#Live
🔻 Уй-жой коммунал хизмат кўрсатиш вазири Шерзод Ҳидоятов аҳоли хонадонларига кириб, улардаги иссиқлик тизимининг айни вақтдаги ҳолати билан танишмоқда.

https://t.iss.one/kommunaluzb

#Live
🔻Айни вақтда Уй-жой коммунал хизмат кўрсатиш вазири Янгийўл туманида.
Туманда жами 120 та кўп қаватли уй мавжуд. Вазир шахсан уйларнинг иситилиш ҳолати, аҳоли яшаш шароитлари билан танишмоқда.
Шунингдек, одамларни қийнаб келаётган муаммолари билан қизиқиб, уларни бартараф этиш бўйича тегишли кўрсатмалар бермоқда.

https://t.iss.one/kommunaluzb

#Live
ИССИҚЛИК МЕЪЁРЛАШДИМИ? ВАЗИР ҲОЛАТНИ КЎЗДАН КЕЧИРДИ
Уй-жой коммунал хизмат кўрсатиш вазири пойтахт аҳлини иссиқлик билан таъминловчи объектларда бўлиб, тизим фаолиятини меъёрлаштириш бўйича олиб борилаётган ишларни кўздан кечирди.
Вазир дастлаб Юнусобод, Шайхонтоҳур, Олмазор, Мирзо Улуғбек туманларидаги 1357 та кўп қаватли уйни иссиқлик билан таъминловчи ТЦ-4 қозонхонасида бўлди. Ҳозирда қозонхона фаолияти тўлиқ тикланган.
Чилонзор, Шайхонтоҳур, Учтепа туманларидаги 479 та кўп қаватли уйни иссиқлик билан таъминловчи ТЦ-5 қозонхонасида ҳам иш қизғин. Шерзод Ҳидоятов мана шундай вазиятда жасорат кўрсатган коммунал соҳа вакиллари меҳнатини алоҳида эътироф этди.
Вазир Тошкент шаҳри ва Тошкент вилоятининг Янгийўл туманларида бўлиб, кўп қаватли уйларда яшовчи аҳоли вакиллари билан суҳбатлашди. Хонадонлардаги иссиқлик таъминотини шахсан текширди. Одамларни қийнаб келаётган муаммолар билан қизиқди.
Шунингдек, иссиқлик ҳарорати меъёр даражасидан паст бўлган кунлар учун тўлов ундирилмаслигини ҳам вазир алоҳида таъкидлаб ўтди.

https://t.iss.one/kommunaluzb

#LIVE
Sayyor qabul davom etmoqda

https://t.iss.one/kommunaluzb

#LIVE

Aksariyat muammo va masalalar joyida yechilmoqda

https://t.iss.one/kommunaluzb

#LIVE

Ozoda Joʻrayeva- Uy-joy kommunal xizmat koʻrsatish vaziri oʻrinbosari

Bugungi kunda respublikda mavjud 39 683 ta ko‘p qavatli uyga 593 ta boshqaruv kompaniyasi va 772 ta shirkat xizmat ko‘rsatib kelmoqda.
2017-2021 yillarda 27 792 ta uy ta’mirlangan bo‘lsa, 2022-2025 yillarda 6 085 ta uyni ta’mirlash nazarda tutilmoqda. Keng islohotlar natijasida boshqaruvchi tashkilotlarning kredit qarzdorligi 2 baravarga qisqardi, 500 nafarga yaqin ish o‘rinlari yaratildi, ishchilar ish haqi hamda boshqaruvchi tashkilotlar daromadi 2 baravarga oshdi.
Shu bilan birga, respublikada faoliyat olib borayotgan 772 ta uy-joy mulkdorlari shirkatining 311 tasida muammoli kreditor qarzdorliklari mavjud bo‘lib, 2,5 mingdan ziyod ko‘p kvartirali uylarda istiqomat qiluvchi aholiga tegishli xizmatlar ko‘rsatilmay yoki sifatsiz ko‘rsatib kelinmoqda.
Joriy yilning 4 avgust kuni O‘zbekiston Respublikasi Prezidentning “Ko‘p kvartirali uylarni boshqarish tizimini yanada takomillashtirish va boshqaruvchi tashkilotlarni moliyaviy sog‘lomlashtirish borasidagi qo‘shimcha chora-tadbirlar to‘g‘risida”gi PQ-346 son qarori qabul qilindi.
Qarorga ko‘ra, 2022 yil 1 sentabrga qadar shirkatlar mulkdorlar qarori bilan tugatilgan taqdirda ularning muammoli kreditlari 3 yilga muzlatiladi va tegishli ko‘p kvartirali uylarni boshqarish reytingi yuqori bo‘lgan boshqaruvchi tashkilotga beriladi.
Joriy yilda 2 981 ta shirkatning boshqaruvchi tashkilotlarga o‘tishi yuzasidan umumiy yig‘ilish qarorlari qabul qilindi. Ular tasarrufidagi 17 530 ta ko‘p kvartirali uy boshqaruvchi tashkilotlarga biriktirildi.
2017-2022 yillarda shirkatlar jami 1 887,2 mlrd so‘m kredit olgan bo‘lib, ushbu kreditlarning qoplanmagan qismi 1 156,8 mlrd so‘mni tashkil etmoqda.
Bugungi kunda 1 303 ta tugatilgan shirkatlarning 627 mlrd so‘m kredit mablag‘lari 3 yilga muzlatilgan.
Qolgan respublikadagi 772 ta shirkatdan 311 tasida jami 201 mlrd so‘m miqdoridagi muammoli kreditlar mavjud. Shuningdek, muammoli kreditlari mavjud bo‘lmagan va barqaror ishlayotgan shirkatlar faoliyatiga hech kim aralasha olmaydi. Bugungi kunda kredit olmasdan faoliyat yuritayotgan 167 ta shirkat mavjud va ularning faoliyati aholini qoniqtirib kelmoqda.

https://t.iss.one/kommunaluzb

#LIVE

Ozoda Joʻrayeva- Uy-joy kommunal xizmat koʻrsatish vaziri oʻrinbosari

Ko‘p qavatli uylarni boshqarish sohasida shaffoflikni ta’minlash maqsadida “Mening uyim” billing tizimi ishga tushirilgan bo‘lib, bugungi kunga qadar tizimda jami 1 201 721 ta abonent ma’lumotlari shakllantirildi. Shundan 484 254 tasi Toshkent shahri, qolgan 717 467 tasi esa respublikadagi boshqa hududlar abonentlarini tashkil etadi. Bugungi kunga qadar elektron to‘lov tizimlari va Markaziy bankning “MUNIS” tizimi orqali 148 mlrd so‘m pul mablag‘lari kelib tushgan. Billing tizimi “Elektron hukumat” idoralararo integratsiyalashgan platformasi, ko‘p kvartirali uy-joylarning xonadonlari haqida ma’lumotlar bazasini avtomatik shakllantirish bo‘yicha ko‘chmas mulk obyektlarining kadastr raqamlari, yagona manzillar reyestri, mulkdorlarning qarzdorligini notarial idoralari tomonidan tekshirish uchun Adliya vazirligining ma’lumotlar bazalari hamda Markaziy bankning kliring “MUNIS” tizimiga integratsiya qilingan. Bu fuqarolarning ortiqcha ovoragarchiligini oldini oladi.

https://t.iss.one/kommunaluzb

#LIVE

Ravshan Joʻrayev - Issiqlik ta’minoti tizimini kompleks rivojlantirish va ishlab chiqarish quvvatini kengaytirish boshqarmasi boshlig‘i

Kuz-qish mavsumiga tayyorgarlik ko‘rish bo‘yicha barcha yo‘nalishlarda qator ishlar amalga oshirildi. Xususan:
Issiqlik ta’minoti sohasida qaror parametrlarida 24 ta markaziy va mahalliy qozonxona, 809 ta qozon hamda 737 km uzunlikdagi issiqlik tarmoqlarini mukammal va joriy ta’mirlash ishlari amalga oshirilish belgilangan bo‘lib, bugungi kunda 21 ta qozonxona, 796 ta qozon va 591 km uzunlikdagi issiqlik tarmoqlarida mukammal va joriy ta’mirlash ishlari amalga oshirildi.
Bundan tashqari, issiqlik ta’minoti sohasida Namangan, Samarqand, Jizzax, Qashqadaryo, Andijon, Buxoro va Toshkent viloyatlarida modernizatsiya va rekonstruksiya ishlari amalga oshirilmoqda.
Ushbu loyihalar amalga oshirilishi natijasida 62 361 ta xonadonadan iborat 1 399 ta ko‘p qavatli uylarda istiqomat qiluvchi 310 ming nafardan ortiq aholi hamda 96 ta ijtimoiy soha obyektlariga sifatli va uzluksiz issiqlik energiyasi yetkazib berilishiga erishiladi.

https://t.iss.one/kommunaluzb

#LIVE

Azlar Sodiqov- Vazirlik huzuridagi Uy-joy fondi inspeksiyasi boshligʻi

Inspeksiya tomonidan joriy yilning sentabr oyiga qadar 1000 ga yaqin shirkatlar oʼrganildi, 135 ta shirkatlar tekshirildi.
Tekshirish natijasida 15 mlrd soʼm miqdorida majburiy badal va tijorat banklardan olingan imtiyozli kredit mablagʼlarini maqsadsiz sarflanishi yoki talon-toroj qilganlik holatlari aniqlandi.
Shundan:
- 50 dan ortiq shirkat raislariga jinoiy ish qoʼzgʼatilgan;
- 4 nafariga nisbatan qamoqqa olish choralari qoʼllanilgan;
- 15 ta shirkat tomonidan 309, 6 mln soʼm miqdordagi talon-toroj qilingan majburiy badal mablagʼlari qaytarilgan.
Qolgan holatlar boʼyicha huquqni muhofaza qilish organlari tomonidan tergovga qadar surishtiruv ishlari olib borilmoqda.

https://t.iss.one/kommunaluzb

#LIVE

Ozoda Joʻrayeva- Uy-joy kommunal xizmat koʻrsatish vaziri oʻrinbosari

Sohani raqamlashtirish, kommunal to‘lovlar tizimi shaffofligini ta’minlash maqsadida “Mening uyim” billing tizimi ishga tushirildi. Bu tizim ko‘p kvartirali uylardagi aholining majburiy badallarni elektron shaklda to‘lash va o‘z navbatida yurtdoshlarimiz tomonidan boshqaruvchi tashilotlarning moliyaviy xarajatlarini onlayn kuzatib borish imkonini beradi.
Hozirda “Mening uyim” elektron tizimiga shirkat va boshqaruv tashkilotlari boshqaruvidagi ko‘p kvartirali uylardan 1,2 million xonadon ma’lumotlari kiritilgan bo‘lib, Markaziy bankning kliring “MUNIS” tizimi va elektron tizimlar orqali 173 mlrd so‘m pul mablag‘i kelib tushgan.

https://t.iss.one/kommunaluzb

#LIVE

Faxriddin Yusupov-vazirlikning Axborot kommunikatsiyalari va axborot xavfsiligi boshqarmasi boshligʻi

“Mening uyim” axborot tizimida ko‘p kvartirali uy-joylar xonadonlarining ma’lumotlar bazasini avtomatik shakllantirish maqsadida Ko‘chmas mulk obyektlarining kadastr raqamlariga bog‘langan hamda yagona manzillar reyestri bilan integratsiya qilingan. Shuningdek, uy-joylar mulkdorlarining qarzdorligini notarial idoralar tomonidan tekshirish uchun Adliya vazirligining ma’lumotlar bazalariga integratsiya qilingan.
Hozirda elektron billing tizimini takomillashtirib borish ishlari davom etmoqda. Undagi uy-joylar mulkdorlarining shaxsiy kabineti orqali:
ko‘p xonadonli uylar holati, uy-joy mulkdorlari tomonidan to‘lanadigan mablag‘lar, qarz miqdori, muddatini avtomatik tarzda kuzatib borish;
uy-joy mulkdorlaridan olingan to‘lovlar to‘g‘risidagi barcha ma’lumotlarni yagona ma’lumotlar bazasida saqlash;
tizimdagi uy-joy mulkdorlari o‘rtasida so‘rovlar o‘tkazish orqali boshqaruv tashkiloti faoliyati to‘g‘risida fikr va mulohazalarni olish;
hisobot davrida bajarilgan ishlar to‘g‘risidagi hisobotlarni e’lon qilish;
uy egasining shaxsiy kabinetida yangiliklar, xabarnomalar va xabarlarni nashr etish (1 kv.m uchun narx, to‘lov xabarnomalarini yuklab olish, to‘lovlar tarixi, uy haqida so‘rov natijalari, uy haqida to‘liq ma’lumot, boshqaruvchi tashkilotlarning xizmatlari uchun onlayn to‘lovlarni qabul qilish) imkoniyatlari yaratiladi.

https://t.iss.one/kommunaluzb

#LIVE

Savol: Tizimdagi ma’lumotlar kadastr ma’lumotlari bilan to‘g‘ri kelmayapti. Nima qilish kerak?

“Mening uyim” billing tizimidagi xonadonlar va ularning maydonlari to‘g‘risidagi ma’lumotlar Kadastr agentligining ma’lumotlar bazasidan integratsiya qilingan holda, avtomatik ravishda olinadi.
Tizimdagi xonadonlarning maydonlari to‘g‘risidagi ma’lumotlarni to‘g‘rilash Vazirlar Mahkamasining “Ko‘chmas mulk obyektlariga bo‘lgan huquqlarni davlat ro‘yxatidan o‘tkazish tartibini takomillashtirish chora-tadbirlari to‘g‘risida” 2018 yil 29 dekabrdagi 1060 - son qaroriga asosan, Kadastr agentligi tomonidan amalga oshiriladi. Mazkur holatda, tuman kadastr bo‘limlariga murojaat qilish zarur bo‘ladi.

https://t.iss.one/kommunaluzb

#LIVE

Savol: 1 ta jismoniy shaxsning identifikatsiya raqami, ya’ni Pinflga bir nechta xonadonni qanday ulash mumkin? Agar mulkdor birdan ortiq xonadonga ega bo‘lsa, u bitta pinflga ulanishi mumkinmi?

Ha, ulanish mumkin. Ro‘yxatdan o‘tgan bitta login va parol bilan boshqa xonadonlari bo‘yicha ma’lumotlarni ko‘rish imkoniyati yaratilgan. E’tibor bering, bunda xonadonlar ma’lumotlari alohida-alohida bo‘ladi. Ya’ni egasi bir kishi bo‘lsa ham, ma’lumotlar xonadonlar bo‘yicha alohida-alohida shakllantirilgan.

https://t.iss.one/kommunaluzb