Тропарь Преподобному Илие Муромцу , глас 3:
Ликовствует днесь земля Русская, воина и чудотворца своего Илию Муромца прославляюще, яко той в Церкви торжествующей пребывая, соратует сродницем своим и Церкве воинствующей, на враги видимыя и невидимыя Руси Святой испрошая у Господа вспоможение, да невозбранно славят и чтут людие русские Христа Бога.

#церковный_календарь

Тропарь Святому Праведному Иоанну Крондштатскому, глас 1
Правосла́вныя ве́ры побо́рниче,/ земли́ Росси́йския печа́льниче,/ па́стырем пра́вило и о́бразе ве́рным,/ покая́ния и жи́зни во Христе́ пропове́дниче,/ Боже́ственных Та́ин благогове́йный служи́телю/ и дерзнове́нный о лю́дех моли́твенниче,/ о́тче пра́ведный Иоа́нне,/ цели́телю и преди́вный чудотво́рче,/ гра́ду Кроншта́дту похвало́/ и Це́ркви на́шея украше́ние,/ моли́ всеблага́го Бо́га// умири́ти мир и спасти́ ду́ши на́ша.

#церковный_календарь

Тропарь Святителю Петру, всея Руси Чудотворцу, глас 4
Я́же пре́жде безпло́дная земле́,/ ны́не весели́ся:/ се бо Христо́с свети́льника в тебе́ показа́,/ я́ве сия́юща в ми́ре,/ и исцелева́юща неду́ги и боле́зни на́ша./ Сего́ ра́ди лику́й и весели́ся со дерзнове́нием:// святи́тель бо есть Вы́шняго сия́ соде́ловаяй.

#церковный_календарь

Протоиерей Димитрий Киранов родился в 1879 году в Таврической губернии в семье священника. К тому времени род болгарских священников Кирановых насчитывал уже более 300 лет. После русско-турецкой войны отец будущего священномученика священник Михаил Стефанович Киранов организовал переселение восьмисот семей в Южную Россию. 167 семей переселились в Бессарабию, где основали село Главан в Аккерманском уезде. У о. Димитрия было два брата, Виктор и Владимир. Виктор был протоиереем, в дальнейшем был прославлен в лике святых; а Владимир врачом, уехавшим в Болгарию. Была также сестра Олимпиада.

Дмитрий окончил Таврическую Духовную Семинарию, после обучения 4 года прослужил псаломщиком, и в 1904 году был рукоположен во иерея. Служить он стал в селе Ивановка Мелитопольского уезда Таврической губернии в Иоанно-Богословской церкви. Затем был переведен в другой храм, Вознесенский, а с 1913 года служил в Иоанно-Златоустовском соборе города Ялты. Везде отец Димитрий совмещал священническое служение с преподаванием в церковно-приходских школах. Он был не только очень активным пастырем, но и одаренным проповедником, на его проповеди в храм всегда собиралось множество людей.

В Ялте отец Димитрий встретил революционные события. В 1923 году в сопровождении агента ГПУ в город прибыли обновленцы: протоиерей Сергий Баженов и обновленческий «архиепископ» Александр Введенский. ......
ЧИТАТЬ ЖИТИЕ ПОЛНОСТЬЮ❗️

#церковный_календарь

Тропарь Святителю Феоктисту, архиепископу Новгородскому, глас 3:
Бо́жия Сло́ва Прему́дрости изря́дный служи́тель,/ А́нгельскаго жи́тельства и́стинный подража́тель,/ Боже́ственныя чистоты́ рачи́тель,/ архиере́ом сопресто́льниче, преподо́бным сожи́тельниче,/ па́стырская красота́,/ Вели́кому Но́вугра́ду похвала́,/ святи́телю пречестны́й Феокти́сте, о́тче наш,/ Ему́же, Сло́ву Бо́жию, в житии́ сем послужи́л еси́,// моли́ спасти́ся душа́м на́шим.

#церковный_календарь

Тропарь Священномученику Тихону Никанорову, архиепископу Воронежскому, глас 3:
Це́ркве Ру́сския сто́лпе непоколеби́мый, благоче́стия пра́вило, жития́ ева́нгельскаго о́бразе, священному́чениче Ти́хоне, Христа́ ра́ди пострада́вый да́же до кро́ве, Его́же моли́ усе́рдно, я́ко Нача́льника и Соверши́теля спасе́ния, Русь Святу́ю утверди́ти в Правосла́вии до сконча́ния ве́ка.

#церковный_календарь

Тропарь Священномученику Никодиму Кононову, Белгородскому епископу, глас 4:
Правосла́вия и благоче́стия ревни́телю,/ священному́чениче Никоди́ме,/ святи́теля Иоаса́фа велегла́сный просла́вителю,/ ду́шу свою́ за о́вцы ста́да Христо́ва положи́вый,/ моли́ о на́с всеми́лостиваго Бо́га,/ да ве́рою, наде́ждою и любо́вию утверди́т оте́чество на́ше в Правосла́вии/ и душа́м на́шим да́рует ве́лию ми́лость.

#церковный_календарь

Тропарь Святителю Макарию, митрополиту Московскому, глас 4:
Я́ко вели́ким па́стырем единонра́вна/ и учи́телем вселе́нныя единомы́сленна,/ Бо́жия Прему́дрости служи́теля изря́дна,/ и́же блаже́нству тезоимени́ту,/ днесь, ве́рнии, вси воспои́м:/ Христа́ Бо́га моли́, святи́телю Мака́рие,// умири́ти мир и спасти́ ду́ши на́ша.

#церковный_календарь

Тропарь Преподобному Паисию Святогорцу, глас 5:

Боже́ственныя любве́ о́гнь прие́мый, / превосходя́щим по́двигом вда́лся еси́ весь Бо́гови, / и утеше́ние мно́гим лю́дем был еси́, / словесы́ боже́ственными наказу́яй, / моли́твами чудотворя́й, / Паи́сие Богоно́се, / и ны́не мо́лишися непреста́нно // о всем ми́ре, преподо́бне.

#церковный_календарь

Тропарь Святителю Василию Великому, глас 1
Во всю зе́млю изы́де веща́ние твое́,/ я́ко прие́мшую сло́во твое́,/ и́мже боголе́пно научи́л еси́,/ естество́ су́щих уясни́л еси́,/ челове́ческия обы́чаи украси́л еси́,/ ца́рское свяще́ние, о́тче преподо́бне,/ моли́ Христа́ Бо́га// спасти́ся душа́м на́шим.

#церковный_календарь

Тропарь Преподобному Серафиму, глас 4:
От ю́ности Христа́ возлюби́л еси́, блаже́нне,/ и Тому́ Еди́ному рабо́тати пла́менне вожделе́в,/ непреста́нною моли́твою и трудо́м в пусты́ни подвиза́лся еси́,/ умиле́нным же се́рдцем любо́вь Христо́ву стяжа́в,/ избра́нник возлю́блен Бо́жия Ма́тере яви́лся еси́./ Сего́ ра́ди вопие́м ти:// спаса́й нас моли́твами твои́ми, Серафи́ме, преподо́бне о́тче наш.

#церковный_календарь

Тропарь Священномученику Василию Холмогорову, глас 3:
Це́ркве Ру́сския сто́лпе непоколеби́мый,/ благоче́стия пра́вило,/ жития́ ева́нгельскаго о́бразе,/ священному́чениче Васи́лие,/ Христа́ ра́ди пострада́вый да́же до кро́ве,/ Его́же моли́ усе́рдно,/ я́ко Нача́льника и Соверши́теля спасе́ния,/ Русь Святу́ю утверди́ти в Правосла́вии// до сконча́ния ве́ка.

#церковный_календарь

Кондак Собору 70 Апостолов, глас 2:
Христо́вых ученико́в лик се́дмьдесят/ Боже́ственно, ве́рнии, в пе́снех восхва́лим,/ те́ми бо вси навыко́хом Тро́ицу почита́ти Неразде́льную,// и пребыва́ют свети́льницы Боже́ственныя ве́ры.

#церковный_календарь