Көмүлүөк оһох уонна былыргы билгэлэр.

Оһох - дьахтары кытта ыкса ситимнээх. Көмүлүөк туһунан маннык таабырынныыллар: "Хотун дьахтар нэлэйэн олорон аһын (баттаҕын) тараанара үһү".
Былыр кэргэн кэпсэтэ кэлбит уолаттар аан маҥнай дьиэ оһоҕун көрөллөрө үһү: үчүгэй сыбахтаах, холумтана ыраас буоллаҕына манна үчүгэй кыыс олорор эбит диэн буолара.
Түһээн оһох сууллубутун эбэтэр оһох уота умуллубутун көрдөххүнэ - дьиэ хотуна өлөрүгэр. Көмүлүөк буора саккыраатаҕына - кыыс оҕо улаханнык ыалдьарыгар. Онтон оһох иһигэр чох сыһыннаҕына, бу ыалга кыыстара ыал буолар диэн. Аны күлгэ күөс суолун хаалларбаттар, түүн ити суолунан абааһы тахсан оҕону дьээбэлиэн сөп. Саха саныырынан баай ыал оһоҕун күлэ элбэх, дьадаҥы ыал оһоҕун күлэ аҕыйах буолар. Уһун айан иннигэр оһох күлүн таһаарбаттар - айаҥҥа табыллыа суохха сөп.

#Оһоҕу кытта ситимнээх бит-билгэ