#seminar_trening
#1_kun

KASKAD USULIDA O‘TKAZILADIGAN SEMINAR-TRENINGNING BIRINCHI KUNI BOSHLANDI

✅ Dastlab ushbu seminarning ochilish marosimi bo‘lib o‘tdi.
Tadbirda A.Avloniy nomidagi ilmiy-tadqiqot instituti bo‘lim boshlig‘i O.Qaxarov, Qoraqalpog‘iston Respublikasi Maktabgacha va maktab ta’limi vaziri G.Kojabaeva, vazirning birinchi o‘rinbosari A.Dauletbaev, vazirlik bo‘lim boshlig‘i A.Tlewniyazova, Qoraqalpog‘iston Respublikasi Pedagogik mahorat markazi direktori B.Dilanov, tuman (shahar) maktabgacha va maktab ta’limi bo‘limi boshliqlari. Maktab direktorlari, jami 169 nafar pedagog kadrlar ishtirok etdi.

✅ Avval xabar berganimizdek, O‘zbekiston Respublikasi Maktabgacha va maktab ta’limi vazirligi tomonidan joriy yilning 7 iyun kuni "Marshall Cavendish Education" tashkiloti bilan hamkorlikda "Muvaffaqiyatli islohotlar - yuqori natijalar" mavzusida xalqaro konferensiya tashkil etilgan edi.

✅ Bu boradagi ishlarni yanada jadallashtirish maqsadida Singapurning "Marshal Cavendish Education" tashkiloti bilan O‘zbekiston Respublikasi Maktabgacha va maktab ta’limi vazirligi o‘rtasida shartnoma imzolanib, ushbu shartnomaga muvofiq Singapurdan kelgan mutaxassislar Toshkent shahrida joriy yilning iyun va iyul oylarida Respublika bo‘yicha tajribali direktor va o‘qituvchilarga treninglar o‘tkazdi.
Bunda asosiy maqsad umumiy o‘rta ta’lim maktablarida ta’lim sifatini yangi bosqichga olib chiqish, maktab direktorlari tomonidan boshqaruv tizimini yaxshilash hamda xalqaro tajribalar asosida tabiiy fanlar (Science) va matematika fani bo‘yicha o‘quvchilar bilimini sun’iy intellektga asoslangan raqamli ta’lim platformasi orqali baholashni amalga oshirishdir.

✅ Iyun-iyul oylarida Toshkent shahrida bo‘lib o‘tgan seminarda Qoraqalpog‘iston Respublikasidan 6 nafar direktor, 16 nafar koordinator va murabbiylar ishtirok etib qaytgan bo‘lsa, avgust oyida ushbu koordinator va murabbiylar har bir tuman (shahar) dan tanlab olingan tajribali direktor (metr) va o‘qituvchilarga (metr-o‘qituvchi) 3 bosqichli kaskad usulida 5 kun davomida seminar-trening o‘tkazish belgilab olindi.

⛈ Bugun Qoraqalpog‘iston Respublikasi Pedagogik mahorat markazida mazkur seminar-treningning birinchi kuni boshlandi.

Vazirlikning Axborot xizmati

Bizdi sociallıq tarmaqlarda baqlap barıń:
🔎Web   🌐 Instagram   🌐Facebook
❤Telegram   🌐Youtube‌‌