#adliya_xabari

Uyma-uy yurish orqali aholi muammolari ijobiy hal etilmoqda.

Adliya vaziri A.Tashkulov shu kuni Qashqadaryo viloyati Shahrisabz  shahar adliya bo‘limi hamda Shahrisabz tuman adliya bo'limlarida uyma-uy yurish orqali aniqlangan huquqiy muammolar va ularning bartaraf etilishi holatlari bilan tanishdi.

Uchrashuv davomida  adliya bo‘limi xodimlarining O‘zbekiston Respublikasi Prezidentining 2024-yil 24-maydagi PF-80-sonli Farmoni ijrosi yuzasidan amalga oshirilgan ishlar to‘g‘risida axborotlari tinglandi.

Xususan, Shahrisabz tuman adliya bo'limi tomonidan oʻrganish davomida   6097 ta xonadon o'rganildi, shundan 707 ta huquqiy muammo aniqlandi, 509 tasi joyida hal etildi. Masalan, Shahrisabz tuman adliya bo'limi, YXKM, FHDY, DXM xodimlari tomonidan birgalikda "Chuqun" MFYda uyma-uy yurish orqali 21 ta xonadon o'rganilgan,  shundan 5 tasida huquqiy muammo aniqlangan.

Aniqlangan tizimli muammolar hamda ular bilan manzilli ishlash borasida  adliya vaziri o'z tavsiyalarini berib o'tdi.

#Saylov_2024

Qashqadaryo viloyat hududiy saylov komissiyasining navbatdagi majlisi boʻlib oʻtdi.

Majlisda xalq deputatlari viloyat Kengashiga saylov oʻtkazuvchi okrug saylov komissiyalari aʼzolarini tasdiqlash toʻgʻrisidagi masala muhokama qilindi.

Qayd etilganidek, xalq deputatlari viloyat kengashi deputatligiga saylov oʻtkazuvchi 60 ta okrug saylov komissiya aʼzolari (jami 540 nafar) tarkibi xalq deputatlari tuman (shahar) kengashlari sessiyalarida muhokama qilinib, tasdiqlash uchun e-saylov.uz tizimi orqali hududiy saylov komissiyasiga yuborilgan.

Okrug saylov komissiyasi aʼzoligiga nomzodlarning 348 nafari (64 foizi) avvalgi saylovlarda qatnashgan.

Shuningdek, nomzodlarning 408 nafari oliy (76 foiz), 123 nafari oʻrta-maxsus (23 foiz) va 9 nafari oʻrta maʼlumotga ega.

Majlisda xalq deputatlari viloyat kengashi deputatligiga saylov oʻtkazuvchi 60 ta okrug saylov komissiyasi aʼzolari tarkibi tasdiqlandi.

Qashqadaryo viloyati hududiy saylov komissiyasi

⚖️Adliya vaziri Akbar Toshqulov Qashqadaryo viloyatidagi ta'mirlanayotgan yuridik texnikum binosi bilan tanishdi.

👨‍⚖️Vazir qurilish jarayoni bilan yaqindan tanishar ekan, qurilish sifatini doimiy nazorat qilish, ushbu ta'lim dargohi har tomonlama zamonaviy innovatsion texnologiyalarni o'zida mujassamlashtirishi va bu muassasada yetuk yurist-kadrlar yetishib chiqishi muhim vazifalardan biri ekanini ta'kidlab o‘tdi.

✅Shu bilan birga, Adliya vaziri A.Toshqulov, Qashqadaryo viloyat hokimi M.Azimov hamda Qarshi shahar hokimi N.Xolboyev qurilishni olib borayotgan korxona rahbarlari bilan suhbatlashib, qurilish ishlarini birga ko‘zdan kechirdi.

Biz ijtimoiy tarmoqlarda:
• Telegram | • Instagram