🎗Ытык Ильмень саха буойуннарын кэриэстиир

Быйыл олунньу 23 күнүгэр Ильмень күөл мууһугар буолбут, элбэх биир дойдулаахтарбыт ньиэмэс фашистарын утары дьоруойдуу охсуспут, үгүстэрэ олохторун толук уурбут кырыктаах кыргыһыылара 80 сылын туолар.

Чурапчы улууһун И.М. Павлов аатынан орто оскуола музейын салайааччыта, СӨ устуоруктарын уонна кыраайы үөрэтээччилэрин Сойууһун чилиэнэ М.В. Дьячковскай салалтатынан бу кыргыһыыга кыттыбыт, өлбүт буойуттар оҕолоро, сиэннэрэ, хос сиэннэрэ уонна эдэр карбышевецтар элбэх улуустан хомуллан, Старай Русса куоракка, кыргыһыы буолбут, буойуттар көмүллүбүт сирдэригэр патриотическай суолталаах кэриэстэбил тэрээһиннэргэ кытта бараары сылдьаллар.

Ону таһынан, кинилэр онно 1943 с. кыргыһыыга буойуттарын кытта ууга тимирбит 19-с хайыһар биригээдэтин знамятын тилиннэрэр миссиялаахтар.

Бу туһунан Владимир Степанов суруйуутун "Кыым" хаһыат тохсунньу 26 күнүнээҕи нүөмэригэр ааҕыҥ.

#кыымноруотхаһыата #ильмень #кыымру

https://t.iss.one/kyymsakha