#Yangiliklar

✅ “Qur’oni karim va tajvid” o‘quv kursining navbatdagi 58-davra mashg‘ulotlari boshlandi

🔖«Ko‘kaldosh» o‘rta maxsus islom bilim yurtida “Qur’oni karim va tajvid” o‘quv kursi faoliyat yuritib kelmoqda. Hozirgi kungacha davlatimiz bergan bu imkoniyatdan unumli foydalangan holda, bilim yurti rahbariyati va albatta ustozlarining tinimsiz mehnat, hamda sa’y harakatlari bilan bu muassasadan minglab tinglovchilar Alloh taoloning ulug‘ Kalomini mukammal to‘g‘ri o‘qishni o‘rganib chiqdilar.
Ana shunday tinglovchilardan yana bir qanchasi bugun, 7-aprel kunidan «Ko‘kaldosh» o‘rta maxsus islom bilim yurtida «Qur’oni karim va tajvid» o‘quv kursining navbatdagi 58-davra mashg‘ulotlarini boshlashdi.

📱Batafsil ma'lumot uchun: https://kukaldosh.uz/07/04/2025/14827

📝N. SHARIPOV, «Ko‘kaldosh» o‘rta maxsus islom bilim yurti «Qur’on karim va tajvid» o‘quv kursi uslubchisi

@kukaldoshuz – diniy-ma'rifiy kanal!

Kukaldosh.uz | YouTube | Facebook | Instagram | Mundarija | Murojaat

#Yangiliklar
#ilmiy_amaliy_konferensiya

Ko'kaldosh o'rta maxsus islom bilim yurti mudiri Ma’murjon domla Erkayev ilmiy-amaliy konferensiyada ishtirok etdi

Bugun, 16-aprel kuni O‘zbekiston xalqaro islom akademiyasida “Yangi O‘zbekistonda dinshunoslik ta’limi va ilmiy tadqiqotlar” respublika forumi doirasida “Dinshunoslikning dolzarb muammolari” mavzusida an’anaviy respublika ilmiy-amaliy konferensiyasi bo'lib o'tdi.

✔️Anjumanda O‘zbekiston Respublikasi Oliy Majlis Qonunchilik palatasi, O‘zbekiston Respublikasi Oliy ta’lim, fan va innovatsiyalar vazirligi, Din ishlari bo‘yicha qo‘mita, UNESСO ishlari bo‘yicha O‘zbekiston Respublikasi Milliy komissiyasi, O‘zbekiston musulmonlari idorasi, O‘zbekiston Respublikasi Huquqni muhofaza qilish akademiyasi, Toshkent islom instituti, Toshkent pravoslav seminariyasi, respublikamizda faoliyat yuritayotgan oliy ta’lim muassasalari mutaxassislari, professor-o‘qituvchi, doktorant va magistrantlari qatnashyapti.
Mazkur ilmiy-amaliy konferensiyada Ko'kaldosh o'rta maxsus islom bilim yurti mudiri, islomshunoslik fanlari bo‘yicha falsafa doktori, (PhD) Ma’murjon domla Erkayev ishtirok etib, "O'ZBEKISTONDA DAVLAT VA DIN MUNOSABATLARINING HUQUQIY ASOSLARI VA AMALIY JIHATLARI" mavzusida nutq so'zladi.

Ko'kaldosh o'rta maxsus islom bilim yurti matbuot xizmati

@kukaldoshuz – диний-маърифий канал!

Kukaldosh.uz | YouTube | Facebook | Instagram | Mundarija | Murojaat

#yangiliklar
#moturidiy
#intellektual_bellashuv

“Moturidiy ta’limoti bilimdoni” intellektual bellashuvining Respublika bosqichi Buxoroda bo‘lib o‘tdi

▫️ 2025-yil 7-may kuni Buxoro shahridagi Mir Arab oliy madrasasi binosida “Jaholatga qarshi ma’rifat” shiori ostida “Moturidiy ta’limoti bilimdoni” intellektual bellashuvining Respublika bosqichi bo‘lib o‘tdi. Ushbu musobaqaga Mir Arab o‘rta maxsus islom ta’lim muassasasi mezbonlik qildi.
Tadbir O‘zbekiston musulmonlari idorasi tasarrufidagi oliy va o‘rta maxsus islom ta’lim muassasalarining ilg‘or, saralangan talaba-yoshlari ishtirokida o‘tkazildi.
▫️ Musobaqa Qur’oni karim tilovati bilan boshlab berildi. Shundan so‘ng O‘zbekiston musulmonlari idorasi Buxoro viloyati vakili, Mir Arab oliy madrasasi rektori, ustoz Jobir domla Elov kirish so‘zi bilan qatnashchilarga murojaat qildi. Ustoz tanlovning ma’naviy va ilmiy ahamiyatiga to‘xtalib o‘tdi.
▫️ Keyin so‘z O‘zbekiston musulmonlari idorasi raisi o‘rinbosari Muhammadolim domla Muhammadsidiqovga berildi. Muhammadolim domla muftiy hazratning salomlarini yetkazib, bellashuv ishtirokchilariga muvaffaqiyat tiladi.
▫️ Musobaqa to‘rt bosqichda tashkil etildi:
1. Taqdimot sharti
Har bir jamoa Moturidiylik ta’limoti va uning zamonaviy ijtimoiy hayotdagi o‘rni haqida 5 daqiqa davomida taqdimot qildi. Taqdimotlarda ilmiy asos, tarixiy dalillar, Qur’oni karim va Hadisi sharifga tayangan izohlar asosiy mezon sifatida baholandi. Ushbu shart uchun maksimal 10 ball belgilandi.
2. Savol-javob (Moturidiy ta’limoti asosida)
Jamoalarga mavzuga oid ikki tadan savol berildi. Har bir savolga 1 daqiqa ichida javob berish talab qilindi. Jamoa nomidan bir ishtirokchi javob berdi. Bu shart ham 10 ball bilan baholandi.
3. Davlat va din munosabatlari bo‘yicha savol-javob
Jamoalardan har biridan bir ishtirokchi O‘zbekiston Respublikasi Konstitutsiyasi, “Vijdon erkinligi va diniy tashkilotlar to‘g‘risida”gi Qonun, shuningdek, sohadagi davlat siyosati Konsepsiyasi asosida tayyorlangan 5 ta savolga javob berdi. Bu shart ham 10 ballik bahoga ega edi.
4. Ijodiy chiqish
Vatanga muhabbat, milliy qadriyatlarga sodiqlik, zamonaviy tahdidlar — ekstremizm, odam savdosi, terrorizm kabi illatlarga qarshi mafkuraviy immunitet mavzularini yorituvchi ijodiy chiqishlar namoyish etildi. Har bir jamoaga 5–7 daqiqa vaqt ajratildi. Shartning maksimal bahosi – 10 ball.
▫️ Musobaqa yakuniga ko‘ra, quyidagi jamoalar g‘olib deb topildi:
•  1-o‘rin – Mir Arab o‘rta maxsus islom ta’lim muassasasi. Sovrin: 65 dyuymli zamonaviy smart doska.
•  2-o‘rin – Toshkent islom instituti. Sovrin: Muzlatgich.
•  3-o‘rin – Xoja Buxoriy o‘rta maxsus islom ta’lim muassasasi. Sovrin: Kir yuvish mashinasi


Manba: 🖌 Мир Араб олий мадрасаси матбуот хизмати

✅@kukaldoshuz – diniy-ma'rifiy kanal!

Kukaldosh | YouTube | Facebook | Instagram | Mundarija | Murojaat