🌱Усё, аб чым нам марыцца,
Збываецца ў жыцці.
Жыццё пражыць — не старыцца —
Не рэчку перайсці.
✍️Мікола Хведаровіч,
1976 г.

🗓️6 красавіка-120 гадоў з дня нараджэння Міколы Хведаровіча (1904 — 1981) — паэт, празаік, перакладчык, член Саюза пісьменнікаў Беларусі з 1937 года.

🇧🇾Нарадзіўся ў г. Капыль Мінскай вобласці ў сялянскай сям’і.
⌨️Друкавацца пачаў у 1924 гoдзe.
У 1929 годзе выходзіць першая яго кніжка вершаў «Настроі».

📑Асаблівасць яго паэтычнай манеры – публіцыстычнасць, спалучаная з лірызмам, канкрэтнасць і рэалістычнасць вобразаў.

📚Пераклаў на беларускую мову «Казку пра цара Салтана” А. С. Пушкіна.

#каляндар_лiтаратура
#наша_Радзіма

✍Паэту трэба многа ведаць, каб было пра што людзям гаварыць.

🗓26 красавіка – 125 гадоў з дня нараджэння беларускага пісьменніка, драматурга, заслужанага дзеяча культуры Беларусі Ільі Данілавіча Гурскага (1899–1972).

📝Літаратурную дзейнасць Ілля Гурскі пачаў як драматург: п'есы «Новым шляхам» і «Дрыгва», «Качагары», «Новы горад», «Маці», «Сваты».

🖌Псеўданім Іллі Гурскага быў Лявон Бушма.

📖Падзеям Вялікай Айчыннай вайны прысвечаны раман «У агні», многія эпізоды якога расказваюць аб падполлі Мінска.

✏️Аўтар нярэдка выкарыстоўваў фальклор: казкі, прыказкі, прымаўкі, што надавала тэкстам большую метафарычнасць.

🌆У Фрунзенскім раёне г.Мінска ёсць вуліца Іллі Гурскага.

#наша_Радзіма
#каляндар_лiтаратура

🖊Пaдaюць cняжынкi – дыямeнты-pocы,
Пaдaюць бялюткi
зa мaiм aкнoм…

🇧🇾Беларускі паэт, публіцыст Паўлюк Трус нарадзіўся 6 мая 1904 года ў вёсцы Нізок на Уздзенскай зямлі.
✔️Сапраўднае імя – Павел Адамавіч Трус.

🗞Паўлюк Трус апублікаваў больш за шэсцьдзясят сваіх твораў у часопісах «Маладняк» і «Малады араты», у газетах «Беларуская вёска», «Чырвоная змена».

📗Паэт, які пражыў усяго 25 гадоў, паспеў выдаць два зборнікі паэзіі: «Вершы» і «Ветры буйныя».

📘Была выдадзена кніжка для дзяцей «Падаюць сняжынкі».

📝Жыццесцвярджальная паэзія Паўлюка Труса – чыстая, як крынічны струмень, і шчырая, як народная песня, – стала ўзорам «пачуццёвай лірыкі» ў беларускай літаратуры.

#каляндар_лiтаратура

🍁🍁🍁Кастрычнік🍁🍁🍁

🍂Стараславянскія назвы яго - листапад, риень, паздерник, брудень.

⁉️Адкуль пайшла назва месяца?

🔶Беларускае найменне месяца паходзіць ад слова "кастрыца": у гэты час сяляне трапалі, часалі лён і каноплі, з якіх ападала шмат кастрыцы.

🔶Існуе і такое меркаванне, што на фоне залатых лістоў бярозы і клёна гронкі рабіны асабліва кідаюцца ў вочы. Здаецца, быццам хтосьці распаліў вялізныя кастры.

🌦Кастрычнік характарызуецца зменлівым надвор'ем: бываюць густыя туманы, дажджы, частыя замаразкі, а часам выпадае і снег. Дрэвы стаяць аголеныя, птушкі адляцелі ў вырай.

☝️Кастрычніцкія прыкметы:

🍁Калі гусі і жураўлі не спяшаюцца пакінуць родныя мясціны, сцюжа не хутка наступіць, а зіма будзе кароткай.

🍁Калі да паловы кастрычніка лісце з бярозы не апала, то снег ляжа позна.

🍁Не выпадзе снег у першай палове кастрычніка – не будзе яго i да сярэдзіны студзеня.

🗓Народны каляндар месяца небагаты. Яго асноўнае свята - Пакровы (14 кастрычнiка).
#каляндар

🌦🍂🌬Лiстапад🌦🍂🌬

🍂Лістапад у народзе завуць халадцом, лістападам, груднем, ледаставам, лістагноем.

🍂Лістапад — вераснёўскі ўнук, кастрычнікаў сын, зіме бацюхна родны.

🍂Беларускае найменне лістапад тлумачыцца проста: канец ападання лісця з дрэў.

🌧Надвор'е ў лicтападзе:дрэвы стаяць ужо амаль без лісця, тэмпература паветра ніжэй нуля, з’яўляюцца туманы. Імжыстыя дажджы змяняюцца на мокры снег.

🌓У народзе кажуць: "Лістападаўскія ночы да снегу цёмныя", "Святло на спад, а ночы дадаюцца", бо лiстапад самы цёмны месяц года - дзень меншае на 1 гадзіну 19 хвілін.

☝️Лістападаўскія прыкметы:

🌨Калі ў пачатку лістапада выпаў снег - да ранняй вясны.

🌨Калі ў лістападзе многія дрэвы не скінулі лісце - да доўгай зімы.

🌨Дуб і рабіна з ураджаем - да суровай зімы.

🌨Чым больш снега выпала ў лістападзе, тым багацейшы будзе ўраджай.

🌨Яснае неба ў лістападзе азначае марознае надвор'е на наступны дзень.

🕯Самае значнае свята – Дзяды (2 лiстапада).

#цiкава_ведаць
#каляндар

❄️❄️❄️Снежань❄️❄️❄️

❄️Зямлю грудзіць, хаты студзіць,год канчае, зіму пачынае.

❄️Першы месяц зімы і апошні каляндарнага года атрымаў назву снежань ад слова «снег».
❄️Старабеларускае найменне яго — прасінец (у значэнні «прасвет у воблаках»).

❄️У народнай мове ёсць i іншыя назвы гэтага месяца: поснік – бо наступаў для вернікаў перыяд посту перад Божым Нараджэннем; хмурань – гэта значыць, пара хмурнага неба і ранняга змяркання; ветразвон, ветразім, стужайла, зімнік – бо адкрывае ледзяныя і марозныя вароты зімы; ледастаў, рэкастаў – замярзаюць рэкі.

☁️Снежань – найбольш пахмурны месяц у годзе. У ім ёсць і самы кароткі дзень года - 21 снежня - дзень зімовага сонцастаяння.

☝️Снежаньскiя прыкметы:

🌨Калі снежань сухі, то і лета з вясною сухімі будуць, калі цёплы і сыры - будзе працяглая зіма і позняя халодная вясна.

🌨Калі ў снежні вялікі іней, гурбы снегу, глыбока пра­мерзлая зямля – да ўраджаю.

#каляндар
#цiкава_ведаць

✍…Галоўнае правіла, якім закліканы карыстацца пісьменнік, – не ўтойваць ад чытача нічога…

21 снежня 9⃣0⃣ гадоў таму нарадзіўся Іван Гаўрылавіч Чыгрынаў.
📝🏅Ён прызнаны сцэнарыст, публіцыст, драматург і народны пісьменнік Беларусі, Лаўрэат Дзяржаўнай прэміі БССР, Лаўрэат літаратурнай прэміі імя А. Фадзеева, кавалер ордэна Дружбы народаў.

📰Як празаік дэбютаваў у 1958 годзе ў моладзевай газеце «Чырвоная змена».

🇧🇾Пісаў выключна на беларускай мове.

📚За гады творчасці стварыў зборнікі апавяданняў «Птушкі ляцяць на волю», «Самы шчаслівы чалавек», «Ішоў на вайну чалавек», прысвечаныя жыццю і працы савецкіх людзей.

📚У рамане-трылогіі «Плач перапёлкі», «Апраўданне крыві» і «Свае і чужыя» перадаў драматызм падзей і чалавечых лёсаў у пачатку Вялікай Айчыннай вайны.

🎞Браў удзел у стварэнні тэлевізійнага фільма пра мiнскае падполле «Руіны страляюць».

#мая_Радзiма
#каляндар

❄️🌨❄️СТУДЗЕНЬ❄️🌨❄️

❄️Студзень — году пачатак, а зіме — палавіна.

❄️У старабеларускай пісьменнасці для абазначэння другога месяца
зімы выкарыстоўвалася найменне “стычань”. Стычань быў 11-ым месяцам года. У гісторыі славян ён лічыўся таксама і 1-ым і 5-ым.

❄️Сучасная беларуская назва студзень паходзіць ад слова “сцюдзёны”, якая яскрава характарызуе самую халодную пару года.

❄️За студзень дзень павялічваецца на паўтары гадзіны.

☝️Студзеньскiя прыкметы:

☁️Калі студзень імглісты — мокры год.

🌤Цёплы студзень - да позняй вясны.

🌬Марозны студзень - да завеяў у лютым.

💨Чым мацнейшыя маразы ў пачатку студзеня - тым гарачэйшае лета.

❄️Снегапады і частыя завеі ў студзені - да частых дажджоў летам.

#каляндар
#цiкава_ведаць

🇧🇾Беларускі пісьменнік Алесь Пальчэўскі (сапраўднае імя Аляксандр Восіповіч) нарадзіўся 16 студзеня 1⃣2⃣0⃣ гадоў таму ў вёсцы Прусінава Уздзенскага раёна.

📰Друкаваўся з 1924 года.
📝Асноўныя рысы яго творчасці: любоў да роднага краю, добрае веданне псіхалогіі селяніна, сялянскага побыту, жыцця дзяцей і юнацтва.

🖋Ён працаваў у газеце «Зорька», рэдактарам у Дзяржвыдавецтве БССР, адказным сакратаром часопіса «Вясёлка».
🖊Член Саюза пісьменнікаў Беларусі з 1956 года.

📚Аўтар зборнікаў аповесцей і апавяданняў «Родныя берагі», «Аўгустоўская раніца»,«Разбітае люстэрка»,«Запознены пасаг», «Ноч на вахце».

#каляндар
#цiкава_ведаць

❄️🌥💨ЛЮТЫ❄️🌥💨

❄️Люты адзін бок грэе, другі студзіць.

❄️Беларуская назва "люты" паходзіць ад прыметніка "люты" – бязлітасны, злосны. Лютуюць халодныя, рэзкія вятры, завеі, мяцеліцы. Усю ноч вые, галосіць завіруха.

❄️За 28 сутак лютага дзень прыбывае на 1 гадзіну і 54 мінуты.

☝️Лютаўскія прыкметы:

❄️Калі ў лютым вераб’і зашыліся пад стрэхі – чакай у госці белакосую мяцеліцу.

❄️У лютым моцныя маразы – зіма хутка закончыцца.

❄️У лютым снегапад – да ціхай вясны.

❄️Калі ў лютым месяц ясны, ураджай будзе небагаты.

❄️Які першы дзень лютага, такое і лета будзе.

❄️Моцныя лютаўскія маразы – да гарачага лета.

🗓15 лютага дзень сустрэчы зімы з летам — Грамніцы, або Стрэчанне.

#каляндар
#цiкава_ведаць

🌤💦🌤САКАВIК🌤💦🌤

🟡Сучасная беларуская назва першага месяца вясны паходзіць ад слова "сок". Пачатак руху соку па ствалах дрэў – першая адзнака абуджэння раслін ад зімовага сну.

💬Пра пару, калі зіма павінна саступіць месца вясне, у народзе гаварылі: "Люты вады падпусціць, а сакавік падбярэ", "Марац кусае за палец".

☝️Сакавiцкiя прыкметы:

📌Сакавік зялёны – ураджай благі.

📌Сухі сакавік - год павінен быць урадлівым, мокры - неўраджайным.

📌Калі холад сканчаецца да канца сакавіка - быць цёпламу лету.

📌Няма ў сакавіку вады – няма ў красавіку травы.

📌Своечасовы прылёт птушак – да ўраджайнага года.

📌Дзяцел стукае - быць вясне позняй.

🗓20 сакавіка - Дзень вясновага раўнадзенства – нашы продкі лічылі, што з гэтага моманту пачынаецца вясна, новы год.

🗓22 сакавіка - Саракі - старажытнае свята сустрэчы новага года па сонечным календары. Прынята было выпякаць булачкі ў форме птушачак – жаўрукі.

#каляндар
#цiкава_ведаць