#Búgin
#Jaslar_dóretiwshiliginen

Kitabıńız sóyler eski tarıyxtan,
Qaraqalpaqqa miynetińiz bahasız!
Kegeylimiz jılnamasın jırlaǵan,
"Xat tanıytın" Amaniyaz atamsız!

Qálemińiz ótkir, keskir yadıńız,
Siz barsız! Biz awladlarıń shadlımız!
"Teatrdıń sınshısı" dep tán alǵan,
Sizdi mudam Qaraqalpaq xalqımız!

Bizge ustaz, sız jalınlı ápsana,
Tariyx jazıp qaldırdıńız qanshama,
Biz ushin da uzaq jasań Atajan!
Dóretiwshi bolıp hasla sharshamań!

Kegeyliniń bayteregi dep tanıp,
Kewilimde tur kóp qosıqlar tolǵanıp,
Prozada háykel qoysa arzıydı,
Sizge atap, pútkil xalıq at salıp.

Kók ekran kórsetse nurlı kelbetiń,
Meniń atam dep quwanıp yoshaman!
Siz oqıǵan mektepte tálim alıp,
Keleshekke men de úles qosaman!

Bir kún tariyx bolar, bul kún betleri,
Sizge tariyp ushın sózim jetpedi,
Kitaplarıńızdan basladım dúnyanı tanıp,
Nurǵa tolı siz quyashsız jerdegi.

Teatrda baǵ jaratıp, miyweli,
Júz jastan da asıp uzaq jasań siz!
Hár bir sózi altınǵa teń nuranıy,
Elge órnek Amaniyaz atamsız!

Sayyora Jiyemuratova