#КК_МинньигэстикАһаа

🥞"Күн төгүрүк алаадьыта"  хомуурунньуктан:

Убаһа хааныттан алаадьы
Састааба:
– 300 мл үүт;
– 350 мл убаһа хаана;
– 1 сымыыт;
– 400 г бурдук;
– 1 ч.нь. туус;
– 30 мл мас арыыта.

Сылаас үүккэ сымыыты, тууһу холбуу булкуйабыт. Ол кэннэ буспут убаһа хаанын эбэн булкуйабыт. Онтон бурдугу кутан, хойуу сүөгэй курдук буолуор диэри ытыйан, тиэстэни бэлэмниибит. Алаадьылары итии хобордооххо мас арыытыгар икки өттүнэн эргитэ сылдьан буһарабыт.

https://t.iss.one/kiin_kyorat_gazeta

#КК_Сонун

❇️«Куттала суох уонна хаачыстыбалаах суоллар» национальнай бырайыагынан Бестужев-Марлинскай уулуссатын Богдан Чижик уулуссатыттан Кальвица уулуссатыгар диэри кэрчигин Федор Попов уулуссатыгар диэри бастакы түһүмэҕин хапытаалынай өрөмүөнэ түмүктэннэ.

Үлэ быйыл саас муус устар ыйтан саҕаламмыта. Оҥоһуллубут суол устата 380 м. Тутуу генеральнай бэдэрээтчитэ – «Сэттэ» ДРСУ ХЭУо. 

Учаастакка суолу бэйэтин сэргэ икки өттүттэн тротуардар, парковкалар, суол бэлиэлэрэ, светофордар, уу сүүрдэр халдьалар, сырдатыы үлэтэ о.д.а. оҥоһулунна.

Санатар буоллахха, 6 сыл устата «Куттала соух уонна хаачыстыбалаах суоллар» нацбырайыагынан Дьокуускай куоракка 195,07 км усталаах уулусса-суол ситимэ ирдэбилгэ хоруйдуур турукка тиэрдилиннэ. 2024 сыл түмүгүнэн куорат суолларын 80% нуормаҕа сөп түбэһэр таһымҥа тахсыахтаах, диэн иһитиннэрэр Олохтоох дьаһалта пресс-сулууспата.

https://t.iss.one/kiin_kyorat_gazeta

#КК_Сэргээ
#КК_Видео

🏙️Тыа сириттэн куоракка киирэн олохсуйуу сыллата эбиллэр. Куорат аҕыс уокуруга бэйэлэрэ бүтүн улуус саҕа нэһилиэнньэлээхтэр.

Кинилэр, уокуруктар, күн бүгүҥҥү олохторо- дьаһахтара хайдаҕый?
Туох ситиһии, кыһалҕа баарый?
Салайааччылара кимий?

📰Хаһыаппыт бу нэдиэлэтээҕи нүөмэригэр «Октябрьскай» уокурук салайааччыта Валентин Эверстовы кытта кэпсэтии тахсыаҕа.

⬆️⬆️⬆️Ол иннинэ эһиги болҕомтоҕутугар — тэттик биидьийэ.

https://t.iss.one/kiin_kyorat_gazeta

#КК_Сонун

❇️ Ахсынньы 19 күнүгэр Москва бириэмэтинэн күнүс 12:00 чаастан «Итоги года с Владимиром Путиным» тэлэбиидэнньэ биэриитигэр дойду баһылыга Владимир Путин быһа эпииргэ Арассыыйа олохтоохторун уонна суруналыыстар ыйытыыларыгар хоруйдуоҕа.

Дойду баһылыгар ыйытыылары Арассыыйа хас биирдии олохтооҕо moskva-putinu.ru (москва-путину.рф) саайт нөҥүө уонна СМС эбэтэр ММС иһитиннэриилэринэн 0–40–40 нүөмэргэ, ону таһынан 8–800–200–40–40 нүөмэргэ эрийэн этэр кыахтаах. Маны сэргэ суругунан эбэтэр видеонан ыйытыылары «ВКонтакте», «Одноклассники» социальнай ситимнэринэн бырагыраама официальнай бөлөхтөрүгэр туталлар: vk.com/moskvaputinuуонна ok.ru/moskvaputinu.

Ыйытыылары ахсынньы 8 күнүттэн 00:00 чаастан ахсынньы 19 күнүгэр биэрии бүтүөр диэри ыытыахха сөп, диэн иһитиннэрэр Ил Дархан уонна Бырабыыталыстыба пресс-сулууспата.

https://t.iss.one/kiin_kyorat_gazeta

БААР ЭТИҤ

Бэҕэһээ хаар түспүтэ,
Бүгүн - күннээх,
МИЭХЭ ЭН БААР ЭТИҤ,
Сырдык мичээрдээх,
Минньигэс дьол сыттаах
МИЭХЭ ЭН БААР ЭТИҤ

Былырыын - курус,
Быйыл - дьоллоох
МИЭХЭ ЭН БААР ЭТИҤ,
Үчүгэй даҕаны
Маннык доҕордоох
МИЭХЭ ЭН БААР ЭТИҤ.

Баҕар мэлдьэһиэҥ,
Билбэппин диэн этиэҥ
МИЭХЭ ЭН БААР ЭТИҤ,
Күнтэн көрдөһүөм
Төнүннэр диэн этиэм
МИЭХЭ ЭН БААР ЭТИҤ.

Сыллар усталлар,
Хонуктар ааһаллар
МИЭХЭ ЭН БААР ЭТИҤ,
Бүгүн, бэҕэһээ, өрүүтүн
МИЭХЭ ЭН БААР ЭТИҤ
Баар этиҥ,
Баар этиҥ,
Баар этиҥ,
Баар этиҥ,
Баар этиҥ,
Баар этиҥ,
Баар этиҥ,
Баар этиҥ
Баар этиҥ

Борис Павлов

Сотору халлаан тымныйар, дьиҥнээх кыһын кэлэр үһү, оҕолоор. Онон муннугутугар « бэргэһэтэ» баана охсуҥ. Баайар дьарыктаахтарга идея. Кытаатыҥ 😅😅 Манна да сотору кэлэрэ буолуо, муода буолан☝️

#КК_Сынньалаҥҥа

Историческай наука доктора, профессор Розалия Иннокентьевна Бравина “Түүл сахалыы тылдьыта” кинигэтигэр  саха киһитэ бэйэтин түүлүн тойонноон, эргитэ ырытан, баҕар иннин да тымтыктанан көрөрүгэр, сэрэнэн-сэрбэнэн сылдьарыгар анаан, аныгы олоххо сөп түбэһиннэрэн таҥыллыбыт тылдьытыттан тускутугар туһанаргытыгар ыҥырабыт: https://kiinkuorat.ru/articles/t-l-ki-i-olo-or-suoltata-uonna-dayyyta

☝🏻Үөрэхтээхтэр ааҕан-суоттаан таһаарбыттарынан, киһи олоҕун үс гыммыт биирин утуйан атаарар. Ол аата үөһэттэн анаммыт 70 саастан быһа холуйан 25 сыл түлэй ууга барар. Сорох дьон тугу да түһээбэт курдук сананаллар эрээри, хас биирдиибит түүн аайы 4-6 араас түүлү көрөбүт, онтон үксүн уһуктарбытыгар умнан турабыт.

https://t.iss.one/kiin_kyorat_gazeta

#КК_Сонун

❇️Ахсынньы 12 күнүттэн куорат уокуруктарын управаларын уонна куорат таһынааҕы нэһилиэктэр дьаһалталарын салайааччыларын 2024 сыл түмүгүнэн олохтоохторго отчуоттара саҕаланар.
 
Отчуоттар графиктара: https://kiinkuorat.ru/articles/ahsynny-12-24-k-nneriger-uokuruktar-uonna-ne-iliekter-salayaachchylara-2024-syl-t-m-g-nen-olohtoohtor-innileriger-otchuottuohtara


https://t.iss.one/kiin_kyorat_gazeta

#КК_Сонун

🐕Куорат уулуссаларыгар дьэлликтиир харамайдары тутуунан-хаайыынан барыта 7 биригээдэ дьарыктанар, ол иһигэр: 2 –  «Помоги выжить» аһымал пуонда гиэнэ, 3 – дьэллик кыыллары кытта үлэҕэ сулууспа биригээдэлэрэ, 2 – ИП «Огонеров».
Кинилэргэ управалар исписэлиистэринэн ыытыллар мониториннар, ловушкалар көмөлөһөллөр. СӨ ветеринария департаменын кытта дьиэ кыылларын көрүү-харайыы быраабылаларын тутуһуунан бэрэбиэркэлиир эриэйдэлэр ыытыллаллар, буруйдаахтарга боротокуоллар толоруллаллар. 

📱Өскөтүн эһиги ханнык эрэ биричиинэнэн дьиэтээҕи харамайгытын сүтэрбит буоллаххытына, Очиченко уул., 57 приюттан, 8924-870-00-67 төлөпүөнүнэн билсиэххитин сөп.

Оттон уулуссаҕа бэйдиэ сылдьар дьиэ кыылын көрдөххүтүнэ, анал сулууспаларга биллэрэргитин умнумаҥ:
📱Биир кэлим дьуһуурунай-диспетчерскэй сулууспа: +7 (4112) 44-42-51, 44-42-29;
📱дьэллик харамайдары тутар бэдэрээтчит: +7 (924) 870-00-67;
📱дьэллик харамайдары кытта үлэҕэ сулууспа : +7 (914) 301-65-54.

https://t.iss.one/kiin_kyorat_gazeta

#КК_Сэргээ

✍️Анаабыр улууһун бочуоттаах гражданина, Бүтүн Арассыыйатааҕы көрбөттөр уопсастыбаларын чилиэнэ, СӨ суруйааччыларын сойууһун чилиэнэ 80-с хаарыгар үктэнэн сылдьар долган суруйааччыта, биһиги хаһыаппытыгар ыалдьыт балаһабыт урукку дьоруойа Николай Лукич Туприн-Кэһиилээх Уола бүгүн ДП-2 аактабай саалатыгар сарсыарда 10ч. буолар Суруйааччылар сойуустарын сийиэһигэр Анаабыртан анаан кэллэ.

📰Кэһиилээх Уола: «Бэйэтэ даҕаны билбэтинэн сүтэрбит эбит тылын» https://kiinkuorat.ru/articles/ke-iileeh-uola-beyete-da-any-bilbetinen-s-terbit-ebit-tylyn


https://t.iss.one/kiin_kyorat_gazeta

#КК_Поэзия

Күнү тутан ыламмын

Күнү тутан ыламмын
Сырдыы түстэ санаам,
Тула өттүм сандааран
Үөрэн мөҕүстэ сүрэҕим.

Оо, кэрэ да эбит!
Тулам күнтэн сырдаабыта,
Сылаас тыынынан илгийбитэ
Дьикти түгэҥҥэ угуйбута.

Киһи үөрүөх эйгэтэ
Дууһабын ыга кууспута,
Үөһээ көтүтэн таһаарбыта
Сири күннүү көрдөрбүтэ.

Ыра санаам тиллиэҕин
Күннүү күндү буолуоҕун,
Сырдаа, тулалыыр эйгэм!
Сырдаа, үөрүү кыымынан!

Олох күндү бэлэҕэ
Күнтэн кэлиий, дуу миэхэ,
Сырдык сылаас сыдьаайынан
Олох угуйар күүһүнэн!

Күнү тутан ыламмын
Бар дьоммор ыытабын,
Сырдык ыра санаабын
Сүрэҕим эйэҕэс сылааһын!

Кэһиилээх Уола
10.12.2024

https://t.iss.one/kiin_kyorat_gazeta

#КК_Сонун

Дьокуускайга «Кино на службе Отечеству» документальнай киинэ бэстибээлэ буолар

🎥 Ахсынньы 10-13 күннэригэр Дьокуускайга Арассыыйа Бэрэсидьиэнин култуура эйгэтигэр көҕүлээһиннэргэ пуондатын, Арассыыйа култууратын министиэристибэтин, Аҕа дойду буойуннарын дьиэ кэргэттэрин кэмитиэтин өйөбүлүнэн ыытыллар «Кино на службе Отечеству» көһө сылдьар бэстибээл буолаары турар.
Бэстибээл чэрчитинэн Дьокуускай куорат олохтоохторугар анал байыаннай дьайыы саҕаланыаҕыттан Арассыыйаҕа оҥоһуллубут документальнай киинэлэри көрөр, фронтовой режиссёрдары, айар бөлөхтөрү, поэттары, музыканнары кытта көрсөр кыах баар. 

Ол курдук, бырагыраамаҕа «Я иду Домой» (Андрей Ященко, Владислав Рыдков, Юлия Забарова), «Отважные. Сёстры» (Олеся Шигина) уонна «Отцы Донбасса» (Константин Зайцев) документальнай киинэлэр киирбиттэр. 

Бэстибээл киинэлэрин көрдөрөр балаһааккалар: https://kiinkuorat.ru/articles/dokuuskayga-kino-na-sluzhbe-otechestvu-dokumentalnay-kiine-bestibeele-buolar

https://t.iss.one/kiin_kyorat_gazeta