مقدمه عايز اكتب عن نفسي عن واقع معاش قواعد اللعبه في الحياة كامله او علي قدر مااتعلمنا ياريت ننصح اونساعد غيرنا في جميع مجالات الحياة بمختلف مسميات سوي في الدين اوالمدرسه اوالشارع الي اخر شي نختصر المقدمه نكتب اي قصه بي تفاصيل ياريت الزول معاي في قناه يلقي حاجه يستفيد منها تساعدو امشي لي قدام اتحرك من طريق خطاء او زول ماشي صاح أتقدم الي افضل من مماكان يلا ورح نشوف عايزين نحكي نقول شنو جاهزين🔥👌🚶‍♀

الفهرس قصص موجوده الان 📕

📌1⃣مقدمه
📌2⃣الصاح الخطاء
📌3⃣الاحترام
📌4⃣الاهتمام التقدير
📌5⃣روايه بنت ولايات
📌6⃣القسمه النصيب
📌7⃣السعاده
📌8⃣اخوي الصغير
📌9⃣الخساره

🎾 الصاح الخطاء🎾
من الكلمتين واضح مابحتاج تفسير لكن دايما في ناس بنظرو لي الصاح الخطاء بي كم زاويه مختلفه بي أراء كثيره جدا خلاصه الموضوع في حاجات واضحه لكن بتخليك تمشي كم طريق في النهايه النتيجه واحد اصلا ده طبعا بعكس نتيجه تعليم الزول بفسر بقول رأي حقو شنو في مشاكل دايما لمن حاجتين ديل اتكلمو عنهم بتظهر سلبيات كثيره مع انو مابتحتاج كلام واضح حاجه دي بتظهر لي الحقيقه من عده جوانب صاح خطأ دي بالمناسبه كلمه حق مابتحتاج تزيف اولعب زي ماشايفين حاصل بي سبب مصلحه اوهدف بعيد او قريب او مسأله شخصيه الكلمتين عكس بعض في ناس عشان هوي نفسهم بشوفو كلام ده عادي جدا مع انو مستحيل يتلاقى صاح مع خطاء مهما كان في نهايه نرجع نقول صاح صاح خطاء خطاء لو زول مشي صاح ربنا اوفقو مشي خطاء ارجع رجوع ماعيب عيب انك تمشي غلط بعد عرفت تقنع نفسك بي كلمه ساهي 🚶‍♀


نصيحه 😎حاول كل فتره اقعد مع نفسك عشان تمشي صاح لو حسيت انك ماشي خطاء ارجع ماعيب اطلب مساعدة ماتروح ليك حاجه 💦✅

🟢الاحترام 🟢

أجمل حاجه تخلق لي نفسك احترام من الناس حواليك سوي كان كبار اوصغار يلا كلام ده عشان تعملو ماصعب محتاج منك حاجه بسيطه اساسيه تكون عارفها زول عشان احترمك اديهو تقدير اهتمام خلي الزوق او الأسلوب حلو اهم شي عندك تكون جادي مع ناس بتتعامل معاها تديها حقها بدون تقصير اسمع من زول معاك اعرف قصدو شنو في ااي كلام دي نقاط مهمه جدا بتخليك تكسب اي زول بحترمك قبل مااي زول احترمك انت بادر بالاحترام دايما قدم الكلمه الطيبه الحلوه مهما كانت قاسيه عليك الايام اوالظروف لانو اي كلمه بتطلع محسوبه عليك اساس حاجات كثيره جدا الاحترام مرات زول كعب بقول ليك لو مابحترمك كان سمعتك كلام عشان تعرف الاهميه كيف ليهو مهما زول اتكلم ممكن مايقيف لكن بس الأساسيات الزكرتها دي متأكد براحه كده بتجيب ليك مفيد انت فنك تأني وظف اي حاجه صاح اتأكد انت زول محترم بيحترم الناس دمتم بخير


🔝دايما بتكلم باختصار عشان نغطي حاجات كثيره ناس ماتمل تصل للمهم فقط☑️

🏀الاهتمام التقدير🏀

احيانا عشان نهتم نقدر زول بنشوف حاجه دي بي عيونا لكن في الحقيقه احساس جميل جدا تلقي زول اهتم بيك اديك تقدير حلو جدا ياخ دي في حد زاتو رفاهية أمكن تعدل ليك مزاجك تبقي حاجه كبيره جدا في نظر البقدرك بهتم بيك بي كل تفاصيلك او في حاجه بينكم علاقه او شغل لانو دي حاجات ماساهله بتبني حاجه حلوه مع الطرف الآخر اي كان سوي صديق اوعلاقه عابره الاهتمام التقدير مااي زول بعرفو في حد زاتو نعمه ياريت نبقي مش عشره أمكن الف وأكثر لي زول بقدرنا بهتم بينا دي فرحه جات لينا جوه ديارنا بتعوضنا تعبنا زمن قرر خلاص تجي لحدي عندنا فرصه مانضيعها بالتجاهل الإهمال نقفل القيم ده لحدي اخر دقيقه اونفس لينا


زي مابقولو ابقي لي بهتم بقدرك

بقلم القايمه السوداء😎
روايه بنت ولايات❤️
الحلقه الاولي

اولا اعرفكم علي نفسي انا صفاء ❤️من الشماليه😍 عمري 19سنه قاعده في الخرطوم🔥 بقراء طب جامعه الخرطوم من جيت الجامعه طبعا مابعرف زول هنا😳 زوله متواضعه مابحب اكون مفتريه او متعاليه علي زول ده طبعي كده من انا صغيره 😘جدا بحب اكون اقراء دايما اكون متفوقه في الدفعه عشان افرح اهلي اعوض كل زول تعب معاي ارفع ليهم راسي مهم فتحت الجامعه مابحب اتعرف علي ولد نهاي😔 ولا بدي فرصه انو احتاج ولد ادخل حياتي لانو انا واعيه مامن النوع ده من الناس بحبو امشو مع اولاد او اتكلمو معاهم🙊 اول لي يوم في الجامعه اتعرفت علي اول صديقه لي اسمها حوريه😉 تقريبا ده كان احلي يوم الاول لي في الجامعه ☺️قعدنا انا صديقتي حوريه قريبين لي بعض في محاضره بي كده بقينا أقرب اكثر بعد خلصتا المحاضره طلعنا سوي من الجامعه فرصه سعيده كانت حوريه صديقتي ساكنه في الخرطوم بس بعيده شويه بي كده انتهي اليوم الأول بسلام 😭مهم اتلاقينا انا صديقتي بكره في الجامعه☺️ في الفطور اتعرفنا علي الشله حقتنا في الجامعه😚 ديل بقو كلهم صديقاتي هم وعد دي طبعا من بحري بنات امدرمان سماح زهره اماني💋 يلا دي شله حقتي بقينا أصدقاء طبعا بنمشي نفطر في الكافتيريا كلنا سوي نشرب قهوة ☕ مشت الايام انا الشله مبسوطين جدا مرتاحين لي الجو حقنا بنعيشو برنامجنا مليان بنحب بعض كثير شديد بتفقد بعض لو اي واحده اتاخرت من مواعيد الجامعه بنضرب ليها نطمن عليها نشوف الحاصل عليها لو ماوصلنا ليها بنمشي ليها كل الشله بعد الجامعه في البيت مهم ربنا علي حسب النيه حقتي 😍لقيت شله ماشاء الله بنات مافي منهم 2 أفخر بيهم قدام اي زول شله مازي اي شله بقولو عليهم اي زول في الجامعه بتمني ابقي زينا بضربو بينا المثل لي الناس الحمدلله دي الحياه في الجامعه 😎بتمناها لقيتا مامحتاجه حاجه تاني بس كده كفايه الشكر ليك يارب بوصيكم ياحبيباتي ☺️مافي احلي من النيه الصادقه البيضه تصلي فرضك❤️ تكون علي قدر الظن الحسن فيك بالجد اي بنت في الشله بتحب صفاء شديد لانو عرفت تختار صديقات جد مازي اي بنت هي بتحب اي واحده فيهم اكثر من نفسها مابتقصر نهاي في حق صديقه منهم لأنها زول ماشي في شارع ربنا صاح ماليها في كلام الناس ولا مكالمات ولا وتساب ولا سهر زوله علي نفسها بس ماليها بالناس نهاي ولا بيهتم بي كلام ناس تسمعو او تعمل بيهو شله بنحبك ياصفاء شديد😘

بقلم القايمه السوداء😎
روايه بنت ولايات❤️
الحلقه الثانيه 2

بعد مرور شهر انا في الجامعه زي مانحنا مبسوطين ظهرت ظواهر انا حقيقه مابحبها قالو اعملو تعارف مع اولاد دفعه عشان نعرف بعض اعملو قروب عشان نتواصل مع بعض نحنا دفعه في نهايه مهم لمن قالو لي طوالي موافقته قالت ليهم معليش انا اعفوني من كلام ده ماعندي وقت لي بعدين تلفوني برامج دي ماقاعد اشتغل بيها اصلا انا لو قروب كلو بنات موافقه غير كده معاكم سلامه لانو انا حريصه علي نفسي ماعايزه امشي خطوه زي دي اندم عليها علي طول عمري اضيع مجهود ابوي تعب فيني😎 علي تربيه قروش صرفها عليا مستحيل انا صفاء اعمل كده مهما كان امي بتعاين لي برضو منتظره يوم اتخرج ارجع ليها بي شهاده اقولها ياأمي 😍دي انا صفاء بنتك❤️نجحتها خلاص بقيت دكتوره كبيره شكرا ليك من جوه قلبي ❤️دعواتك ليها فضل تربيه تعلميك لي انا حافظني ياأمي اخوي جاب لي تلفون بشكرك من جوه قلبي ربنا احفظك اخليك لي عايز افرح كل باقي الاهل بدون فرز انا صفاء بنتكم كلكم خلاص انا رجعت البلد مهم في النهايه عملت في راسي مقتنعه بيهو انو صاح عملته قروب حقي انا بس لي دفعه بنات بس امكن في قال متعقده او متخلفه من الأولاد لكن مابرد لي نوع ده اصلا لانو عارفه صاح شنو هو بعملو في النهايه ياتو يوم الناس سكتت دي طبعا من عبارتي المفضله لمن ماارد لي زول بالجد في ناس ماتستاهل ارد عليها يلا ياهو كده انا صفاء ياريت ناس تكون عرفتني 😭في حاجه كده دايما الزول بحس بيها زي تكون مامرتاح فجأه في حاجه ماطبيعيه كده كلكم الاحساس ده عندكم صاح يلا ماعلينا دي انا صفو لمن اكون مامرتاحه بحس كده كفايه كلام عن نفسي نمشي جامعه 😍نشوف الحاصل شنو تاني طبعا زي ماكلمتكم شله حقتي بتعرفوها كلكم هنا حصلت مفاجأه غير متوقعه جاء الدكتور قبل المحاضره بنادي لي ياصفاء 🧜‍♀️ طبعا اتفاجته زيكم كده شديد لابعرفو ولا بعرف اسمو حاجه واحده بعرفا انو دكتور بس في الجامعه طبعا جيت مع صاحبتي حوريه قولت ليها ورح يابنت نشوف ده مالو كمان 🎻 لمن اتخلع لمن جيت لي مع صاحبتي قولت اها خير 🙊 عاين لي كده وسكت مسافه 😳قولت لي معليش يعني خلص كلامك عشان ماشي انا حوريه دي ممكن تقول واحد🧜‍♀️ طبعا دي اكثر صديقه شديد مقربه لي شديد من صديقاتي 🔥قال لي ماعارف اقول ليك شنو لكن من كلام الناس من شايفو بي نفسي انت جد انسانه روعه مهذبه ❤️ياريت كل بنت في الجامعه تكون زيك بس يلا خلاص كلامي انتهي🙈عاينته لي صاحبتي حوريه كده لمن ضحكت 😂 قولت لي صفاء 🧘‍♀️ الكلام انتهي بس يابنت الحلال 😂مهم حسيت كده بدون مااشعر قولت ليها الله اخليك لي ياأمي 😍

بقلم القايمه السوداء😎
روايه بنت ولايات❤️
الحلقه 3

زي ماعارفين رغم الحاجات صعبه مرت دي ماقدرت تغير جواي حاجه هدفي كلو عايزاها بي اصرار عزيمه لازم اواصل مااستسلم مهما كان 🥅 مهم انا صديقاتي عملنا في راسنا هو قروب حق الدفعه بنات فقط 😎بقينا بنهظرنضحك في القروب 😍حياه ماشي حلوه جدا في كل شي ☺️حاجات حلوه بتسعدنا هي سر كل شي دايما لو وفقت صاح بي دراستك جامعتك كل شي في وقتو بكون افضل زي مابقول كدا دايما لي صديقاتي مهم مشي زمن سريع كده ماشين علي الاجازه نحنا كل مره بنكون أصدقاء اكثر ضحكتنا سر سعادتنا🔥بالجد مرات كثير بقول لي نفسي في ناس بدخلو حياتنا بخلوها احلي شديد الي مكانه ماعاديه لمن تحس انك اتولدته من جديد ماشايل هم ااي شي في الحياه😶يلا اقول ليكم في حاجات كثير لفتت نظري انا بعاين للناس في الجامعه من لبس لي كلام 🗨انا عن نفسي مابتاثر لانو من النوع البنسحب طوالي بدون تفكير عميق في حاجه تغير كل مسار 🛤 حياتي دي طبعا بتكون لي مشكله شوك في طريقي مابتخليني أحقق هدفي لانو النجاح ده مابجي بالساهل ولا من فراغ عشان كده مستعده ليهو من جيت الجامعه طبعا انا زوله بحب الاجتهاد🥅عارفه بحب اتكلم عن نفسي كثير🙊 لكن بحبها لاني انسانه روعه مش يابنات 🤟 طبعا قعدته تضحك حوريه 🧜‍♀️ قالت لي ياصفو غياظه لكن ماعندي حل غير احبك ياوتيني 😍عاينته فيها عملت كده ليها بي حواجبي 😂اماني قعدته تضحك بي استغراب طبعا😳ياصفو ده شنو قولت ليها من حقي اشاغل صاحبتي مش ياصديقتي😭حوريه طبعا مجنونه قالت لي شاغلي ياحيوانتي البريده ولايهمك انا بشيل عنك♣️غايتو بتحبيني شديد بنت دي🙋‍♀ لكن بالجد صديقه بي ميه مافي منها دي تتوزع هوووي 😂في آخر أياما الحلوه من الجامعه تقفل اجازه صغيره 😭الايام حلوه بتسعدنا انا الشله حقتنا 🔥جات الاجازه ودعنا بعض يلا حبيباتي خلو بالكم من نفسكم كثير 😍بينا الشبكه ان شاء الله مااخر وداع 👋 ربنا احفظكم لي كلكم يااحلى بنوتات في الدنيا😭مشينا انا حوريه 🧜‍♀️ طبعا ساكنه الاماب 🏠قالت لي الا امشي البيت معاك اوصلك انا برجع برااي🏖 انتي ماعارفاني شديده يابنت ميكي 🙈قولت لي غايتو اجازي محنك انتي ياشقيه 😌خلي لي جمبه انوم عليها عملت ليك شنو انا هسي ماتلعبي معاي كده😱قالت دي ريده حيوانه ولا يهمها غايتو بنت دي صعبه لكن زولتي ورقه قلم😌مهم مشينا البيت قولت ليها اقعدي مشيت المطبخ قولت ليها لحظه😍عملت عصير منقه سريع كده جبتو ليها 🙊قولت ليها يلا اشربي عزي نفسك راجيك مشوار حبيبتي انا😘انا حدي معاك بعد تركبي المواصلات برجع منك 💦قالت لي يازوله كلامك حلو زي العسل 😎طلعت معاها ودعتها رجعت البيت❤️

🛑القسمه النصيب ❌
القسمه بتلعب ليها أدوار كثيره قي الحياة في نهايه هي مكتوبه مقدره لينا دايما بتجمعنا بي ناس من جميع انواع البشر تاني ببقي تعامل تفاهم هو بخلينا نستمر معاهم نحنا بنختار التواصل بي طريقه تعاملنا معاهم كل شي قسمه نصيب مقدر مكتوب صاح لكن تعامل الاختيار مع الناس نحنا بنحددو بنفهم بي طبيعتنا بالاسلوب بتماشي مع حوالينا وبس في نهايه بنقول رضي بالمقسوم عباده فضل خير شكر

🚨السعاده🚗

ابسط حاجه تكون سعيد او مبسوط ساهل جدا بس نحنا بنعقد الأمور بتطوير المواضيع بنخرب مزاجنا لمن ندي اي مشكله او حاجه بسيط اكثر من حقها سر السعاده حقيقي عدم التركيز التدقيق في ااي موضوع اوكلام نكون متعلمين اساليب كثيره منوعه في رد كلام تستخدم اسلوب حسب فهم شخص بتحدث معاك تكون مرن جمال سعاده بسيط بتجمل في اهم شي تكون حقيقي مامصتنع ساهي سعاده حق أي شخص اكون سعيد من حقو بس اجتهد ليها اتعلم من مدرسه الحياة مايدخل في اي شي مابخصو مايشيل هم حاجه اعرف قصد ااي زول بدون تفسر بي نفسك ده من أهم حاجات ممكن تعدل مزاجك كونو سعيدين دايما ابقو عافيه🏍

⛱اخوي الصغير ⛱

مااجمل يكون عندك اخو في الله بتحبو تخاف عليهو تحترمو تقدرو تبقي ليهو سند 🎻 كل ماتحتاج لي 🌹بكون جمبك دايما معاك مابنساك🎉بفضلك علي الكل دايما🔥بتكون الاول ليهو في كل شي🎭خوه صادقه من غير مصالح 🏆عطاء بدون مقابل 🎊بدون خصام زعل تعيش اللحظه دايما أيامكم حلوه🎖بي تفاهم تنسيق برامج بكل احترافيه🎫واضعين بصمه للمجتمع بي ارقي الاساليب🏍مساعده القريب البعيد اي حد احتاج مساعده🚗حياة فرص فيها محدود جدا🐆لكن اخوك دي حاجه مختلفه واقع جميل جدا📚اخو يكون اختارك انت اخترتو بدون قيود اومقابل ولا مصالح 🎾ياخ احساس جميل جدا لمن اخوك احكي ليك تقيف معاهو تحل لي مشاكل 🌌هو لمن اشوفك مضايق أسألك اعرف حاصل عليك🥰بكون مع انو صغير لكن كلام كثير لمن مانكتمو بنحكي اكيد بريحك جدا😎ياخ اي زول عندو اخو صغير ولا كبير احافظ عليهو مهما كان 🥺خلو علاقات تكون ليها ساس قويه جدا🥶ماتتاثر نهاي بي كلام ناس مهما قالو خليكم لي بعض بس🫡

😭الخسارة 👌

الكلمه دي حاجه مابسيطه في حد زاتا بس ممكن ماتخليها تحصل بينك بين الشخص عامل معاهو علاقه اي كانت شغل حب او اهل او اي صله بتجمعك خساره مرات بتكون عشان سبب تافه ساهي او بي سبب كلمه عابره او سوي تفاهم او كلام منقول بدمر بينك بين شخص بكون عندو معاك علاقه ااي كانت عشان كده حقو نبقي فاهمين مانتسرع في حكم علي حاجه سريع كلمه لمن تطلع صعبه ترجع علاقه لمن تنتهي خلاص انتهت حتي لورجعت مرات دايما مابتكون زي الاول لانو مبنيه علي ثقه تفاهم حق حقوق احترام تقدير حقو عشان بينا يكون افضل مهما كان مانخلي شيطان او حد قريب اخش اخرب بينا خسارة 😅يعني حاجه مولمه متعبه صعبه جدا 🫢عشان كده نعد نفسنا بالطريقه الصحيحه حاجه دي نعمل ليها الف حساب مانركز في كل شي مانتكلم في كل شي ندقق نخلي مساحات 🥺نتعود علي الصبر مفتاح النجاح🔑اهم شي ركوب الراس ماينفع 🥶لانو مرات بنكون علي خطاء مابنجيب خبر لي نفسنا🎭بنكون بدل نعتذر اونراجع نفسنا 📚بنتمادى في غلط كثير بي سببو نخسر بعض 🚗بعد فتره نحس بي ندم نلقي الفات خلاص فات 🚨