#Изленгенге_имканият_бар

4 сотых жери бар адам, бай адам!

Бизиң бүгинги қаҳарманымыз Абат мәкан МПЖ да жасаўшы Парахат Өтешов мәмлекет жумысында ислейди. Жумысы қаншама жуўапкершиликли болса да, ана жерге деген меҳри бөлекше. Оның үйи орайлық көшениң бойынша жайласқан. Жайының дийўалын өрмелеп өскен рәң-бәрәң гүллерди, аспанға бой созып турған арша тереклерин көрген жолаўшы таңланбастан өтпейди. Ал, оның ҳәўлисиниң ишиндеги қыйтақ жериниң пайызы басқаша. Излеген барлық дақылың табылады десек алжаспаймыз. Парахат аға мийнет етиўди, жерге меҳир бериўди жаслайынан ата-анасынан үйренген. Ҳәзирги күнде де  85 жастағы анасы оған жақын жәрдемши болып, ақыл кеңеслерин берип келмекте.

#Толық видеода танысамыз.

Кегейли районы ҳәкимлигиниң Мәлимлеме хызмети

kegeyli.uz|Facebook|Instagram|YouTube|

#Изленгенге_имканият_бар

Егис ушын суў аз болса, жер асты суўынан пайдаланса болады екен

Мәселен, Абат АПЖ ға бириктирилген ҳәким жәрдемшисиниң усынысы менен жеңиллетилген кредит қаржысын алып, қыйтақ жеринде ыссыхана шөлкемлестирген Генжебай Қудайбергенов қыйтақ жер дәрамат дереги екенлигин тастыйықлады. Өйткени, ол 14 метр тереңликтен жер асты суўын шығарып, және оны үнемлеп пайдаланыў ушын тамшылатып суўғарыў технологиясынан кеңнен пайдаланбақта.

Кегейли районы ҳәкимлигиниң Мәлимлеме хызмети

kegeyli.uz|Facebook|Instagram|YouTube|

#Изленгенге_имканият_бар

Аўылда және бир жастың бәнтлиги тәмийинленди

Мәҳәллелерге бириктирилген ҳәким жәрдемшилери бүгин ҳақықый мәниде пуқараларға көмекши болмақта. Буны биз Абат АПЖ да жасаўшы
Тимур Шамуратов мысалында көриўимизге болады. Тимурдың айтыўына қарағанда ол жумыссыз болғанлығы себепли усы күнге шекем жаз айларында қоңсы еллерге барып қол ушы талап ислеп келген. Ҳәзирде болса ол ҳәким жәрдемшиси усынысы менен ажыратылған жеңиллетилген кредит қаржысы есабынан мултикултиватор үскенесин сатып алып, аўыл халқына қыйтақ жер хызметин көрсетпекте.

Кегейли районы ҳәкимлигиниң Мәлимлеме хызмети

kegeyli.uz|Facebook|Instagram|YouTube|

#Изленгенге_имканият_бар

Жеңиллетилген кредиттен аўылдағыларда пайдаланып атыр

Кегейли районы Абат аўыл пуқаралар жыйынында жасаўшы Жәнигүл Тоқымбетованың шаңарағында улы менен келини ақылласып, жеңиллетилген кредит қаржысы есабынан ешки алып, бүгинги күнде оны бағыў ҳәм көбейтиў менен шуғылланып атыр. "Аўылдың жери кең, ешкилердиң от-шөби жетерли. Үйде қарап отырғаннан булда жақсы талап болды мен ушын"-дейди Жәнигүл апа.

Кегейли районы ҳәкимлигиниң Мәлимлеме хызмети
@kegeylirkuzofficial