🌙 ОППОҚ ЭҲРОМЛАРДА МИНО ВОДИЙСИГА ЙЎЛ ОЛИНДИ

🤲 Бугун, 6 июнь куни Макка шаҳридаги ўзбекистонлик зиёратчилар ўзлари турган меҳмонхоналарда ғусл қилиб, эҳром боғлаб, ҳаж нияти ила имону ихлос билан лаббайкани айтиб Мино водийсига йўл олдилар.

🔸Ҳожиларимиз бугун хуфтон намозини ўқигач, гуруҳ раҳбарлари бошчилигида автобуслар билан Мино майдонига бориб, Ўзбекистон ҳожилари учун ажратилган чодирларга ўрнашадилар.

Маълумот учун, зyлҳижжa oйининг caккизинчи кyни (бy кyн биздa "ёлғoн apaфa", apaбчaдa эca "тapвия кyни" дeйилади) Mинoдa ҳожилар тоату ибодатда бўладилар. Минода тарвия кунининг бомдод, пешин, аср, шом, хуфтон намозлари ўқилади. Асосан дуо, ибодат билан машғул бўлинади. Ислом тарихида Пайғамбар алайҳиссалом шундай қилганлар.

Ўзбекистон мусулмонлари идораси Матбуот хизмати

Muslim.uz
#Ҳаж2022
@muslimuzportal | @mp3muslim | @diniysavollar

🤲 ДУОЛАР ШАКСИЗ ҚАБУЛ БЎЛАДИГАН ПАЛЛАЛАР БОШЛАНДИ ИНША АЛЛОҲ

🇺🇿 Юртимиз зиёратчилари арафа куни эрта тонгдан ҳажнинг яна бир фарзини бажариш мақсадида Арофат томон йўл олдилар. Ҳадисларда келтирилишича, Арофат энг улуғ манзиллардан бири бўлиб, бу ерда қилинган дуолар шак-шубҳасиз қабул бўларкан. Буни яхши англаган ҳожилар ҳар дамни ғанимат билиб, ундан оқилона фойдаланиш пайидан бўладилар.

🤲 Ҳожиларимиз Арофотда дуои хайрлар, ибодатлар ила туришиб, Арафа кунининг пешин ва аср намозларини жам қилиб ўқидилар. Дуо ва тавбаларда бардавом бўлдилар. Аллоҳ-таолодан юртимиз тинч, халқимиз турмуши янада фаровон бўлишини, азиз диёримизни ҳамиша Ўз паноҳида асрашини сўраб дуолар қиладилар.
➡️ БАТАФСИЛ

#Арафа #Ҳаж2022

Ўзбекистон мусулмонлари идораси Матбуот хизмати

Muslim.uz
@muslimuzportal | @mp3muslim | @diniysavollar

🌙 МУФТИЙ ҲАЗРАТЛАРИ: АЛЛОҲГА ШУКР, ҲАЖ АМАЛЛАРИ ШАРИАТГА МУВОФИҚ, ГЎЗАЛ АДО ЭТИЛДИ

✅ Бугун, 12 июль куни Макка шаҳрида “Ҳаж – 2022”нинг делегацияси, ишчи гуруҳи, шифокорлар ва ошпазлар жамоалари иштирокида йиғилиш бўлиб ўтди. Унда Ўзбекистон мусулмонлари идораси раиси, муфтий Нуриддин домла ҳазратлари, Дин ишлари бўйича қўмита раиси Содиқжон Тошбоев қатнашдилар.

🌙 Дастлаб Муфтий ҳазратлари ҳаж амаллари шариатга мувофиқ, чиройли адо этилганини билдириб, Мино, Арафот, Муздалифа, Жамаротдаги ибодатлар ва қурбонликлар ўз вақтида бажарилганини алоҳида такидладилар. Бунинг учун тинимсиз меҳнат қилган ишчи гуруҳи, шифокорлар жамоаси ва ошпазларга миннатдорлик изҳор этдилар. Муфтий ҳазратлари ҳожига кўмак берган, оғирини енгил қилган инсон улуғ савобларга ноил бўлишини сўзладилар. Ҳар бир ишчи гуруҳи ва элликбошилар ана шундай улуғ даражаларни мақсад қилиб, Раҳмоннинг меҳмонларига Ўзи рози бўладиган даражада сидқидилдан хизмат қилганларини алоҳида қайд этдилар...
➡️ БАТАФСИЛ

Muslim.uz
#Ҳаж2022
@muslimuzportal

🌙 ОНА-ВАТАНГА ЙЎЛ

🇺🇿 Бугун, 14 июль куни эрта тонгда пойтахтнинг 1, 2, 3, 4-гуруҳлари зиёратчилари Жидда – Тошкент йўналишида она-Ватанга йўл олдилар. Зиёратчилар ҳажнинг барча рукнларини бажариб, амалларнинг энг сўнггиси бўлган видолашув тавофини адо этган ҳолда жорий йилнинг 14 июлидан 4 августига қадар навбатма-навбат юртимизга қайтадилар.

✅ Эндиликда ҳожиларимиз ўзларининг ибратли фазилатлари, жамият ҳаётидаги фаол иштироклари билан ёш авлодимизни эл-юртга садоқатли ва ҳидоят йўлидан борадиган ҳалол-пок инсонлар этиб тарбиялашга муносиб ҳисса қўшадилар.
Бизнинг тилагимиз: Аллоҳ таоло барчанинг ҳажини қабул айласин, уларга онадан янги туғилгандек гуноҳлардан фориғ бўлиб, фарзанду анжумандлар бағрига эсон-омон етиб бориш насиб қилсин.

Ўзбекистон мусулмонлари идораси Матбуот хизмати

Muslim.uz
#Ҳаж2022
@muslimuzportal | @mp3muslim | @diniysavollar