.
Звонкая. Прыветная. Забаўная.
Яркая. Гарэзлівая. Мілая.
Весялуха. Прыгажуня. Слаўная.
Мудрая. Каханая. Шчаслівая.
©Таццяна Цвірка
#вясна_прыгажосць_жанчына
#па_беларуску🌷✨
#думка_ў_падарунак

Вясна=Жанчына=Прыгажосць.
З таго часу, як існуе свет, існуе гэта формула☀️🌷.

Жанчына — аснова, дом, любоў і каханне, мудрасць, жыццё.

Жанчына — дабрыня, міласэрнасць, дапамога, клопат.

Жанчына — вернасць, мужнасць, самаадданасць, трыванне.

Са святам Вясны, з Міжнародным жаночым днём віншую сёння вас, вясновыя прыгажуні сяброўкі і калегі, бабулі і матулі, дзяўчынкі!

Няхай жыццё дорыць вам шчасце новых адкрыццяў і знаёмстваў, планаў і дасягненняў.

Ад душы жадаю росквіту і натхнення ў любых жыццёвых абставінах!

Наталля Кучынская,
начальнік упраўлення па
адукацыі Ленінскага раёна
г.Мінска.
#вясна_прыгажосць_жанчына
🌷 lenue.minsk.edu.by | Telegram