От ыйын 14 күнүгэр Дьокуускай куорат «Россия - моя история» мультимедийнай пааркатыгар аан дойдуга айылҕа хаартыскаларын биир бөдөҥ Бүтүн Арассыыйатааҕы IX-с «Первозданная Россия» бэстибээл саҕаланна.

Бырайыагы ийэ айылҕаны сөбүлээн үйэтитээччилэр уопсастыбалара иилээн-саҕалаан уонна партнердар өйөөн олоххо киллэрдилэр. Бу ураты тэрээһиҥҥэ айылҕаны таптааччылар, айылҕа харыстабылын үлэһиттэрэ, айанньыттар, учуонайдар, билиини тарҕатааччылар, былаас уонна көҥүл түмсүүлэр бэрэстэбиитэллэрэ кытталлар.

Дьокуускайга турбут быыстапкаҕа Арассыыйа кэрэ көстүүлэрин, кыылларын, үүнээйилэрин, кэрэхсэнэр сирдэрин үйэтитэр 150-тан тахса үрдүк хаачыстыбалаах хаартысканы көрүөххэ сөп. Саха сирин айылҕата бырайыак сүрүн киэн туттуута буолла.

#россиямояистория #быыстапка #айылҕа #хаартыска #кыымру

https://t.iss.one/kyymsakha

Дьокуускайга алтынньы 20 күнүттэн “Арассыыйа – мин устуоруйам” түмэлгэ Арассыыйа байыаннай устуоруйатын уопсастыбатын тэрийиитинэн, “Герои с вечно русским сердцем”диэн мультимедийнай быыстапка арыллан үлэлии турар.

Быыстапкаҕа киириигэ Донбасска Украина нацистара кыыллыы дьайыыларын, быһыыларын көрдөрөр хаартыскалаах, быһаарыы суруктаах стендэлэр тураллар.
Мультимедийнай экспозицияларга киһи хорсун буойуттары кытта билсэр. Инники экспозицияларга Аҕа дойдуну көмүскүүр Улуу сэриигэ Сэбиэскэй Сойуус Дьоруойдарын кытта Украина сэриитигэр Арассыыйа Дьоруойа буолбут араас омук дьонун туһунан кэпсэнэр. Саха сирэ Донбасс дьонугар-сэргэтигэр көмөтө манна эмиэ кэпсэнэр.

Салгыы баран истэххэ, ааспыт сэрии Дьоруойдарын кытта Саха сириттэн байыаннай бирисээгэлэрин толорон, дойдуларын туруктаах, эйэлээх олоҕун сарсыҥҥытын туһугар эдэркээн олохторун толук уурбут уолаттарбыт тустарынан  билиһиннэрии суруктаах хаартыскалара тахсаллар.

#россиямояистория #түмэл #сво #дьоруойдар #кыымру

https://t.iss.one/kyymsakha

Бэҕэһээ "Арассыыйа - мин устуоруйам" пааркаҕа Олоҥхо декадатын чэрчитинэн биир сонун тэрээһин буолла. Ол курдук, "Олоҥхо үйэлээх аартыгынан" быыстапка саҕаланна уонна цифровой худуоһунньуктар олоҥхо сюжеттарыгар мультимедийнай анимация уруһуйдарын быыстапката сүрэхтэннэ.

Киһи элбэх, ордук ыччат, оҕо тоҕуоруста. Аныгы технология көмөтүнэн, олоҥхо уобарастарын уустаан-ураннаан айан оҥорбуттарын, ону хамнатан көрдөрбүттэрин көрөөччүлэр сөҕө-махтайа, абааhылары дьиксинэ да ылыннылар. Кэнэҕэскитин маннык мультиктар да оҥоһуллуохтарын сөп эбит👍🏻

Анимация-уруhуй куонкурус бырайыагын ааптара Туйаара Стручкова, бэйэтэ архыып үлэһитэ, идэтинэн историк эбит. Анимацияны, Олоҥхону хобби оҥостон, дьон бөҕөнү түмэн сообщество тэрийэн, салгыы бу бырайыак үөскээн тахсыбыт. Тэрийээччилэр өссө да киэҥ-куоҥ бырайыактары былаанныыллар.

#россиямояистория #олоҥхо #кыымру