#Áziz_ustazım
#chellenj
#biz_basladıq

1-OKTYABR  MUǴALLIMLER HÁM USTAZLAR KÚNI

Áziz ustazlar! Sizlerdi 1-oktyabr  «Múǵallimler hám ustazlar kúni» múnásebeti menen qızǵın qutlıqlaymız.
Ustaz degende hár bir insannıń kewilinde tereń húrmet-izzet hám júdá keń minnetdarshılıq sezimleri, sonıń menen  birge hesh qanday baylıq penen ólshenbeytuǵın qarızdarlıq sezimleri payda boladı. Bul dúnyada  anańızday-mehriban, atańızday ǵamxor, hár birińiz ushın qayǵırıp sizdi álpeshleytuǵın  ullı insan bul ustazlar esaplanadı. Bul ullı insanlardı xalqımız ázelden húrmetlep kelmekte.  
Xalqımızda «Bir hárip úyretken ustazǵa qırıq jıl tájim et» degen danalıq sóz bar. Haqıyqatında da hár bir jas áwladtı óz perzentindey álpeshlep, olardıń tárbiyası ushın kóz nurın, pútkil den sawlıǵın  baǵıshlaytuǵın oqıtıwshı hám ustazlardıń pidayı kásip iyeleri desek qátelespegen bolamız.
Mámleketimizde bilimlendiriw tarawındaǵı reformalardı hám tálim baǵdarındaǵı zamanagóy texnologiyalardı engiziwde, ásirese jaslardı intellektual bilimli, keleshekte jámiyetimizde kerekli insanlar etip tayarlawdaǵı miynetlerińizdi joqarı bahalaymız.
Áziz ustazlar hám oqıtıwshılar!
Búgingi bayramıńız benen shın kewilden qutlıqlay otırıp, sizlerge zor den-sawlıq, uzaq ómir, shańaraǵıńızǵa amanlıq, tınıshlıq, dasturxanıńızǵa qut-bereke, mashaqatlı, sonıń menen birge iygilikli islerińizde talmas kúsh-ǵayrat tileymiz!

Húrmet penen,
Kegeyli rayonı hákimligi qánigeleri           

@kegeylirkuzofficial