#Бүгин_шембилик

- Кегейлиниң тазалығы, абаданлығы ушын ким жуўапкер?

- Ҳәммемиз!

Каналымызға ағза болың : 👉@kegeylirkuzofficial

#Бүгин
"РАМАЗАН ҲАЙЫТЫ НАМАЗЫ" ОҚЫЛДЫ

Бүгин ерте таңнан Кегейли районындағы "Мағзан ийшан" жомъе мешитинде Рамазан ҳайыты байрамы мүнәсибети менен Ҳайыт намазы оқылды.

Ҳайыт намазына қатнасқанлар халқымыз тәрепинен елимиздиң тынышлығы,  аманлығы ушын еткен нийетлердиң қабыл болыўын тиледи.

Кегейли районы ҳәкимлигиниң мәлимлеме хызмети
➡@kegeylirkuzofficial

#Бүгин
Өзбекстан Республикасы Олий Мажлис Нызамшылық палатасы депутаты Лейли Сейтова район ҳәкимлигиниң мәжилислер залында Халық депутатлары районлық Кеңес депутатлары менен ушырасып, бир қатар қарар ҳәм нызам ҳүжжетлериниң мазмун-мәнисин түсиндириў бойынша үгит-нәсият жумысларын алып барды. Ҳүкимет қарарына тийкар, 1-майдан баслап электр энергиясы ҳәм тәбийий газ төлемлериниң артыўының тийкарғы себеплери менен таныстырды. Атап өтилгениндей, мәмлекетимизде электр энергиясын ислеп шығарыўдың өзине түсер баҳасы 1000 сўм болып, бүгинги күнге шекем пуқаралар 295 сўм есабынан төлеп келген,ал, қалған сўмма мәмлекет есабынан субсидия тийкарында ҳәр бир хожалық ушын төлеп келинген. Ҳәзирги ўақытта хожалықлардың энергетикаға болған жасалма талапларының артып кетиўи себепли, баҳаларды арттырыў зәрүрлиги пайда болмақта. Деген менен, ҳәр бир хожалық энергияны үнемлеп пайдаланса, баҳалардың артыўы өз тәсирин сезилерли дәрежеде көрсетпейди.

Кегейли районы ҳәкимлигиниң Мәлимлеме хызмети
@kegeylirkuzofficial

#Бүгин

Сондай-ақ, Өзбекстан Республикасы Олий Мажлис Нызамшылық палатасы депутаты Лейли Сейтова райондағы Мәденият, Жылўан жап, Нурлы бостан, Абат мәкан, Халқабад, Қуяшлы, Бахытлы, Гүжим терек МПЖ ҳәм Жаңабазар, Қумшүнгил, Көк өзек, Жалпақ жап, Жүзимбағ АПЖ "мәҳәлле жетилиги" менен ушырасып, олар менен жоқарыда атап өтилген қарарлар ҳәм нызам ҳүжжетлериниң мазмун-мәнисин халық арасында кеңнен үгит-нәсият етиў бойынша сәўбетлести. Соның менен бирге, аймақларда ушырасып атырған машқалалар бойынша "мәҳәлле жетилиги"ниң усынысларын тыңлады.

Кегейли районы ҳәкимлигиниң Мәлимлеме хызмети
@kegeylirkuzofficial

#Бүгин
Өзбекстан Республикасы Президентиниң 2024-жыл 5-февраль күнги қарарының орынланыўын тәмийинлеў, сондай-ақ, Өзбекстан Республикасы Мектепке шекемги ҳәм мектеп билимлендириў министрлиги ҳәм Өзбекстан Республикасы Миллий Гвардиясы тәрепинен ислеп шығылған қоспа қарары тийкарында бүгин Кегейли районы МШҳМББне қараслы 30-санлы мектепте Өз.Рес. Миллий Гвардиясы ҚР бойынша басқармасы баслығының орынбасары, подполковник С.Мамбеткаримов, ҚРИИМ жас өспиримлерге социаллық ҳәм ҳуқықый жәрдем көрсетиў орайы баслығы А.Даулетбаев ҳәм Кегейли районы Инсан социаллық хызметлер орайы директоры Р.Турдановалар мектепте социаллык қорғаўға мүтәж жас өспиримлер ҳәм усы мектептиң оқыўшылары менен ушырасты. Ушырасыўда жас өспиримлерди Ўатан сүйиўшилик руўхында тәрбиялаў, олардың санасында садықлық сезимлерин қәлиплестириў ҳәм усы арқалы оқыўшылар ортасында унамсыз жағдайлардың алдын алыў бойынша түсиник жумыслары алып барылды.

Кегейли районы ҳәкимлигиниң Мәлимлеме хызмети
@kegeylirkuzofficial

#Фоторепортаж
#Бүгин

Кегейли районында қарақалпақ эстрада қосықшысы Әжинияз Хожамбергеновтың "Бир кеса чай" атлы концерт бағдарламасы болып өтти.

@kegeylirkuzofficial

#Бүгин

2024-жыл 7-июнь күни  Қарақалпақстан Республикасы судларының басшылары тәрепинен Бозатаў ҳәм Кегейли районларында көшпели қабыллаў өткерилди. Қабыллаўда пуқаралардың суд-ҳуқық тараўына байланыслы мүрәжатлары тыңланды. Мүрәжат нызам ҳүжжетлери тийкарында үйренилип шығылып, ҳуқықый түсиниклер ҳәм әмелий жәрдемлер бериў илажлары көрилди.

Кегейли районы ҳәкимлигиниң Мәлимлеме хызмети
➡@kegeylirkuzofficial