❓Қарақалпақстанлы жасларға быйыл да қосымша квота берилеме?

✅ Жуўап: Аўа, бериледи.

Президент пәрманына көре, Қарақалпақстанда турақлы жасайтуғын ҳәм де улыўма орта, орта арнаўлы ҳәм профессионал тәлим шөлкемлерин тамамлаған 6 мың 500 жасқа ўәлаятлардағы мәмлекетлик ЖООлар ушын қосымша квота ажыратылыўы белгиленген. Бул қосымша квота төлемли контракт тийкарында болады ҳәм студентлерге ажыратылған тәлим кредитлери бойынша процент төлемлери Тәлим кредитин финанслық тәмийнлеў фонды есабынан қаплап бериледи.

Усы квота быйылғы жылда да ажыратылады. Буны Жоқары билимлендириў министирлиги жуўапкерлери де тастыйықлады.

Тек бир затты билиў керек, бул қосымша квота 56,7 балл ҳәм оннан жоқары балл топлаған, бирақ студентликке усыныс етилмеген (оқыўдан жығылған) абитуриентлерге ажыратылады. Сол себепли мандат шыққаннан кейин жәрияланады.

Яғный мандат шығып болғаннан кейин оқыўға кире алмай қалған қарақалпақстанлы абитуриентлердиң ең жоқары балл алған 6,5 мыңына оқыўға кириў мүмкиншилиги жаратылады.

✅ 👉 @KRuzuz — Қарақалпақстандағы ең исенимли хабарлар

Санкт-Петербургта мигрантларға таксистлик қылыў қадаған етиледи

Санкт-Петербург губернаторы Александр Беглов 2025-жыл ақырына шекем патент тийкарында ислеп атырған мигрантларға такси айдаўды қадаған етти.

Бунда жумыс бериўшилерге үш ай ўақыт бериледи. Сол дәўир ишинде олар ҳәзир ислеп атырған мигрант айдаўшылар менен әмелдеги мийнет қатнасларын жуўмақлаўы ҳәм орнына жаңа айдаўшыларды (Россия пуқараларын) жумысқа қабыллаўы мүмкин.

Қарар жәрияланған күннен баслап 10 күн ишинде күшке киреди.

✅ 👉 @KRuzuz — Қарақалпақстандағы ең исенимли хабарлар

Ucell jáne mobil internet tezligi boyınsha jetekshi

Ucell kompaniyası izbe-iz ekinshi jıl Ookla® versiyası boyınsha Ózbekstanda eń operativ mobil internetke iye operator retinde ataldi. Speedtest Intelligence® maǵlıwmatlarına kóre, kompaniya 2024-jıl dawamında hám 2025-jıldıń dáslepki eki shereginde mámlekettegi barlıq operatorlar arasında internet tezligi boyınsha birinshi orındı saqlap kelmekte. Reyting tiykarın Speedtest® qosımshasında paydalanıwshılar arasında ótkerilgen 400 mıńnan aslam test nátiyjeleri quraydı.

Bunday nátiyjege kompaniya tárepinen sońǵı úsh jılda 430 million AQSH dollarınan artıq qarjı kiritiliwi, sanlı xızmetlerdiń jolǵa qoyılıwı, sawda tarmaǵınıń keńeytiriliwi hám 10 million abonent ushın qolay tariflarning engiziliwi sebep boldı. Operatordıń bul jetiskenlikleri telekommunikatsiya salasınıń innovaciyalıq rawajlanıwındaǵı qatań jónelisti sáwlelendiredi. Ucell Ózbekstanda turaqlı sanlı ekonomikanı qáliplestiriwge óz úlesin qosıwdı dawam etpekte.

Reklama

📱«Халық мүрәжаты» платформасы арқалы Жоқарғы Кеңеске мүрәжәт жоллаў мүмкин болады

Платформаның абзаллығы сонда ол, автомат түрде жумыс алып барады ҳәм Сизиң мүрәжатыңыз платформа арқалы тийисли уйымға иркинишсиз жетип барады.

❗️Халық мүрәжаты платформасыңда суд-ҳуқық мәселелери бойынша мүрәжатлар көрип шығылмайды.

Қосымшаны жүклеп алыў
Мобил қосымша (Android)
👉 murajat.uz

Қосымшаны жүклеп алыў
AppStore (Iphone)
👉 murajat.uz/apple

Телеграм бот арқалы мүрәжәт жоллаў
@xaliqmurajati_bot
@xaliqmurajati_bot
@xaliqmurajati_bot

Телеграм канал:  @xaliq_murajati

🔔 Мағлыўматты жақынларыңызға тарқатың.

✅ 👉 @KRuzuz — Қарақалпақстандағы ең исенимли хабарлар

Пахта жетистириў ушын алынған кредитлердиң бир бөлеги субсидия қылынады

Енди пахта шийки затын жетистириў ушын Аўыл хожалығын мәмлекет тәрепинен қоллап-қуўатлаў қорының кредит ресурслары есабынан ажыратылған жеңиллетилген кредитлер бойынша төленген процент төлемлериниң 4% пункти субсидия сыпатында қайтарылады.

Субсидия алыўшы пахта шийки затын жетистириў ушын ажыратылған жеңиллетилген кредитлер ҳәм есапланған процент төлемлерин өним жылының 31-декабрине шекем толық қайтарған болыўы керек.

Арзалар коммерциялық банктиң Бас офиси "Subsidiya.mf.uz" порталы арқалы жибериледи.

Порталда арза қәлиплестирилгеннен соң ажыратылатуғын субсидия муғдары автомат түрде есаплап шығылады.

Субсидия алыўшының салықлар ҳәм мәжбүрий төлемлерден қарыздарлығы болмағанда, субсидия қаржыларынан еркин пайдаланады.

✅ 👉 @KRuzuz — Қарақалпақстандағы ең исенимли хабарлар

Қарақалпақстанға киятырған жолаўшы поезди "KamAZ" бенен соқлығысты

Усы жылдың 30-июль күни шама менен саат 16:09 да Бадай ҳәм Беруний станциялары арасындағы 592-километрдеги темиржол кесиспесинде ЖТҲ жүз берди.

Дәслепки мағлыўматларға көре, “KamAZ” жүк машинасы жол ҳәрекети қағыйдаларына итибар бермей, “Әндижан -Қоңырат” бағдары бойынша ҳәрекетленип баратырған жолаўшы поезди алдынан тезлик пенен кесип өтпекши болған.

Ҳәдийсе ақыбетинде жүк машинасы ҳәм поезд арасында авария жүз берген. Нәтийжеде тепловоз релстен шығып кеткен. Бирақ соқлығысыў ақыбетинде жәбирленгенлер жоқ.

Ўақыя орнына тезлик пенен жетип келген оператив топар сорастырыў жумысларын алып барды.

Темиржолшылар өз ўақытында шара көрип, поездтиң барлық жолаўшылары 6 автобуста Нөкис ҳәм Қоңырат қалаларына жиберилди.

✅ 👉 @KRuzuz — Қарақалпақстандағы ең исенимли хабарлар

🌳 Ертеңнен баслап экологиялық ҳуқықбузарлықлар ушын жәриймалар да көтериледи

Төменде айырым жәриймалардың жаңа муғдарын билип алың:

🔸 пуқаралардың белгиленбеген орынларға шығынды таслаўы – 412 мың сумнан 1 млн 236 мың сумға шекем;

🔸 жапырақ ҳәм шақаларды ямаса өсимликлердиң қалдықларын жағыў – 1 млн 236 мың сумнан 2 млн 60 мың сумға шекем;

🔸 суўларды патаслаў – 1 млн 236 мыңнан 2 млн 60 мың сумға шекем;

🔸 терек, пута ҳәм басқа да өсимликлерди нызамсыз кесиў, зыян жеткериў, жоқ етиў ямаса басқа орынға көшириў – 10 млн 300 мың сумнан нан 20 млн 600 мың сумға шекем;

🔸 қурылыс майданларында атмосфера ҳаўасын қорғаў талапларына әмел етпеў – 4 млн 120 мың сум;

🔸 сақланыўы қадаған етилген жабайы ҳайўанларды сақлаў – 2 млн 60 мың сумнан 4 млн 120 мың сумға шекем;

🔸 экология уйымлары инспекторының нызамлы жумысына тосқынлық етиў, сондай-ақ, оның көрсетпелерин орынламаў – 2 млн 60 мың сумнан 4 млн 120 мың сумға шекем.

✅ 👉 @KRuzuz — Қарақалпақстандағы ең исенимли хабарлар

Қарақалпақстан Республикасы Прокуроры тайынланды

Аминов Шохрух Азаматович Қарақалпақстан Республикасы Прокуроры лаўазымына тайынланды.

✅ 👉 @KRuzuz — Қарақалпақстандағы ең исенимли хабарлар