Прачытала, што Міхаэль Ханэке выйшаў на пенсію, вырашыла глянуць «Белую стужку», каб дадаць радасці і запалу ў свой вечар.

Паглядзела першую серыю Lanterns на HBO — новага шоу пра супергерояў.

Не вельмі разбіраюся ў лоры, але паспрабую апісаць: у сусвеце ёсць сетка назіральнікаў-«зялёных ліхтароў». Яны абараняюць акрэсленыя перыметры космасу з дапамогай чароўных пярсцёнкаў.

Аднак Зямля такая абсосная, што ўласны абаронца з'явіўся ў нас толькі пад канец 90-х. Гэта ваенны пілот Хэл Джордан, які прыгожа выглядае ў супергеройскім касцюме і нясе па тэліку лухту па тыпу «пасля таго, як згубіш бацькоў, ужо нічога не страшна» (па свайму вопыту скажу — не, усё яшчэ да ўсрачкі страшна, прычым ад розных рэчаў).

Аднак праз дзясятак гадоў бляск героя пабляк, і Хэл стаў рыхтаваць пераемніка на выпадак сваёй смерці. Ім стаў Джон Сцюарт — малады мужчына, якому адбілі страх яшчэ ў дзяцінстве: бацька ставіў яму на галаву яблыка і пуляў з пісталета. Навошта, незразумела. Пэўна, каб выхаваць сапраўдным мужыком, я хв.

У першай серыі гэтая парачка зоймецца расследаваннем магчымай каланізацыі Зямлі, што пачнецца з Нябраскі.

На дадзены момант уражанні наступныя — гэта тыповы амерыканскі серыял: вельмі якасны, выпакладаны і стэрыльны. Усё чыстае і вылізанае, жарты падаюць у патрэбным часе і месцы, стрэльбы развешаныя граматна, хоць і бачныя за мілю. Нават пасцельная сцэна абсалютна непалкая, хутчэй, кастрыраваная. Баюся, серыял пакуль мяне не зацягнуў, але паспрабую даць яшчэ шанец. Усё ж па пілоту судзіць не варта.

А якія ўражанні ў вас?

#серыял #супергероі #dc #hbo

Толькі зараз пабачыла, што да Lanterns прыклаў руку Дэйман Ліндэлаф, і вы б бачылі, як моцна я адразу пераабулася, нават сальтуху зрабіла. Прызямлілася і адразу такая: «Не, ну годны серыял, трэба глядзець».

Здагадайцеся, які серыял вернецца ў студзені 2027-га і раскажа пра Лондан XVII стагоддзя?...