Танцавалі кадрылю на Мастоўшчыне
💥У Вялікіх Азёрках прайшло свята фальклора "Па сцежках спадчыны". КУЛЬТУРНЫ брэнд Мастоўскага раёна — котчынская кадрыля.
💥Гэты дынамічны і жартаўлівы танец выконваецца на Мастоўшчыне не адно дзесяцігоддзе. Спакон веку бытаваў танец у Котчыне. З цягам часу вёска састарэла, моладзь з’ехала, клуб закрылі… Можа, і зніклі б скокі з адметным мясцовым каларытам, калі б не перавандравала традыцыя ў суседнія Вялікія Азёркі. Вяскоўцы перанялі котчынскую кадрылю і цяпер даюць з ёй жару на розных вясковых святах.
🎶На свяце прайшлі майстар-класы па вывучэнню кадрылі не толькі Котчынскай, а таксама Дэмбраўскай, Грабаўскай, Тудараўскай, Лядкаўскай і Загорскай. А напрыканцы ўсе станцавалі кадрылю сяброўства “Танцуюць усе!”
💥У гэты раз выступленне кожнага калектыву паказала высокі прафесійны выканаўчы ўзровень. Гэта цудоўна, што наш імклівы час не загасіў у людзей іскрынку светлай любові да песні, адраджаць свой каштоўны нацыянальны скарб.
#культураМастоўшчыны
#брэндыМастоўшчыны

✅Упершыню ў Гудзевічах прайшоў Гудзевіцкі тэкстыльны фэст.
✅Прысутныя на свяце змаглі палюбавацца дыванамі і дарожкамі, вытканымі ў тэхніцы падвойнага ткацтва, а таксама атрымалі майстар-клас «з рук у рукі» ад майстра Белакоз Веры Ігнацьеўны.
✅На выставе народных промыслаў і рамёстваў «Прыгажосць тканая і вышываная» усе любаваліся традыцыйнымі вырабамі ткацтва майстроў Мастоўскага раёна і палатном «Квецень Панямоння». Яно выканана з 17 міні-габеленаў, па колькасці раёнаў нашай вобласці.
✅У рамках свята працавала традыцыйная летняя школа па ткацтве “Майстэрня падвойнага ткацтва".
✅Яркім момантам фестывалю стала дэфіле-дэманстрацыя мужчынскага і жаночага традыцыйнага касцюма Гродзеншчыны, а таксама выступленні фальклорных калектываў Гродзеншчыны.
✅Свята ткацтва – гэта дэманстрацыя і папулярызацыя рэдкага ўнікальнага рамяства!
#культураМастоўшчыны
#брэндыМастоўшчыны
#Гудзевіцкіфэст
#яднаемсярамёствамі
#КрыніцаНароднайТворчасці

💥У аграгарадку Глядавічы адбылося народнае гулянне "Глядавіцкія цуды”.
💥Для жыхароў аграгарадка і гасцей свята была падрыхтавана цікавая праграма са сваімі адметнасцямі – так званымі «глядавіцкімі цудамi".
💥 Маладыя юнак i дзяўчына ў вобразах Яна i Цэцылii рассказалi легенду пра ўзнiкненне вёскi Глядавiчы.
💥На свяце прайшла вельмi захапляльная танцавальная праграма «Скарбонка танцаў і забаў», у якой моладзь вучылі танцаваць старадаўнія танцы. I гэта ўдалося на славу!
💥У тэатральна-гульнёвай праграме турыстычнага маршруту «Па сямі цудоўных мясцінах» юнакі і дзяўчаты шукалі сапраўдныя глядавіцкія цуды!
💥А творчыя выступленні артыстаў прыемна парадавалі мясцовых жыхароў і гасцей свята, якое прайшло ў цудоўнай атмасферы!🔥
#культурамастоўшчыны
#брэндымастоўшчыны

✅У Пацавічах прайшло брэндавае мерапрыемства “Святая Ганна – дабрабыт у хату”.
✅У Мастоўскім раёне вядома легенда, якая паклала пачатак святу «Святая Ганна – дабрабыт у хату» у аграгарадку Пацавічы: на камені каля вёскі стаў з’яўляцца воблік жанчыны. Камень заклалі ў падмурак царквы Раства Прасвятой Багародзіцы, і з тых часоў ушаноўваюць маці Прасвятой Багародзіцы Ганну як захавальніцу сямейнага ачага, якой моляцца аб міры і дастатку.
✅Святочныя мерапрыемствы пачаліся з набажэнства і хрэснага ходу вернікаў.
✅ Яркім момантам фестывалю стала тэатральная пастаноўка «Легенда аб святой Ганне», а таксама выступленні аматарскіх калектываў.
✅Падчас свята працавалі атракцыёны і гандлёвыя рады.
✅А завяршылася мерапрыемства святочнай вячэрняй праграмай!
#культураМастоўшчыны
#брэндыМастоўшчыны