#Саловот_фазилати

Истиғфор сўрашдан мутлоқ афзал амал

Аллома Имом Шиҳобиддин Ромлий Шофеъий роҳимаҳуллоҳ шофеъий мазҳабнинг устунлар дан саналадилар. У киши саййидимиз Расулуллоҳ солллаллоҳу алайҳи васалламга саловат айтиш истиғфор сўрашдан мутлоқ афзал, у инсоннинг ғолиб амали маъсият бўлсин ё тоат фарқи йўқ, деб фатво берганлар.
Бунинг сабаблари:
1. Пайғамбаримиз соллаллоҳу алайҳи васалламга айтилган саловатда Имом Шотибий айтганларидек риё бўлмайди ва у қатъий қабул бўлувчи дуодир.
2. Истиғфорда банда ўз нафси учун манфаат истайди, бу ижобат бўлиши ҳам қабул бўлмаслиги ҳам мумкин. Аммо, саловатда банда Расулуллоҳ соллаллоҳу алайҳи васалламнинг шони шарафлари янада олий ва зиёда бўлишини сўрайди. Банда ўзидан Пайғамбаримизни устун, муқаддам қўяркан бу ижобат бўлишига жуда яқин бўлади.
3. Пайғамбаримиз соллаллоҳу алайҳи васаллам Убай ибн Каъб ўз муножатининг барисини саловатдан иборат қилишини айтганида: «Ундай бўлса, ғам андухингга кифоя бўлгай, гуноҳларинг мағфират қилингай», дедилар. Шундан маълум бўладики, гуноҳларни мағфират бўлиши Пайғамбаримиз соллаллоҳу алайҳи васалламга айтилган саловатнинг савоби ичида (зимнида) бўлар экан.

Валлоҳу Аълам.

Абдуллоҳ Охунд тайёрлади

🌐 Rasmiy sahifalarimizni kuzatib boring:
Telegram | Instagram | Facebook | YouTube

#Саловот_айтиш_фазилати

Имом Саховий роҳимаҳуллоҳ ўзларининг «Туҳфатул Латийфа» асарларида ривоят қилиб айтадилар: «Абу Тоҳир Хужандий Ҳанафий Мадинаи Мунавварада истиқомат қилар эдилар. Бир куни бошқа ерга кўчиб ўтишни ният қилган эканлар. Шунда баъзи солиҳ инсонларни тушига Расулуллоҳ соллаллоҳу алайҳи васаллам кириб: «Хужандийга бориб айтгин ҳеч қаерга кўчмасин, чунки у менга гўзал саловат айтади», дептилар.

Фақиҳ Хўжардийнинг саловатлари шундай эди:

«أللهم صل على سيدنا محمد صلاة أنت لها أهل وهو لها أهل»

“Аллоҳим, Саййидимиз Муҳаммадга Ўзинг аҳл бўлган ва у зот унга муносиб бўлган салавотинг бўлсин”.

©Абдуллоҳ Охунд таржимаси

🌐 Rasmiy sahifalarimizni kuzatib boring:
Telegram | Instagram | Facebook | YouTube