#КК_Сонун

📦 Бэҕэһээҥҥиттэн Дьокуускайга анал байыаннай дьайыыга сылдьар дьон дьиэ кэргэттэригэр саҥа дьыллааҕы ас наборун тиксэрии саҕаланна.

Көмөнү тиксэриигэ Дьаһалта үлэһиттэрэ, управалар бэрэстэбиитэллэрэ, Куорат Дууматын дьокутааттара кытталлар.

https://t.iss.one/kiin_kyorat_gazeta

#КК_Сонун

Куорат уокуруктарын управаларын уонна куорат таһынааҕы нэһилиэктэр дьаһалталарын салайааччыларын 2024 сыл түмүгүнэн олохтоохторго отчуоттара салҕанар.

❇️❇️❇️
Бүгүн, ахсынньы 18 күнүгэр, буолар отчуоттар:

Строительнай уокурук
🔹Буолар сирэ: Уокурук управатын дьиэтэ, Клара Цеткин уул., 2
⏰Бириэмэтэ: 17.00 ч.

Киин уокурук
🔹Буолар сирэ: А.Г.уонна Н.К. Чиряевтар ааттарынан гимназия, Поярков уул., 16
⏰Бириэмэтэ: 18.30 ч.


https://t.iss.one/kiin_kyorat_gazeta

#КК_Сонун

🏈 🏀 🥊 🤼
Арассыыйаҕа бүттүүнүгэр кэнники сылларга маассабай спорт киэҥник тэнийэн эрэрин бэлиэтии көрөр буолуохтааххыт.

👍🏻Кэлэр сылтан, дойдубут бэрэсидьиэнэ Владимир Путин көҕүлээһининэн, "Земскэй тренер" диэн идэтийбит тренердэри үлэҕэ угуйар бырагыраама үлэтэ саҕаланара былааннанар.

"Земскэй тренер" усулуобуйата учууталларга, медиктэргэ оҥоһуллар бырагыраамаҕа маарыҥныыр буолуохтаах.

https://t.iss.one/kiin_kyorat_gazeta

#КК_Сонун

🏠 Ахсынньы 17 күнүгэр Дьокуускай куорат баһылыга Евгений Григорьев “Россия 24” ханаалга “Куораты кытта быһа эпиир” биэриигэ хаарбах туруктаах дьиэттэн көһөрүү хаамыытыгар тохтоото.

Маастар-былаанынан 2030 сылга диэри Дьокуускай куоракка биир даҕаны хаарбах туруктаах дьиэ хаалыа суохтаах. 

Киин куоракка 2017 сыл тохсунньу 1 күнүгэр диэри хаарбаҕынан билиниллибит дьиэлэртэн көһөрүү былаана болдьоҕун иннигэр түмүктэнэр. Бу көрдөрүү бүгүҥҥү күҥҥэ 97% тиийэн турар. 

Онон, баһылык бэлиэтээбитинэн, билигин 2017 сыл тохсунньу 1 күнүттэн 2023 сыл балаҕан ыйын 1 күнүгэр диэри хаарбаҕынан билиниллибит 957 элбэх кыбартыыралаах дьиэни көтүрүү бырагырааматын олоххо киллэрии территориялары кэлимник сайыннарыы былаанын, тустаах муниципальнай бырагыраама уонна өрөспүүбүлүкэ бүддьүөтүттэн киирэр үп суотугар номнуо саҕаланна. 

👍🏻Аэропорт хайысхатынан, саҥа «Спортивнай» түөлбэҕэ тутуллар оҕо саадын уонна спорт саалатын тутар сирдэргэ турар хаарбах дьиэлэри көтүрүү саҕаланна.

https://t.iss.one/kiin_kyorat_gazeta

#КК_Сонун

❇️Ил Дархан Айсен Николаев ахсынньы 19 күнүгэр Ил Түмэҥҥэ туһаайан этиитин  иһитиннэриэҕэ.

Ил Дархан ааһан эрэр сыл сүрүн түмүктэрин таһаарыаҕа, чугастааҕы уонна уһун болдьоххо өрөспүүбүлүкэ сайдыытын,  парламент, бырабыыталыстыба уонна олохтоох салайыныы уорганнарын үлэлэрин сүрүн хайысхаларын быһаарыаҕа. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.

https://t.iss.one/kiin_kyorat_gazeta

#КК_Сонун

«Үөрэхтээһин” национальнай бырайыагынан тутулла турар киин куорат 29 №-дээх оскуолатыгар эбии тутуу аҕыйах хонугунан үлэҕэ киирээри турар.

🔹Дириэктэр Марфа Анатольевна Яковлева суруналыыстарга иһитиннэрбитинэн, үс этээстээх, 8 тыһ. тахса квадратнай миэтэрэ иэннээх, 350 миэстэлээх эбии тутуу оскуола сүрүн дьиэтин оруолун толорор кыахтаах.

🔹Уопсайа 12 тыһ. квадратнай миэтэрэҕэ тиийэ кэҥээбит оскуолаҕа бүгүҥҥү күҥҥэ 1464 оҕо үөрэнэр. Эһиилги үөрэх дьылыттан үөрэнээччи ахсаана биллэ эбиллэрэ күүтүллэр.

🔹Оскуола барыйыагын, дизайнын учууталлар, үөрэнээччилэр, төрөппүттэр бука бары санааларын холбоон толкуйдаабыттар.

🔹Оскуола аныгылыы тииптээх миэбэлэ, оборудованиета барыта таңыллан, силигин ситэн турар.

🔹Саҥа оскуола биир киэн туттуута – электроннай интерактивнай экран кылаас аайы баар. Манна үөрэххэ туттуллар учебниктар, араас босуобуйа о.д.а. барыта киирэн сылдьар.

🔹Эбийиэк дьиэ үрдүгэр икки спорт балаһааккалаах уонна сүүрүүнэн-хаамыынан дьарыктанар анал зоналаах.

🔹"Үөрэхтээһин” национальнай бырайыак чэрчитинэн тутуу сакаасчыта – “Главстрой” МХТ, тутааччы – “Оптима-Строй” ХЭТ.

https://t.iss.one/kiin_kyorat_gazeta