#ХУШХАБАР: 🕋 ҲАЖ САФАРИ БОШЛАНДИ! (ВИДЕОЛАВҲАЛАР)

📸➡️ фотолавҳалар

Ўзбекистон мусулмонлари идораси Матбуот хизмати

#hajning_mukofoti_jannat
#haj2024

MUSLIM.UZ GA 😎 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

🌙 Ўзбекистон зиёратчилари Мадина шаҳрида иззат-икром ила кутиб олинди

Бугун, 23 май куни эрта тонгда Тошкент халқаро аэропортидан Мадина шаҳрига эсон-омон етиб келган зиёратчиларимизни “Ҳаж – 2024” ишчи гуруҳи раҳбарлари Содиқжон Тошбоев, Муфтий Шайх Нуриддин Холиқназар ҳазратлари, ҳамкор ширкат масъул вакиллари ва бошқа мутасаддилар томонидан тантанали равишда катта эҳтиром билан кутиб олинди.

✅Ҳамюртларимиз муҳташам 5 юлдузли “Зам-зам Пуллман” меҳмонхонасига киришлари биланоқ илиқ қарши олиниб, зам-зам сувлари, хурмо, ширинликлар ва ҳадялар улашилиб икром қилинди.

🕌 Айни дамда зиёратчиларимиз меҳмонхоналарга жойлашиб бўлганидан сўнг ихлосу имон билан ибодатларни адо этишга киришмоқда. Хусусан, Масжиду Набавий ва Равзаи муборакни зиёрат қилишга, яқинлари томонидан илтимос қилинган саломларни Расулуллоҳ соллаллоҳу алайҳи васалламга етказишга ошиқмоқдалар.

🤲 Аллоҳ таоло юртдошларимизнинг сафарларини муборак қилиб, ибодату дуоларини ижобат айлаб, Байтуллоҳ ёнида дуо қилишни барчамизга насиб этсин!

Ўзбекистон мусулмонлари идораси Матбуот хизмати

#hajning_mukofoti_jannat
#haj2024

MUSLIM.UZ GA 😎 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

☪️ ЗИЁРАТ ДАВОМИДА БЎЛҒУСИ ҲОЖИЛАРИМИЗНИНГ РУҲИЙ-МАЪНАВИЙ ОЛАМИ БОЙИДИ

🟢Аввал хабар берганимиздек, айни кунларда “Ҳаж – 2024” мавсумининг илк гуруҳлари Расул алайҳиссалом шаҳри – Мадинаи мунавварада тоат-ибодат ва муборак зиёратлар билан машғул бўлиб турибди.

🌙 Зиёратчиларимиз дастлаб Масжидул Набавийдаги Равзаи шарифда Пайғамбаримиз алайҳиссаломга ўзи ва яқинларининг салом ва дил сўзларини етказишди.

🗣 Бугун, 25 май куни эрта тонгдан эса Ўзбекистон мусулмонлари идораси раиси, муфтий Шайх Нуриддин Холиқназар ҳазратлари бошчилигида бўлғуси ҳожиларимизнинг илк гуруҳлари муборак шаҳарда мўътабар жойларни зиёрат қилдилар. Аввал Ислом тарихида машҳур Уҳуд тоғида бўлишди. Кейин эса Қуръони каримда тақво асосига қурилган дея таъриф этилган “Қубо” масжидида зиёратларини давом эттирдилар. Сўнг икки қиблали масжид – “Масжидул қиблатайн”ни кўриб танишдилар.

🤲 Муфтий ҳазратлари мазкур зиёрат чоғида зиёратчиларимизга табаррук жойлар фазилати, бу маконларнинг Ислом тарихида тутган ўрни ва инсонлар иймону ихлосини янада зиёда қилиши ва ушбу сафардан ҳар ким ибрат олиб тақвоси зиёда бўлиши лозимлигини батафсил тушунтириш баробарида чин ихлос билан қилинган тилаклар қабул бўлишини таъкидлаб, эл-юртимиз фаровонлигини сўраб хайрли дуолар қилдилар.

Ўзбекистон мусулмонлари идораси Матбуот хизмати

#hajning_mukofoti_jannat
#haj2024

MUSLIM.UZ GA 😎 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

☪️МАККА ШАҲРИДА ҲОЖИЛАР БИЛАН СУҲБАТЛАР БОШЛАНДИ

✅ Шу кунларда Макка шаҳридаги ўзбекистонлик зиёратчилар жойлашган меҳмонхоналарда илмий-маърифий суҳбатлар ўтказилиб, улуғ ибодат аҳкомлари ва ҳожилик одоблари ҳақида мавъизалар қилинмоқда. Учрашувларда Ўзбекистон мусулмонлари идораси раиси ўринбосари Муҳаммадолим домла Муҳаммадсиддиқов, Фатво маркази директори ўринбосари Ғуломжон домла Холбоев, Тошкент шаҳар бош имом-хатиби Абдуқаҳҳор домла Юнусов, Тошкент шаҳридаги “Сирож Солиҳ” масжиди имом-хатиби Ҳасан домла Қодиров ва "Оқ уй" масжиди имом-хатиби Исроилжон домла Исмоилов кабилар иштирок этмоқда.

Мулоқотлар аввалида уламолар Макка ва Мадина шаҳарларини зиёрат қилиш улкан саодат экани, бу улуғ шаҳарларда Расул алайҳиссалом юрганлари, Ислом тарихидаги муҳим воқеалар содир бўлгани, ҳаж улуғ ибодатлиги, бундай шарафга етказаётгани учун Аллоҳ таолога шукрона келтириш, ҳар бир зиёратчи ҳожилик мақомига етишиш йўлида юксак ихлос, гўзал одоб билан ҳаракат қилиши зарурлигини алоҳида қайд этдилар.

Манфаатли суҳбат чoғидa, аввало, ниятни тўғри қилиш, дoимo Аллоҳ таолонинг зикpи билан банд бўлиш, иcтиғфоp, дyoлар ва Қypъoни кapимни тилoвaтини кўпайтириш, тилни бeҳyдa cўзлapдaн тийилиш, қўлидaн кeлгaничa oдaмлapгa яxшилик қилиш, қaлбни мaшғyл қилувчи нарсалардaн xoли бўлиш, ўзини камтар тyтиш, зeбy зийнaтгa эътибop беpмacлик сингари ҳаж одобларига амал қилиш ҳажнинг мабрур бўлишига сабаб бўлиши ҳақида шаръий далил ва ҳаётий мисоллар асосида тушунтириб берилди.

❔Суҳбатлар якунида зиёратчиларнинг ҳаж ибодатига оид саволларига жавоб берилди.

Ўзбекистон мусулмонлари идораси
Матбуот хизмати

#hajning_mukofoti_jannat
#haj2024

MUSLIM.UZ GA 😎 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

#Haj2024
✅ МЕҲМОНХОНАЛАРДАГИ ШАРОИТЛАР ЎРГАНИЛИБ, ЗИЁРАТЧИЛАР БИЛАН СУҲБАТЛАШИЛДИ

🗣 Шу йил 2 июнь куни "Ҳаж – 2024" мавсуми раҳбарлари Ўзбекистон мусулмонлари идораси раиси, муфтий Шайх Нуриддин Холиқназар ҳазратлари ва Дин ишлари бўйича қўмита раиси Содиқжон Тошбоев Макка шаҳрида юртдошларимиз истиқомат қилаётган меҳмонхоналар фаолияти билан яқиндан танишиш баробарида бўлғуси ҳожилар билан дилдан мулоқот қилдилар.

💬 Соҳа раҳбарлари меҳмонхоналардаги хизмат кўрсатиш сифати, ошхона ҳолати, тиббиёт маркази фаолияти, хоналар сиғими ва озодалигини кўздан кечирдилар. Шунингдек, фойелар кенглиги, лифтларнинг ишлаши, хоналарда истиқомат учун ҳозирланган имкониятлар билан яқиндан танишилди. Ишчи гуруҳи ва меҳмонхоналар масъулларига зиёратчиларга муносиб хизмат кўрсатиш, барча эҳтиёжларини таъминлаш бўйича кўрсатмалар берилди.

✍️ Танишиш чоғида мазкур меҳмонхоналарда истиқомат қилаётган зиёратчилар билан самимий мулоқот қилиб, уларнинг ҳаж ибодатига тайёргарликлари, тақдим этилаётган шарт-шароитлар борасидаги фикр-мулоҳазалари тингланди.

🤲 Зиёратчиларимиз берилаётган эътибордан миннатдор эканларини изҳор қилиб, уламоларнинг ҳаж олди илмий-маърифий учрашувлари жуда фойдали бўлаётгани, меҳмонхонадаги шароитлар ва кўрсатилаётган хизматлар юқори даражада эканини билдирдилар. Мана шундай эҳтиром ва ғамхўрлик учун бўлғуси ҳожилар муҳтарам Президентимиз бошчилигидаги барча мутасаддиларга ташаккурлар айтиб, эзгу тилак ва хайрли дуолар қилдилар.

Ўзбекистон мусулмонлари идораси Матбуот хизмати
#hajning_mukofoti_jannat
#haj2024

MUSLIM.UZ GA 😎 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

🗣 ЗИЁРАТЧИЛАР БИЛАН МУЛОҚОТ ҚИЛИНИБ, ШАРОИТЛАР КЎЗДАН КЕЧИРИЛДИ

🇺🇿🇸🇦Саудия Арабистонидаги хизмат сафари чоғида Ўзбекистон Республикаси Президентининг дин ва миллатлараро муносабатлар масалалари бўйича маслаҳатчиси Музаффар Комилов, Муфтий Шайх Нуриддин Холиқназар ҳазратлари, Дин ишлари бўйича қўмита раиси Содиқжон Тошбоев, Саудия Арабистонидаги элчи Нодиржон Турғунов, “Ҳаж” ва “Умра” ишлари бўйича атташе Шуҳрат Амоний каби мутасаддилар томонидан Макка шаҳрида зиёратчилар истиқомат қилаётган “Al-Ayyam Elite”, “Abraj al-Dana”, “Dali Hotel”, “Open Hotel”, “Shueae Hotel”, “Najm Al Saad” ва “Aed Al Saha” меҳмонхоналаридаги шарт-шароитлар батафсил ўрганилди.

✅Танишиш давомида зиёратчиларга кўрсатилаётган хизматлар даражаси, хоналар шинам ва озодалиги, жойлашган ўринлар, ошхоналарнинг сиғими, санитария-гигиена талабларига жавоб бериши, озиқ-овқат маҳсулотларининг сифати, транспорт хизматларининг узлуксизлигига алоҳида эътибор қаратилди.

🟢Соҳа раҳбарлари ҳар бир меҳмонхонада ташкил этилган тиббиёт марказларида бўлиб, зиёратчиларнинг ҳажни адо этишга жисмонан тайёрлик жараёнлари, тиббий кўриклар ва дори-дармонларни кўздан кечириб, уларнинг соғлигига алоҳида эътибор қаратиш бўйича топшириқлар берди.

💬Ўрганишлар чоғида ҳамюртларимиз билан суҳбат қилиб, ибодатларни бекаму кўст адо этишлари учун ҳозирланган қулайликлар борасидаги фикр-мулоҳазаларини тинглади. Мулоқотларда бўлғуси ҳожиларимиз Давлатимиз раҳбарининг шахсан эътиборидан бениҳоя шод эканлари, мавсумга ҳар томонлама пухта тайёргарлик кўрилгани, барча имкониятлар муҳайё қилинганини эътироф этдилар. Юртдошларимиз ҳаж ибодатларини адо этиш чоғида ҳар қадамда ҳукуматимизнинг кўмагини дилдан ҳис этаётганларини изҳор этишди. Айниқса, Юртбошимизнинг телефон орқали ҳожилар ҳолидан хабар олганлари уларни чексиз қувонтирганини таъкидлаш баробарида улар табаррук манзилларда эл-юрт ҳаққига хайрли дуолар қилишларини билдиришди.

✅ Учрашувларда ҳажга оид масалаларда Ўзбекистон мусулмонлари идораси фатвоси ва тавсияларига яқдил амал қилиниши таъкидланди.

📋 Якунда соҳа раҳбарлари томонидан ишчи гуруҳи, элликбошилар ва шифокорлар жамоасига жиддий топшириқ ва муҳим тавсиялар берилди.

Ўзбекистон мусулмонлари идораси"
Матбуот хизмати

#hajning_mukofoti_jannat
#haj2024
MUSLIM.UZ GA 😎 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

#Haj2024
🌙 ОППОҚ ЭҲРОМЛАРДА МИНО ВОДИЙСИГА ЙЎЛ ОЛИНДИ

📢 Бугун, 13 июнь куни Макка шаҳридаги ўзбекистонлик зиёратчилар ўзлари турган меҳмонхоналарда ғусл қилиб, эҳром боғлаб, ҳаж нияти ила имону ихлос билан лаббайкани айтиб Мино водийсига йўл олдилар.

🗣Маълумот учун, зyлҳижжa oйининг caккизинчи кyни (бy кyн биздa "ёлғoн apaфa", apaбчaдa эca "тapвия кyни" дeйилади) Mинoдa ҳожилар тоату ибодатда бўладилар. Минода тарвия кунининг бомдод, пешин, аср, шом, хуфтон намозлари ўқилади. Асосан дуо, ибодат билан машғул бўлинади. Ислом тарихида Пайғамбар алайҳиссалом шундай қилганлар.

Ўзбекистон мусулмонлари идораси
Матбуот хизмати
#hajning_mukofoti_jannat
MUSLIM.UZ GA 😎 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook