Бэҕэһээ, алтынньы 18 күнүгэр, "Саха Өрөспүүбүлүкэтин тылларын туһунан" сокуон олоххо киирбитэ 30 сылыгар аналлаах "Саха Өрөспүүбүлүкэтигэр тылбаас туруга уонна кыһалҕата" диэн кэпсэтии буолан ааста.

Билигин, уруккуттан да биллэрин курдук, киирии тыллары, тиэрминнэри сахатытыы, тэрилтэлэри тылбаасчыттарынан хааччыйыы, сахалыы ойуу киинэ тылбааһын элбэтии кыһалҕалара сытыытык тураллар. Ол курдук, былаас уорганнарыгар үлэ бүтүннүү нуучча тылынан барара биллэр. Саха тыла оннооҕор пресс-сулууспаларыгар туттуллубат, ол иһин сонун барыта нууччалыы суруллан тарҕанар.

Ол да буоллар, кэпсэтиини кэлэр 2023 сылга СӨ сокуоннара бары икки тылынан тахсыахтаахтар диэн докумуон олоххо киирдэҕинэ уонна саҥа тэриллэ сатыыр СӨ тылларын сайыннарар киин иһинэн Тиэрмин хамыыһыйата үлэлээтэҕинэ, нууччалыы-сахалыы тылбаас эйгэтигэр үчүгэй уларыйыылар тахсаллар ини диэн эрэл санаалаах түмүктээтилэр.

Видеоҕа - "Кыым" хаһыат эрэдээктэрэ Иван Гаврильев

#кыымру #хифу #сахатыла

https://t.iss.one/kyymsakha

Бүгүн Арассыыйа устудьуоннарын бырааһынньыга - Татьяна күнэ👫🏻👫🏻👫🏻

Онон сибээстээн, ХИФУ телеграм-ханаалыгар ректор уонна проректордар устудьуон саҕанааҕы хаартыскаларын таһааран таайтарбыттар👍🏼

Сорохтор олох уларыйбаттар эбит😅

#хифу #татьянакүнэ #устудьуоннар #эҕэрдэ #кыымру