Ийэ буолар аналы дьоһуннаахтык толоруу таһынан, ыал оҕотун үтүө киһи, туйгун үөрэнээччи гынан иитэн-үөрэтэн таһаарыы - уустук сорук.

Сахаларга бу икки соругу тэҥинэн ситиһэр күн-күбэй ийэлэр, айылҕаттан айдарыылаах педагогтар суох буолбатахтар - бааллар. Олортон биирдэстэрэ - Ньурба Маалыкайыттан төрүттээх нуучча тылын уонна литературатын учуутала Мария Ивановна Ксенофонтова-Данилова.

Бүгүн, Арассыыйатааҕы Ийэ күнүгэр, СӨ Национальнай бибилэтиэкэтин историческай саалатыгар бастыҥ кэргэҥҥэ, ийэҕэ, учууталга аналлаах "Сүрэҕиҥ сылааһыгар угуттанан" диэн кинигэ биһирэмэ буолла.

Кинигэ сүрүн уратытынан, Мария Ивановна туһунан ахтыылары таһынан, кини олоҕун аргыһын кытта оскуола эрдэхтэн суруйсубут истиҥ суруктара туспа түһүмэҕинэн киирбиттэрэ буолар.

Мария Ивановна Ксенофонтова-Данилова оҕолоро, биир дойдулаахтара, үөлээннээхтэрэ кинигэ биһирэмин ыытарга усулуобуйа тэрийбит Национальнай библиотека салалтатыгар ис сүрэхтэн махтаналлар.

#ньурба #маалыкай #ийэкүнэ #учуутал #кыымру

https://t.iss.one/kyymsakha