Tavallud ayyomingiz muborak bo‘lsin, hurmatli Prezident!

Bugun — el-yurtimiz dard-u tashvishi, taqdiri va orzularini yuragiga jo qilgan, Vatan ravnaqi yo‘lida tinimsiz mehnat qilayotgan, har bir islohoti bilan millatimiz kelajagiga poydevor qo‘yayotgan O‘zbekiston Respublikasi Prezidenti Shavkat Miromonovich Mirziyoyevning tavallud ayyomi.

Bugungi yangilanishlar, ertangi taraqqiyot manzaralari, yoshlar qalbidagi orzu va ishonch — bularning barchasi Prezidentimizning fidokorona sa’y-harakatlari va jasoratli qarorlarining mevasidir.

Ayniqsa, oliy ta’lim, fan va innovatsiyalar sohasida amalga oshirilgan tub islohotlar mamlakatimiz intellektual salohiyatini butunlay yangi bosqichga olib chiqmoqda.

Masalan, 2016-yilda 9 %ni tashkil etgan oliy ta’lim qamrovi bugunga kelib 42 %ga yetdi. Bu esa yuz minglab yoshlarga orzular sari yo‘l ochdi. Yana yuzlab yangi OTMlar tashkil etilib, hozirda xalqaro standartlarga mos 202 ta oliygoh Yangi O‘zbekistonga munosib kadlar tayyorlab bermoqda.

Oliy ta’lim muassasalariga akademik va moliyaviy mustaqillik berilgach, ular o‘z ta’lim strategiyasini erkin shakllantirish imkoniyatiga ega bo‘ldi. Ta’lim dasturlari optimallashtirilib, 1200 dan ortiq ta’lim yo‘nalishlari xalqaro mezonlar asosida qayta ishlab chiqildi.

Fan va innovatsiyalar sohasida ham keng imkoniyatlar eshigi ochildi. Doktorantura kvotalari ikki barobarga oshirildi, ilmiy tadqiqotlar uchun davlat granti va loyihalari soni sezilarli darajada ko‘paydi. Shuningdek, Prezident stipendiyalari hamda xorijda tahsil olish dasturlari minglab iqtidorli yoshlarning orzularini ro‘yobga chiqarishiga zamin yaratmoqda.

Hududlarda yangi zamonaviy kampuslar, muhandislik maktablari, ixtisoslashtirilgan ilmiy markazlar, texnoparklar tashkil etilib, ularning faoliyati xalqaro tajribalar asosida yo‘lga qo‘yildi.

Yoshlar, ayollar, ilm ahlining o‘z salohiyatini to‘liq ro‘yobga chiqarishi uchun yaratilayotgan imkoniyatlar — Prezidentimizning har bir yurtdoshi, ayniqsa ertangi kun egalariga bo‘lgan chuqur ishonchi va e’tiborining ifodasidir.

Bu yutuqlar safini uzoq davom ettirish mumkin. Haqiqat shuki, bu – xalqimizga, ayniqsa, yosh avlodga bo‘lgan chuqur e’tibor va ishonchning amaldagi ifodasidir.

Hurmatli Shavkat Miromonovich!

Siz boshchiligingizda Yangi O‘zbekiston ta’limining ertasi yanada porloq, xalqimizning turmushi esa yanada farovon bo‘lishiga ishonchimiz komil. Sizga mustahkam sog‘lik, bardavom kuch-quvvat, el-yurt manfaatlari yo‘lida olib borayotgan ezgu ishlaringizda ulkan muvaffaqiyatlar tilaymiz!

Bizni kuzating

Facebook | Instagram | YouTube | Telegram

‼️Уважаемые абитуриенты!‼️ Рекомендации по зачислению в филиал КФУ г. Джизака по итогам вступительных испытаний размещены в Личных кабинетах. Просим вас проверить свой статус в личном кабинете на сайте "Буду студентом". Рекомендованным к зачислению на основе гранта Республики Узбекистан, необходимо до 04 августа предоставить Согласие на зачисление по установленной форме. Рекомендованным к зачислению на основе договора просим подойти в Филиал для заключения договора. По вопросам можете обращаться по телефону : 722246528.

Сайт abiturient.kpfu.ru "Буду студентом"/Вход/Логин и пароль/Подать заявление/Заявление/Заявление на контракт