Санкт-Петербург губернатора Александр Беглов куорат Выборгскай оройуонун Диагональная, Грибалёвой уонна Новолитовская уулуссаларыгар турар искибиэргэ Семен Новгород аатын иҥэрэр туһунан Уураахха илии баттаабыт.

Маннык этиини Саха сирин бастайааннай бэрэстэбиитэлистибэтэ САССР олохтоммута 100 сылынан уонна саха суругун-бичигин төрүттээбит бастакы тыл үөрэхтээх учуонай, бөдөҥ уопсастыбаннай-бэлитиичэскэй диэйэтэл Семен Новгородов төрөөбүтэ 130 сылынан киллэрбит.

Онон, сотору кэминэн Семен Андреевич үөрэммит, олорбут, үлэлээбит, айбыт-туппут, тиһэх күннэрин атаарбыт Санкт-Петербург куоратыгар чулуу киһибитин кэриэстээн ааһар искибиэрдээх буолуохпут. Искибиэри Саха сирин норуоттарын култууратыгар сөп түбэһиннэрэн саҥардан оҥорор былааннанар.

Сонун төрдө: СӨ Салалтатын уонна Ил Дарханын пресс-сулууспата

#санктпетербург #семенновгородов #төрөөбүттыл #сурукбичик #кыымру

https://t.iss.one/kyymsakha

Киһи иһиттэр истэн олоруох курдук ууну сомоҕолуур уус тыллаах Пантелеймон Степанов барыта "С" буукубаттан саҕаланар тыллардаах хоһуйуутун истиҥ😍 Былыр эбитэ буоллар, ыҥырыыттан ыҥырыыга сылдьар олоҥхоһут буолуох эбит👍🏼

Биллиилээх ыытааччы, тамада, блогер Лиза Газизова кими батан тылга дьоҕурдааҕын, ону ааһан, дьээбэлээҕин дьэ биллэхпит😅

Хааһахтан хостуур курдук хомоҕой тылынан хоһуйан этэр, ону барытын өйгө тутар киһиэхэ эрэ бэриллибэт талаан👍🏼

#сахатыла #төрөөбүттыл #талаан #саха #кыымру