Каттақўрғон туманидаги “Ёшлик” ўйингоҳида бугун эрта тонгдан бошлаб махсус-тактик ўқув машқи ўтказилмоқда. Ушбу машқлар “Зилзила ва ёнғин содир бўлганда фуқароларни қутқариш, биринчи тиббий ёрдам кўрсатиш ҳамда уларни хавфсиз ҳудудга эвакуация қилиш ишларини ташкил этишда обект раҳбарияти ва фуқаро муҳофазаси тузилмалари ҳаракатлари” мавзусида ташкил этилган. Машқлар давомида истеъмолда бўлган транспорт воситалари ва эҳтиёт қисмлари фаол иштирок этмоқда. Бу тадбир орқали ҳудуддаги фуқароларнинг фавқулодда вазиятларда ҳаракат қилиш кўникмалари оширилади.

YIG’MA KOMANDA KUCH VOSITALARINING SAF KO’RIGI BO’LIB O’TDI.

Zilzila natijasida ko‘rilgan talofatlarni bartaraf etish va aholiga tezkor yordam ko‘rsatish maqsadida Kattaqo‘rg‘on tumani Yoshlik o‘yingohida 70 dan ortiq texnika va barcha kuch vositalari bir manzilga jamlandi.

Kattaqo‘rg‘on shahar va Kattaqo‘rg‘on tumani ''Yig‘ma komanda''larining saf ko‘rigi davomida har bir tuzilmaning vazifalari, ularning ixtiyorida mavjud texnika va asbob-anjomlar ko‘zdan kechirilib, kerakli tavsiyalar berildi.

Favqulodda vaziyatlar yuz berganda tezkorlik bilan harakat qilish, texikalarning soz holatda bo‘lishi va barcha o‘z vazifasiga sidqidildan yondashishi bo‘yicha fikrlashildi.

AHOLI XAVFSIZLIGINI TA’MINLASH YO’LIDA...

Navbatdagi o‘quv mashqi zilzila  bilan bog‘liq  favqulodda vaziyatlar yuzaga kelganda aholini xavfsiz hududga ko‘chirish maqsadida, Kattaqo‘rg‘on shahar ''Yermasjid'' va ''Damariq'' MFYlari hamda  Kattaqo‘rg‘on tumani ''Nomoz polvon'', Kumushqirg‘oq va ''Saroyqo‘rg‘on'' MFYlaridan 500 nafardan ortiq fuqarolar yig‘ish-ko‘chirish punktlarida yig’ildi.

Evakuatsiya komissiyasi tomonidan yig’ilgan fuqarolarni maxsus tashkil etilgan obyektlarga ko’chirish va ular uchun xavfsiz hayot faoliyatini ta’minlash tadbirlari amalga oshirildi.