#КЕГЕЙЛИ_95_ЖАСТА

ӨТКЕН МӘРТ АЗАМАТЛАР ЯД ЕТИЛДИ

Бүгин Кегейли районы дүзилгенлигиниң 95 жыллығы байрамы шеңберинде, дәслеп, район орайында жайласқан "Ҳәсиретли ана" естелигине гүлшеңбер қойыў мәресими өткерилди. Елимиздиң тынышлығы, халқымыздың аманлығы, Кегейли районының бүгингидей гүллеп-жаснаўы ушын мәртлик еткен ер азаматларымыздың атлары тилге алынып, олардың руўхларын шад етиў мақсетинде қураны-кәрим сүрелери оқылды ҳәм  басланып атырған байрамның даўамлы болыўы ушын  жақсы тилеклер билдирилди.

Кегейли районы ҳәкимлигиниң Мәлимлеме хызмети
@kegeylirkuzofficial

#КЕГЕЙЛИ_95_ЖАСТА

Кегейлиниң шөлкемлескен дәўири

Хабарыңыз бар, 1928-жылы 6-август Кегейли районы шɵлкемлескен кун. Тарийхқа нәзер аўдаратуғын болсақ, ɵз дәўири ушын үлкен хызмет орны болған районлық партия комитетиниң биринши секретарлығында 1928-1930-жыллары Жуманияз Мамбеткаримов жумыс ислеген. Кегейли районы шөлкемлескен ўақытта оның халкының саны 29374 адам болып, бул Төрткул менен Шымбайдан кейин кейинги 3-орында турған. Ҳәзирги ўақытта район халқының саны 74 мыңнан асып кетти. 1928-жылы районда ҳукиметлик бир дүкан ашылған болса, бүгинги күнге келип районда исбилерменлер саны 1472 ге жетти. Жаңадан шɵлкемлескен районда усы жылы 2 мектеп болып, соннан, 1 мектеп тарқалып кетеди ҳәм ҳәзирги райондағы 1-санлы мектеп район менен тең шɵлкемлескен мектеп болып табылады. Екинши жер жүзлик урыска районнан 4462 адам урысқа атланған болса, соннан, 1962 жаўынгер районға аман келген. Өткерилген байрам илажында усы мағлыуматлар район ҳәкими А.Камалов тәрепинен оқып еситтирилди.

@kegeylirkuzofficial

#КЕГЕЙЛИ_95_ЖАСТА

КЕГЕЙЛИДЕ "ҮШ ӘЎЛАД" УШЫРАСТЫ

Байрам илажлары шеңберинде, бүгин, райондағы пайызлы орынлардың биринде "Үш әўлад" ушырасыўы өткерилди. Онда, жасы үлкенлеримиз өзлериниң өмир ҳәм мийнет жолы ҳаққында жасы кишилерге кеңнен сөз етип, бир кеса чай үстинде гүрриңлести. Ең баслысы, бүгин, Кегейлиде туўылып өсип, ҳәзирде халық хожалығының түрли тараўларында мийнет етип атырған ҳәм ҳүрметли дем алыстағы нураныйлар дийдар көристи. Кеўилден сәўбетлесип, Кегейлидеги бүгинги өзгерислер ҳаққында толқынланып пикир билдиристи.

Кегейли районы ҳәкимлигиниң Мәлимлеме хызмети
@kegeylirkuzofficial

#КЕГЕЙЛИ_95_ЖАСТА

Той тамашасы ойынлар менен даўам етти

Бүгин сән-салтанат пенен өткерилген 95 жыллық байрам илажлары шеңберинде райондағы "Абат" аўыл пуқаралар жыйынындағы ат шабар майданда ат шабыс, айлаў, жорға жүрис жарыслары өткерилип, палўанлар өз-ара гүреске түсти. Өткерилген ойынларға республикамыздың барлық районларынан, қалаберсе, қонсы ўәлаятлардың шабандозлары менен палўанлары қатнасты.

Кегейли районы ҳәкимлигиниң Мәлимлеме хызмети
@kegeylirkuzofficial