#КК_ТускарТуһан

«Дьокуускай» аэропорт наадалаах нүөмэрдэрэ

📱 “Дьокуускай” аэропордун босхо иһитиннэрэр кэлим “Справочнайын” суукканы эргиччи үлэлиир нүөмэрэ: +7 (4112)-31-88-44.

📱 2-ГИС сыһыарыыны арыйан “Аэропорт Якутск” диэни булаҕыт. Онно сырдык халлаан күөҕэ дьүһүннээх “Онлайн-табло” баттаан, баҕарбыт эриэйискит хаһан кэлэрин, көтөрүн билэр кыахтааххыт. Бүгүҥҥэ эрэ буолбакка, сарсыҥҥы, бэҕэһээҥҥи эриэйистэр кытта тахсаллар.

📱Багажкын сүтэрдэххинэ эрийэр нүөмэриҥ:
+7 (4112)-49-10-61 уонна +7(968) -156-10-89.

📱Тардыллыбыт эриэйистэр пассажирдара кэтэһэр саалалара “Лайнер” гостиницаҕа баар. Төлөпүөннэрин нүөмэрэ:  +7(4112)-49-52-27 уонна +7 (4112)-49-52-52 (вн.100).

📱Таһаҕаһы ылар сир төлөпүөнэ: +7(4112)-249-51-84 (сарсыарда 08.00 ч. киэһэ 18.00 ч. диэри үлэлиир).
Оттон суукканы эргиччи үлэлиир нүөмэр: +7 (4112)-249-53-76.

📱Таһаҕас ыытар наадалаахтар +7(4112) 249-53-89 эрийэҕит (сарсыарда 08.00 ч. киэһэ 18.00 ч. диэри).

📱Аэропорт медпуунун нүөмэрэ: +7(4112)-49-10-66.

https://t.iss.one/kiin_kyorat_gazeta

#КК_ТускарТуһан

❇️Ардыгар киһи булгуччулаах төлөбүрү умнан эбэтэр харчы кырыымчыгыттан төлөспөккө сылдьан, букатын да мунньан кэбиһэрэ баар буолар. Оннук түгэҥҥэ иэскэр эбии пени диэн ыстыраап эбиллэрин билэҕит.

Сорох тэрилтэлэр маннык дьону «бырастыы гынар» «прощеные дни» аахсыйаны тэрийээччилэр. Холобур, СӨ Хапытаалынай өрөмүөҥҥэ пуондата ахсынньы ый 31 күнүгэр диэри биллэрбит. Онуоха иннинээҕи иэһи таһынан бу ыйдааҕы төлөбүрү олоччу төлөһүөххэ наада.

Оттон ол кыаллыбат, букатын улахан иэс мунньуллубут түгэнигэр, иэһи реструктуризациялатар гына сөбүлэҥ түһэрсиэххэ эмиэ сөп. Ол аата кыра-кыралыы, уһатан төлөһөргө кэпсэтэҕин.
Сиһилии: https://kiinkuorat.ru/articles/hapytaalynay-r-m-n-puondata-penite-suoh-t-l-r-kyahtaahhyn

https://t.iss.one/kiin_kyorat_gazeta

#КК_ТускарТуһан

🎄Тыыннаах харыйаны туруорар дьоңңо туһалаах сүбэлэр.

Тыыннаах харыйа сыаната удамыр, көстүүтэ тупсаҕай. Сыта-сымара дьиэни толорор. Сөпкө харайдахха, икки нэдиэлэ кэриҥэ туруон сөп.

🔹Температура хамсааһына маска ордук охсуулаах: мутукчата түргэнник түһэр. Ол иһин тыыннаах харыйаны тута сылаас дьиэҕэ киллэрэр сыыһа. Чааһынай дьиэлээх дьон гаражтарыгар эбэтэр оҥкучахтарыгар, оттон кыбартыыра олохтоохторо кыратык подъезка туруора түһүөхтэрин сөп. 

🔹Туруоруоххут иннинэ алларааҥҥы лабааларын эрбээҥ, 2-3 см сарбыйар ордук. Умнаһын 15-20 см сыгынньахтааҥ. Оччоҕуна ууну үчүгэйдик иҥэриниэҕэ.

🔹Батареяттан, обогревательтан ыраах туруорабыт. Итиигэ мас мутукчата хатар уонна түһэр. Харыйа лабааларын сөп буола-буола уунан ыстарар ордук. Биллэн турар, гирляндаларгытын розеткаттан арааран баран. Дьиэҕитигэр салгыны сиигирдэр анал тэриллээх (увлажнитель воздуха) буоллаххытына, өссө үчүгэй.

🔹Саҥа дьыллааҕы харыйаны анал кириэстии оҥоһуллубут маска эбэтэр уулаах эбэтэр кумахтаах биэдэрэҕэ туруоруохха сөп. Кураанах “атах” куһаҕан, умнаһын аллараа өттүн инчэҕэй тирээпкэнэн суулааҥ. 

🔹Биэдэрэҕэ туруорар судургу ньыма: үс лиитирэ ууга 5 таблетка аспирины уонна 5 остолобуой ньуоска саахары кутан суурайабыт. Сорохтор туус эбэллэр. Аспирин түүнүк бактериялара үөскүүллэрин тохтотор, оттон саахар уонна туус маһы аһаталлар. Ууга аҥаардас саахары кутар туһата суох.

🔹Иккис сүбэ. Ууга 0,5 ч.нь. лимон кислотатын уонна 1 ньуоска желатины эбэтэр үлтүрүтүллүбүт миэли кутуохха сөп.

🔹Тыыннаах харыйа үйэтин глицерин уһатар: 1 лиитирэ ууга 1 ч.нь. глицерины кутуҥ.

🔹Кумахтаах биэдэрэ. Өрүс кумаҕа мас умнаһын 15-20 см сабыахтаах. Кумах мэлдьи сииктээх туруохтаах. Онуоха 1 лиитирэ ууга аспирин ¼ таблеткатын кутан, суурадаһын оҥоробут.

https://t.iss.one/kiin_kyorat_gazeta

#КК_ТускарТуһан

💡Саҥа дьыл иннинэ уот иэһин пенитэ суох төлөө: https://kiinkuorat.ru/articles/uotu-t-l-b-r-n-emie-penite-suoh-t-l

🛠️Сэтинньи 1 күнүттэн ахсынньы 31 күнүгэр диэри СӨ Хапытаалынай өрөмүөн пуондата иэстээхтэртэн пенита суох төлөбүрдэри тутар: https://t.iss.one/kiin_kyorat_gazeta/22595

🔥 "Теплоэнергияҕа" иэстээх буоллаххына аахсыйанан туһан: https://t.iss.one/kiin_kyorat_gazeta/22646


https://t.iss.one/kiin_kyorat_gazeta

#КК_ТускарТуһан

❇️Дьокуускай куорат дьаһалтатын Үөрэххэ управлениета тымныы күннэргэ оскуола оҕолоро үөрэммэт бэрээдэктэрин быһаарар:

🔸Тыала суох, -45°С тымныы сатыылаатаҕына 1-5 кылаас оҕолоро үөрэммэттэр.
1 м/с тыаллаах буоллаҕына -44°С үөрэммэттэр.
2 м/с тыаллаах буоллаҕына -43°С тымныыга 1-5 кылаастарга актированнай күннэр биллэриллэллэр.
3-5 м/с тыалга — -42°С тымныыга үөрэммэттэр.

🔸1-8 кылаастар тыала суохха -48°С тымныыга үөрэммэттэр.
1 м/с түргэннээх тыалга -47°С тымныыга үөрэммэттэр.
2 м/с тыалга -46°С тымныыга актированнай күн биллэриллэр, 3-5 м/с түргэннээх тыалга — -45°С тымныыга үөрэммэттэр.

🔸-50°С тымныыга оскуола оҕото барыта үөрэммэт.
1 м/с түөргэннэх тыаллаах -49°С тымныыга оскуолалар үлэлээбэттэр.
2 м/с тыалга – -48°С тымныыга, 3-5 м/с — -47°С.

☝🏻Төрөпүттэр күн-дьыл туругун туһунан информацияны өрөспүүбүлүкэтээҕи араадьыйа ханаалларыттан, ГТРК «Саха» уонна Дьокуускай дьаһалтатын официальнай сайтыттан Якутск.рф истэҕит.


https://t.iss.one/kiin_kyorat_gazeta

#КК_ТускарТуһан

🥶Халлааммыт, дьэ, тымныйда✊

❇️Итэҕэйиҥ-итэҕэйимэҥ, тымныыга салгын эмтээх буолар эбит. Тоҕо? Салгыҥҥа кислород 30 бырыһыан үрдүүр. Тымныыга таһырдьа дьаарбайар киһини тумуу тумнар, ОРВИ чугаһаабат. Тоҕо диэтэххэ, кыһыҥҥы кэмҥэ таһырдьа бактерия, микроб, вирус ахсаана аҕыйах.
Сибиэһэй салгыҥҥа спордунан дьарыктанар буоллаххытына, грипп туһунан олох даҕаны умнуоххут.

🔸Тымныыга киһи хамсаннаҕына этигэр-сиинигэр баар харыстыыр килиэккэлэрэ, лейкоциттара актыыбынай буолаллар. Онон инфекцияны кытта охсуһаллара күүһүрэр. Маны таһынан киһи организма интерферону оҥорон таһаарыыта үрдүүр, ол иммунитеты бөҕөргөтөр.

🔸Учуонайдар тымныы икки атахтаах, иннинэн сирэйдээх иммунитетыгар үчүгэйдик дьайарын дакаастаабыттара ыраатта.

😉Чинчийээччилэр этэллэринэн, кыһын төрөөбүт дьон атыттартан сэдэхтик ыалдьаллар, өссө сайын күн сирин көрбүт дьоннооҕор ордук уһуннук олороллор.

https://t.iss.one/kiin_kyorat_gazeta

#КК_ТускарТуһан

ОДьКХ өҥөлөрүгэр ороскуоккут дьиэ кэргэн уопсай дохуотуттан 15% аһарар буоллаҕына, субсидия ылыаххытын сөп.

❓Өҥө ханнык көрүҥнэригэр субсидия көрүллэрий?

❇️Элбэх кыбартыыралаах дьиэлэргэ:
🔸Дьиэ-уот өҥөлөрө;
🔸Хомунаалынай өҥөлөр, ол иһигэр уот төлөбүрэ;
 
❇️Чааһынай олорор дьиэлэргэ:
🔸Хомунаалынай өҥөлөр, ол иһигэр:
🔸Уот;
🔸Бөҕү тиэйии;
🔸Уу куттарыы.
🔸Дьиэни-уоту ититэр систиэмэ:
🔸Гааһынан ититии;
🔸Уот ситиминэн ититии;
🔸Оһоҕунан уонна хочуолунан оттуллар дьиэлэргэ чоҕу, маһы тиэйтэрии.

Судаарыстыбаннай өҥөнү «Агентство субсидий» оҥорор.

Социальнай көмө туһунан сиһилии  https://www.subsidii-jku.ru/ эбэтэр https://t.iss.one/as_ykt телеграм-ханаалга, www.e-yakutia порталга киирэн көрүҥ.

8-800-222-50-70 эрийэн ыйыталаһыаххытын, сүбэ-ама ылыаххытын сөп.

https://t.iss.one/kiin_kyorat_gazeta

#КК_ТускарТуһан

🎇Саҥа дьылбытын уруйдуу көрсөрбүт икки нэдиэлэттэн эрэ ордук кэм хаалла.

Ханнык баҕарар, улахан, кыра да фейервери, петарданы ытарга сэрэхтээх буолуу быраабылата булгуччу тутуһуллуохтаах. Ону суолтаҕа уурбаттан хараҕы сиэтии, илиини-тарбаҕы, эти-сиини да эчэтии хобдох түбэлтэлэрэ тахсарын истэргит буолуо.

Онон судургу гынан баран, олус наадалаах быраабыланы санатыһан ааһыаҕыҥ.
🎇 Фейервери, петарданы, салюту ытыах иннинэ, төһө да сүрэҕэлдьээбит иһин, хайаан да иструкциятын болҕойон аах, сиһилии билис!
🎆 Битиилигэр уоту таҕайыах иннинэ, оҥоһук умайар, уоттаах өттө хайа диэки буоларын чопчу билиэх кэриҥнээххин. Бэл, оонньуу-дьээбэ да кэриэтэ даҕаны дьон баар сирин диэки кыҥыыр, туһаайар табыллыбат.
Салҕыыта: https://kiinkuorat.ru/articles/pirotehnikany-tuttuu-byraabylatyn-tutus


https://t.iss.one/kiin_kyorat_gazeta

#КК_ТускарТуһан

🫖 Ахсынньы 15 күнүгэр чэй күнэ бэлиэтэнэр эбит.

Сахалыы чэй оҥостон иһиэҕиҥ🤗

🪵 Тиит мас хатырыгын (пилораматтан ылан) чаанньыкка хаалаан, күн аайы оргутан иһэ сылдьыҥ. Хааны ыраастыыр, уҥуоҕу кытаатыннарар, мэйиини бөҕөргөтөр, куту-сүрү күүһүрдэр. Сүрдээх үчүгэйдик барар. Биир кутуу элбэхтэ оргутуллар. Амтана астык!

🫖 Кыа ото эмиэ бэрт хойуу, үтүө амтаннаах чэй бэрдэ. Уоскутар, сылаанньытар, утутар. 

🌲 Бэс иннэтэ, хатырыга бэртээхэй "күөх чэй". Сырдык дьүһүннээх чэй. Төбөҕө, мэйиигэ, умнубат буолууга туһалаах. 

🥀 Дөлүһүөн чэйи бары бэркэ билэҕит. 

🌾 От сыата – бэрт бардарыылаах чэй ааттааҕа. Оһоҕоско, хаайтарыыга, ис ыарыытыгар туһалаах. 

🌳 Хаптаҕас, моонньоҕон, дьордьомо, хатыҥ сэбирдэхтэрэ хатарыллыбакка сырдык дьүһүннээх, минньигэс амтаннаах чэйдэр.

🍵Кучу чэй
Үүнээйи барыта күн эниэргийэтин, айылҕа кутун илдьэ сылдьар. Айылҕаттан ордук амтаны ким да оҥорбот. Кучу от сэбирдэхтэриттэн бэлэмнэммит чэй сылааны таһаарар, күүһү-уоҕу биэрэр, тымыры ыраастыыр, хаан баттааһынын көннөрөр, утуйар ууну чөлүгэр түһэрэр, куртах-оһоҕос үлэтин тупсарар аналлаах дииллэр. Ону таһынан киһи уйулҕатын сааһылыыр, бөҕөргөтөр эбит.
➡️Сиһилии: https://kiinkuorat.ru/articles/kuchu-chey

https://t.iss.one/kiin_kyorat_gazeta

#КК_ТускарТуһан

Нолуок «вычета»: Быраапкын туһан!

🫰 Нолуок “вычета” диэн баарын үгүстэр билэр, бэлиэр туһаммыт, туһана да сылдьар буолуоххутун сөп. Сокуон быһыытынан, “вычет” ҮС иннинээҕи сылга төлөспүт нолуоктан оҥоһуллар. Ол эбэтэр бу 2024 сыл бүтүөр диэри сайабылыанньаласпыттарга 2021, 2022 уонна 2023 сылларга төлөөбүт нолуоккутуттан “вычет” ааҕыллар. “Саҥа дьыл кэннэ, тохсунньуга да тиийиллиэ” диэн уһата-кэҥэтэ сырыттаххына, 2021 сыллааҕы төлөбүргүттэн ылбаккар, көтүтэргэр тиийэҕин. Онон “вычеттаныахтаах” түгэҥҥэр туттумахтас!

Ханнык “вычеттар” баалларый?

Ол туһунан манна аах

https://t.iss.one/kiin_kyorat_gazeta

#КК_ТускарТуһан

Дьокуускай куорат олохтоох дьаһалтатын Суолга-тырааныспарга сулууспатын телеграмм ханаалыгар суруттарыҥ:
https://t.iss.one/ProAvtobusYkt

🚌Оптуобустар сырыыларын туһунан кырдьыктаах информация, суһал иһитиннэрии барыта иннэ тахсар☝🏻


https://t.iss.one/kiin_kyorat_gazeta

#КК_ТускарТуһан

Биир кэлим эксээмэн болдьохторо чуолкайданнылар ⬆️⬆️⬆️

https://t.iss.one/kiin_kyorat_gazeta

#КК_ТускарТуһан

🎇 Фейервери, петарданы, салюту ытыах иннинэ, төһө да сүрэҕэлдьээбит иһин, хайаан да иструкциятын болҕойон аах, сиһилии билис!
🎆 Битиилигэр уоту таҕайыах иннинэ, оҥоһук умайар, уоттаах өттө хайа диэки буоларын чопчу билиэх кэриҥнээххин. Бэл, оонньуу-дьээбэ да кэриэтэ даҕаны дьон баар сирин диэки кыҥыыр, туһаайар табыллыбат.
🎇Петарданы, фейервери дьиэ иһигэр, сабыылаах сиргэ буолбакка, таһырдьа, аһаҕас сиргэ ытыллыахтааҕын өйдөө.
🎆Фейерверк, петарда ытар сир олорор дьиэлэртэн, муҥутуур чугаһаабыта 50 миэтэрэ тэйиччи буолуохтааҕын умнума.
🎇Петарданы оҕо дьон ытара бобуллар!
🎆Петарданы сабыылаах иһиккэ – бааҥкаҕа, биэдэрэҕэ, буолаары буолан, бытыылкаҕа – хаһан да угуллуо суохтаах.
🎇Умайа турар петардаҕа 5-10 м иһинэн чугаһаабат куолу!
🎆Петарданы уурарга-харайарга, илдьэ барарга хайаан да анал хахха уга сылдьыллыахтаах. Үтүлүк кэриэтэ сиэпкэ уктан баран сылдьааччы кытта баар буолар. Ол сыыһа!
🎇Төһө да билиэх-көрүөх баҕа баһаамын иһин, петарданы арыйа, иһин чинчийэ сатыыр табыллыбат!
🎆Фейервери кулуһуҥҥа таҕайан уматыы кытаанахтык бобуллар!
🎇Ханнык баҕарар пиротехниканы үрдүгэр нөрүйэн туран көрө, умата сатыыр табыллыбат!
🎆Петарданы умаппыт кэннэ онтуҥ “ньим” курдук да буоллаҕына, тоҕо умайбатаҕын билээри, чугаһаан кэлэн бэрэбиэркэлии да, хаттаан умата да сатаама. Олус сэрэхтээх дьаһаныы!
🎇Оттон “Ракетаны” төгүрүччү турар дьиэлэрдээх балаһааккаҕа, кыараҕас сиргэ да ытыллыбатын билиэх тустааххын.
🎆Быраабыла быһыытынан, фейервери икки сууккаҕа диэри кэм устата ууга туруоран эрэ баран бөх дьааһыгар угуохха сөп.

❇️Наадыйар түгэн кэлбэтин диэн туран, сэрэххэ, Быыһыыр сулууспа төлөпүөннэрин биэрэбит:
☎️Кэлим быыһыыр сулууспа – 112;
☎️«Саха Өрөспүүбүлүкэтин быыһыыр сулууспата» ГБУ суукканы эргиччи үлэлиир Дьуһуурустубалыыр симиэнэтин төлөпүөнэ – 8 (4112) 45-90-19; 
☎️Дьокуускайдааҕы “ЕДДС” төлөпүөнэ – 8-4112-44-42-51

https://t.iss.one/kiin_kyorat_gazeta

#КК_ТускарТуһан

❄️ Халлааммыт эмискэ сылыйбытынан уонна хаар түһэн, халтараан эбиллибитинэн, киин куорат уулуссаларыгар бүгүн тимир көлөлөр харыылара (пробка) үөскүүрэ күүтүллэр.

Онон оптуобустар арыттара уһуон сөп☝🏻

Барар-кэлэр былааҥҥытын күн-дьыл туругун учуоттаан оҥостуҥ, суолга сэрэхтээх буолуҥ диэн сүбэлиир Дьокуускай дьаһалтатын Суолга-тырааныспарга сулууспата.

#ПРОАвтобус #ГородскаяДорожноТранспортнаяСлужба #Якутск

https://t.iss.one/kiin_kyorat_gazeta

#КК_ТускарТуһан

«Здравконтроль» диэн бырайыак үлэлиирин билэр этигит дуо?

☝🏻Телеграмҥа чат көмөтүнэн Саха сирин олохтоохторо араас боппуруостарын 2 чаас иһигэр быһаартарыахтарын сөп эбит.

❇️Ыйытыылары тутар кэмнэрэ:
Бэнидиэнньик-субуота,
⏰08:00-20:00 ч.

🤳https://t.iss.one/+JQ10tZioizw3ZGRi - «Якутск. Здоровье» (Дьокуускай медицинэҕэ тэрилтэлэрэ);
🚀https://t.iss.one/+1vBz1CVhZEA5ZjFi - «Саха. Здоровье» (улуустар балыыһалара).

Ханнык ыйытыылаах суруйуохха сөбүй?
🔹Быраастарга сатаан суруттарбатаххытына.
🔹Бырааһы дьиэҕэр ыҥырар кыаллыбатаҕына.
🔹Маршрутизацияны оҥорботохторуна.
🔹Анаалыс уонна чинчийии бириэмэтэ тардылыннаҕына.
🔹Мед.көмө оҥоһуллуутугар ыйытыы үөскээтэҕинэ.
🔹Медик этика уонна деонтология нуормаларын кэстэҕинэ.
🔹Сокуону кэһэр ирдэбиллэри туруордахтарына, төлөбүрдээх өҥөнү соҥноотохторуна.

Ааһан эрэр сыл 11 ыйын устата медчаттар көмөлөрүнэн 673 ыйытыыга хоруйданна, кыһалҕа быһаарылынна диэн СӨ Доруобуйа харыстабылын министиэристибэтэ иһитиннэрэр.

https://t.iss.one/kiin_kyorat_gazeta

#КК_ТускарТуһан

🙌🏻Физическэй сирэй моҥкуруукка барарын туһунан сокуон үлэлиирин бары билэбит. Билигин аны онно-манна "иэскин соттор, моҥкуруут буол" диэн юридическай фирмалар рекламалара олус элбээтэ.

Моҥкуруут (банкрот) буолар оннук чэпчэки буолбатах☝🏻 Ону ааһан содула элбэх:
🔹Моҥкуруукка барбыт киһи 5 сыл устата кирэдьиит сатаан ылбат,
🔹3 сыл устата ИП, ХЭТ арыммат,
🔹предприниматель буолбат,
🔹5 сыл иһигэр өссө биирдэ моҥкуруукка барар кыаҕа суох.
🔹Моҥкуруутунан биллэриллибит киһи 3 сыл устата салайар үлэҕэ анаммат,
🔹кирэдьиит ыларыгар эрэйдэри көрсүөн сөп.

☝🏻Ипотека иэһин мээнэ соппоттор. Сотторор да буоллахха, дьиэттэн матыахха сөп. Тоҕо диэтэххэ, ипотека ылалларыгар дьиэлэрин солуок уураллар.

🙌🏻Ханнык баҕарар кирэдьиити киһи бэйэтин кыаҕын билинэн ылыахтаах.

https://t.iss.one/kiin_kyorat_gazeta

#КК_ТускарТуһан

❇️Баһылык гражданнары кытта эрдэттэн суруйтарыынан көрсөр. Көрсүһүүгэ суруйтарарга Сурук отделыгар эбэтэр Олохтоох дьаһалта тэрилтэлэригэр сайабылыанньа суруйуохха наада. Сайабылыанньаҕа быһаартарыахтаах боппуруоһу сиһилии ыйар уонна инники өттүгэр атын инстанцияларынан туох быһаарыы ылыллыбытын сыһыарар наада. Маны сэргэ тус дааннайдары ыйар ирдэнэр: төлөпүөн нүөмэрэ, электроннай аадырыс.

🙌🏻Сайабылыанньаны ыытар ньымалар:
🔹[email protected] Олохтоох дьаһалта официальнай электроннай почтатыгар;
🔹40-80-76 төлөпүөнүнэн;
🔹Дьокуускай к., Ленин проспега, 15 аадырыска тиийэн;
🔹Сурук отделын аадырыһа: Дьокуускай к., Ленин проспега, 15, 113 кэб., үлэ күннэригэр сарсыарда 09:00 чаастан киэһэ 18:00 чааска диэри (эбиэккэ тохтобул – 13:00-14:00 чч.).

https://t.iss.one/kiin_kyorat_gazeta