Саха сирин Киһи быраабыгар боломуочунайа Сардаана Гурьева бүгүҥҥү брифиҥҥэ байыаннай сулууспалаахтар көрдөһүүлэрин хайдах көрөллөрүн уонна быһааралларын  кэпсээтэ.  

«Биһиэхэ улуустан ыҥырыллан анал байыаннай дьайыыларга кытта барбыт уол доруобуйатын  туһунан ийэтэ суруйбута. Онуоха Саха сиринээҕи гарнизон байыаннай борокуратууратыгар сурук ыыппыппыт. Ол кэннэ байыаһы  Запорожьеттан  Ростов-на-Дону к. госпиталыгар киллэрбиттэрэ. Онтон Дьокуускай к. балыыһатыгар аҕалбыттара. Манна киниэхэ ирдэнэр эпэрээссийэни оҥордулар. Бэнидиэнньиккэ байыас доруобуйатын сиһилиир докумуон байыаннай чааска барда. Онно олоҕуран кинини сулууспаттан кылгас больдоххо эбэтэр букатын босхолуохтара», – диэн Сардаана Гурьева биир түгэни холобурдаата.

Өссө биир байыаннай сулууспалаах доруобуйатыгар кыһалҕаламмыт. Кини Бехтерев ыарыытынан ыалдьыбыт сибикилээх эбит. Ол туһунан иһитиннэрии кэлбитигэр байыаннай уокурук борокуруоругар суруйбуттар.

#сардаанагурьева #киһибырааба #сво #көмө #кыымру

https://t.iss.one/kyymsakha